2009年3月8日，前兩日睇報紙話大阪城D梅花開得好靚，所以今朝去大阪城賞梅。首先响酒店行去長崛橋站搭地鐵去森之宮站，出口就係大阪城公園嘞！
跟住坐小火車去梅林。
梅林入面好多各個品種嘅梅花，有牌仔介紹嫁。
食住梅味雪糕嚟賞梅，正呀！
後面就係大阪城天守閣
跟住行去水上巴士站坐水上巴士落淀屋橋！
依張相係有個日本人同我哋影嘅，佢見我同老婆影相，就主動行過嚟話同我哋影返張2人相啦，佢仲問我哋結咗婚未？我咪話今日啱啱17週年紀念日呀！
喺淀屋橋前嘅中之島上有間歷史建築物「大阪市中央公會堂」，係日本的國指定重要文化財。
跟住搭地鐵去梅田轉阪急電車去池田，琴日買嗰張阪急版周遊券就係可以搭埋衣條線嘞。喺池田站有間『竹路庵』，專賣『櫻餅』同『和果子』，超好味！
我哋嚟依道嘅目的就係『日清即食麵博物館』嘞，因為應承咗芊芊整杯佢設計嘅杯麵！我哋落車後沿途見好多人攞住一個個自己嘅杯麵，唔洗問路都嚟到啦！
首先入￥300買個杯先。
跟住坐低畫公仔
媽咪畫完2個杯嘞，皓怡、皓芊各一！芊芊嗰杯係跟足芊芊設計圖嚟畫嫁！
跟住由日清職員協助下入麵！
然後自己揀杯麵嘅材料
杯麵封口後就比返我哋然後用保護袋充氣！
樓上嗰層仲有得自己整麵添，不過我哋冇時間所以冇玩到囉！
臨走時買多袋集合咗各地風味嘅日清杯麵同碗麵，今次有排試食囉
然後就去玩海遊館，即係佢哋嘅海洋公園。
比起香港嘅海洋公園，海遊館細得多，較為特別就係有水瀨、企鵝、翻車魚、長腳蟹同佢哋嘅生招牌『鯨鯊』！本來諗住玩半日，點知兩個鐘行完！
之後行去隔離嘅天保山遊樂場，玩大觀覽車，最高離地112.5米，曾經是世界最高，而家第2高，响香港download定9折 coupon，￥630約玩25分鐘！
最精采係透明車卡，不過我畏高唔敢玩！
樓下商場有又有梅花味雪糕食，期間限定嫁喎，又試吓先！好味道！
玩到入黑後，行返過去海遊館，攞返D寄存咗嘅日清紀念品，然後返難波去高達專門店買嘢比皓怡！
高達店响難波，我哋返富士屋擺低D手信，然後行過去。皓怡叫我哋同佢買隻gundum's 00 tomorrow嘅CD，一於去搵吓有冇啦！
就响依排貨架道有嘞，￥999再有九折，唔洗80蚊，好平喎！
然後行過對面間『餃子の王將』餐廳食餃子，我哋响香港好鍾意買比芊芊食，衣間係佢响大阪嘅自己舖，夠新鮮，好味道！
然後經過道頓崛行返酒店
行行吓胃食老婆見有紅豆雪糕又要試吓喎！
响日本橋附近見到好多露宿者同拾荒者在執紙皮，衣個現象十幾年前响日本根本不可思議，日本經濟真係好差，十幾年來一沉不起，香港會否步佢後塵呢？
留言列表
