2009年3月9日，今朝好遲先起身，要落姬路城同埋神戶，好趕時間。去到JR大阪站諗住搵綠色counter買JR west 1 Day pass，不過個站太大嘞，都搵唔到。走去問個入閘口嘅JR職員响邊道買Day Pass？點知個妹淨係識得講一個英文字，就係"NO"嘞！比佢玩死！算啦！又冇乜時間搵，貴就貴啦，買單程票算嘞！
搭新快速大約一個鐘就去到姬路站，中途經過明石，睇到香港青馬大橋嘅『孖生兄弟』明石大橋嘞。事關兩條橋都係由同一間日本公司建築公司建造嘅！
由JR姬路站行去姬路城約10分鐘，中途好多雕塑，一路行一路睇，又幾好喎。
响自動販賣機買番罐熱粟米羹同熱啡，暖吓身先！
話咁快就行到姬路城嘞，日本人稱為國寶，日本好多歷史劇同電影都响依道拍攝嫁，好值得慢慢欣賞。
姬路城的天守閣，最初是16世紀由豐臣秀吉興建，現時這個天守閣建於17世紀，即使二次世界大戰亦沒有受盟軍空襲，所以被聯合國指定為世界文化遺產。
當地的幼稚園學生都嚟參觀。
終於見到櫻花嘞，雖然少少哋，都好靚嫁！
我哋行埋入去天守閣參觀。
天守閣頂樓，仲有個神社比人祈福添。
响頂樓直望可以望到JR姬路站。
响姬路城外面就係紀念品店。
胃食媽咪又食雪糕嘞，不過講真，日本D雪糕又真係好好食嘅！
我都晚晚去買鮮奶飲啦！
睇完之後搭番JR火車落神戶嘅三之宮站！
我哋諗住落神戶食午餐，不過落到三之宮成3點，食鬼食馬咩！求其响街邊食吓小食就算啦，留返D錢今晚食晚餐啦！然後行去北野睇『天滿宮』同『異人館』！
『天滿宮』响日本有好多間，係供奉日本嘅學問之神『菅原道真』嘅地方，類似中國嘅孔子廟咁啦！
衣隻神牛據講摸吓佢會聰明D喎，我哋都有摸吓嫁
我哋仲買咗兩個學業御守比兩個女，希望讀書聰明D啦！
跟住行去北野異人館睇吓啦，『異人』即係外國人。因為神戶以前好多外國人住，後來D鬼佬搬走咗，市政府就將佢地以前D咁有外國Feel嘅屋企改為博 物館比人參觀，就叫異人館嘞！衣間係風見雞館，即係德國館，因為屋頂有隻雞形嘅風向器而出名。門口衣個廣場假日仲有表演睇添喎！
依間係丹麥館，不過參觀要比錢，我哋响出面影吓相就走嘞！
下面就係法國館同英國館。
跟住我哋去行荷蘭館，依間好抵￥300有得參觀，仲有得着民族服裝影相添！
然後搭地鐵落神戶港，今日天氣唔好，好快天黑，落到去睇神戶塔夜景啦！
上神戶塔頂層睇神戶港夜景好靚喎！
跟住落下一層嘅旋轉餐廳，飲杯嘢同轉一圈睇吓夜景，好正呀！
跟住行過對面嘅商場食神戶牛晚餐啦，我哋食嘅嘅餐廳叫『空海』！好好味！好正！
神戶牛扒set dinner ￥7950，件牛扒入口即溶，超好味！
食完之後行去前面Mosaic Garden遊樂場玩大觀覽車。我哋嚟咗3日，已經玩第3架嘞，不過依架唔係咁好玩，唔夠高，車卡又細！￥700唔抵玩！
跟住行去JR神戶站搭JR返大阪，順手响站入面嘅Green counter買埋走嗰日嘅JR west 1 day pass。費事好似今朝咁，搵唔到Green counter買飛，焗買單程飛就唔抵啦！
留言列表
