2010年1月18日，話說我哋响九份搭的士落瑞芳，再轉火車去十分、平溪等地再玩。
火車站對面有間惠康，不過台灣叫頂好，英文Wellcome就冇變。
火車站外面烤雞蛋糕賣，同香港的雞蛋仔差不多，熱辣辣好味喎！
跟住行入車站內搭火車，上月台嘅隧道有瑞芳鎮今昔的相片展覽。
等火車去平溪。
諗住搭15點38分車去『十分』玩番45分鐘，再搭下一班車去『平溪』玩天燈！
15：34火車到，即上火車去平溪！點知咁就中招嘞，原來依班車係去台北嫁！以後真係要記住，响台灣搭火車，個月台仲有分A、B side嫁！
好彩當架車行咗幾個站就發覺嘞，即刻响『七堵』站落車啦！跟住同火車站上嘅工作人員講，佢哋好好人，冇收我哋票，叫我哋行去另一個月台搭對頭車返瑞 芳啦！當我哋擔心緊對頭車可能追唔到下一班平溪線火車之際，有兩個『台灣妹』走嚟同我哋講，話原來同我哋一樣搭錯車，佢叫我哋一齊搭的士返瑞芳追下一班平溪火車添！於是咪一齊囉，總算不幸中之大幸囉！返到瑞芳站，啱啱好搭到16：13班車！當我同老婆仔影返張相期間，嗰兩個台妹仲响架車道影相添！
我哋上咗車之後都叫佢哋同我哋影返張相先。
約半個鐘頭火車就到咗十分站，不過今次冇時間落車玩，影返張相算啦！
約十分鐘後就到咗平溪站嘞。
平溪線最獨特之處就係火車路軌就在民居旁，居民和遊客可以在路軌上行走。
侯孝賢的電影『戀戀風塵』海報亦是在這裡拍攝
平溪出名之處就是放天燈(孔明燈)，這裡每年元宵夜的放天燈活動最出名，亦是台灣旅遊局重點推介的節目！所以這裡的商店賣的貨品幾乎全是和天燈有關。
連街上坑渠蓋上嘅去水孔都係天燈形的！
平溪擁有全台灣最古老的郵筒，由日據時期用到現在，超過七十年的歷史！
又係胃食媽咪嘅節目嘞！平溪特產『黑毛豬高梁香腸』，超好味！
D香腸入面真係有一粒粒嘅豬肉，有咬口，真係好正！香港D『三花牌』、『金妹牌』......行埋一邊！
响平溪放天燈，只需NT$100，我覺得都幾平吖。首先係揀天燈的颜色，例如我們揀的桃紅色係代表祈願婚姻幸福、家庭和樂、事事順利。然後再在天燈上寫上想向上天祈求的字句，我哋寫上希望皓怡會考成功、芊芊青春美麗......
寫好後影返張相留念先！
跟住行去D空曠地方
然後點火，等盞天燈受熱發脹。
之後就可以放手。
放完天燈之後都黑齊囉，就响平溪搭公車返台北嘅『木柵』。
個零鐘就返到木柵，然後响木柵搭捷運返台北車站嘅酒店嘞！
返到酒店放低D手信就去醫肚，今晚係去酒店咐近嘅『良品』食牛肉麵，依間良品最出名係D麵條係寬條麵，特別彈牙，好味呀！
之後胃食媽咪再買鹽水雞返酒店『宵夜』，不過依檔D鹽水雞好靭、唔好食。
留言列表
