hkt222976的部落格

2009年3月7日，坐國泰CX506去關西機場，今次同老婆去左日本自由行玩6日，順便慶祝結婚17周年，目的地係關西，即係京都、大阪附近一帶，事關我鍾意睇風景同古蹟，希望影到D靚相啦！

 
 下晝2點鐘就到左關西機場嘞，D古樸味出嚟嘞

跟住搭南海電鐵落大阪嘅難波，去我哋訂左嘅富士屋酒店。

富士屋酒店，好處是在旺區附近大把野食同交通方便，唔好係好舊，D嘢好殘！

之後行去道頓崛行吓、食吓嘢先！

依檔小丸子好多人排隊，試落又真係幾好嘅

 之後行去法善寺橫丁

食吓鯛魚燒

跟住搭地鐵御堂筋線落梅田

然後行去空中庭園展望台睇大阪夜景

搭長長嘅扶手電梯上天台

依處睇夜景好靚架！不過就好凍！

 行返落樓下有暖氣就好好多

仲有位比人影白色情人節相(剪影)添！

之後行返去『阪急梅田站』買定聽日嘅海遊館(阪急版)周遊票。

之後就行落地下街食『大阪燒』！好味呀！

然後行上Hep Five商場搭『大觀覧車』，即係摩天輪！

再行過隔離Namco商場嘅餃子專門店食餃子，上次响池袋食過好正，今次都好正！

今日行到腳軟，即刻返酒店大覺瞓先！