2024-4-10，今朝起身喺窗口望出去，依個窗口向東，可以睇到日出。
太陽喺正條街中間升起。
起咗身就出去行吓街啦，首先經過宮地嶽神社。
依間只係間小型神社。
跟住行去別府公園，公園門口都有櫻花，係八重櫻。
啲八重櫻都開得咗好多，不過八重櫻通常都係花葉一齊開，我覺得如果可以好似染井吉野櫻咁，開完花先出葉就仲好。
別府公園嘅正門。
公園入面啲染井吉野櫻都開咗好多。
仲種埋鬱金香一齊添。
公園旁邊有間京都大學地球熱學研究施設，係隸屬於京都大學理學研究科嘅研究設施。大樓建於1923年（大正12年），負責火山、地熱、溫泉嘅研究和教育，已登錄為登錄有形文化財。
對面就係琴日先去完嘅b-con plaza.
行返去酒店，喺火車站附近見到依間建築物幾靚，原來係野口病院管理棟，由野口醫院的創始人野口勇三郎於1922年（大正11年）興建，使用至2013年才搬咗去別府公園附近嘅新院為止。現時係登録有形文化財。
行返去洒店，同媽咪食埋個早餐，就去別府駅搭火車去博多。臨走前同油屋熊八嘅雕像影返張先。
搭嘅係885系特急音速號(White Sonic)列車。
大約兩個鐘就去到博多，首先攞行李去東橫INN 博多口站前放低先。
然後返博多駅搭昭和巴士去唐津，1800円來回。
大約個半鐘就去到唐津寶當棧橋駅。
落車行喺巴士站附近搵咗依間矢倉寿司食午餐。
媽咪食海鮮丼
我就食天丼
食飽之後就行去唐津城。
由寶當棧橋行去唐津城要經過城内橋。
行上唐津城
如果唔想行上去，亦可以用100円搭登山升降機上去。
取自唐津城官網地圖。
行上中段廣場。
中段廣場有個架，架上攀滿紫藤，仲啱啱開始開花添。
櫻花同紫藤同框，不過紫藤未開吖。
中段廣場上有間小型稻荷神社
廣場上嘅櫻花都開到水尾咯。
再行上本丸(上段廣場)。
唐津城始建於慶長7年（1602年），佢嘅建材好多係來自拆毀嘅名護屋城。到咗明治4年（1871年），因為廢藩置縣，唐津藩被廢除，並發也廢城令，唐津城天守閣亦被拆毀。直到昭和41年(1966年)，諗住吸引遊客，先重建成現時嘅天守。
行上天守閣睇吓啦。
天守閣內展出嘅都係有關佐賀縣嘅文物。
亦都展出戰國時代嘅文物
天守閣頂層景觀。
媽咪喺上段廣場欣賞唐津灣景色。
唐津教會對面有間建築物，我仲以為又係間教堂，點知睇清楚原來間cafe，叫做Cafe Elster。
約行5分鐘就行到唐津神社。
拜殿
主祭神係住吉三神(底筒男命、中筒男命、表筒男命)。
唐津神社內嘅攝社~白飛稻荷神社。
另一間攝社~鳥居天滿宮。
天滿宮前嘅神牛。
睇完就去唐津巴士總站搭昭和巴士返博多。
搭巴士返博多，沿住唐津灣海岸行駛，天氣好風景都唔錯。
返到博多就去もつ鍋 田しゅう博多食牛腸鍋。
牛腸鍋發源地係福岡，嚟依度做最正宗。
可能已經係水尾，所以舞鶴公園內遊人唔多，都有啲情侶嚟拍拖打卡。
今次專登嚟睇幻の天守閣。
福岡城別名舞鶴城，位於現時嘅舞鶴公園，由戰國大名黑田長政於1607建成。到了明治實行廢城令後被解體，只有基座石垣被保留，稱為福岡城跡。今年夜櫻期間，公園喺天守台舊石垣上架起鷹架。並架設燈飾，於晚上開燈。重現福岡城天守閣嘅樣貌，更隨住時間會出現唔同嘅顏色變化，稱為幻の天守閣。
留言列表
