2024-4-9，今日天氣好好，行去酒店隔離嘅天狗通商店街睇吓。喺街上有個大鼻嘅天狗神輿「 やよい天狗」 ，依個神輿係由商店街商會做出嚟，係祈求消災避火之用。
商店街嘅戲院做緊黃秋生嘅白日青春。
睇完就搭龜之井巴士去B-CON Plaza(Global Tower)。
買咗飛(300円)，就搭電梯上展望台。
先上4樓(100M)展望台。
一出電梯就見到個景好靚，不過就好大風。
依層向東，可以望到別府灣。
行落一層，依層向西望向內陸，不過就冇咁大風。
跟住搭龜之井巴士去海地獄，入場前先買「別府地獄套票」。
別府係出名嘅温泉鄉，遊客通常都會買「別府地獄套票」，可以参觀7個地獄。1.海地獄（國指定名勝） 2.鬼石坊主地獄 3.かまど地獄(灶地獄) 4.鬼山地獄（鱷魚地獄） 5.白池地獄（國指定名勝） 6.血池地獄（國指定名勝）7.龍卷地獄（國指定名勝）。
海地獄嘅庭園(蓮の池)。
海地獄嘅赤池。
睡蓮池，海地獄嘅櫻花滿開，今日有風，櫻吹雪後處處都係落櫻。
庭園內嘅路上都係落櫻。
正式嘅海地獄(國指定名勝)，有啲人話池水係Tiffany Blue。
睇完海地獄就行去第二個地獄「鬼石坊主地獄」。
依度嘅地底蒸氣由石頭罅隙噴出，像魔鬼打鼾嘅聲音，因而被稱為「鬼石」。
泥漿池滾燙嘅泥漿泡泡不斷冒出，沸騰嘅球體就似和尚嘅光頭 (日文「坊主」就是和尚嘅意思)，所以叫做「鬼石坊主地獄」。
滿開嘅櫻花。
睇完鬼石坊主地獄，就沿住「地獄めぐり通り」行去下一個地獄「かまど地獄」。
かまど地獄，漢字係竈地獄。
一入門口有啲擺設俾遊客影相。
かまど地獄溫泉2丁目（100℃），溫泉頂有個竈地獄嘅標誌物「竈鬼」。
竈地獄溫泉3丁目（85℃），天藍色嘅地獄溫泉。
竈地獄溫泉4丁目(80℃)，熱泥漿地獄。
竈地獄溫泉5丁目，溫泉顏色會變化嘅奇異溫泉。
竈地獄溫泉6丁目（95℃），赤紅色嘅温泉。
食溫泉蛋。
竈地獄溫泉7丁目，係園內嘅花壇。按不同季節種上唔同嘅花。
個主池蒸氣驣驣。
由1923年開始，係日本第一個利用溫泉水嚟養殖鱷魚嘅地方，現時養咗約80條鱷魚。
睇完鬼山地獄就行去白池地獄，中途經過依間Goemon小食店，竟然見到有金箔雪糕食。
上次喺金澤食唔到金箔雪糕，今次媽咪有得食啦。
食完就行去白池地獄。
白池地獄有個用溫泉熱氣嘅熱帶魚館，可以睇到亞馬遜河嘅巨骨舌魚同食人䱽等熱帶魚類。
巨骨舌魚標本。
泉水噴出時是透明無色，但冷卻後就變成青白色，所以稱為白池地獄。
熱帶魚池，旁邊有座國東塔。
國東塔係大分縣國東半島特有嘅佛教寶塔嘅一種，依個係縣指定有形文化財(建造物)，估計係日本南北朝末期建做。
睇完鐵輪區五個地獄，就去食地獄蒸し工房鉄輪，先去攞籌，然後等夠鐘再返嚟食。
趁未夠鐘食就行吓附近嘅句碑公園啦。
句碑公園嘅草地上有好多石碑，刻上俳句。
公園上有棵好大嘅櫻花樹。
跟住行去湯霧展望台睇吓別府市全景。
中途有個貴船城，不過冇時間冇上去睇吖。
依度係高尚住宅區，啲屋主將自己間屋整得好靚。
湯霧展望台(湯けむり展望台)喺市內高位，一早一晚可以睇到市內嘅温泉旅館冒出嘅蒸氣，成個城市好似喺度出煙咁。由其係夜晚加上旅館燈光仲靚，被選為日本夜景遺產認定。
不過依家係大頂光，天氣又乾燥，幾乎睇唔到蒸氣咁滯。
睇完就行返去鐵輪食地獄蒸。
地獄蒸し工房鉄輪，最大的特色就係自己親手用高溫溫泉蒸氣嚟蒸食物。
睇啱想食乜嘢餐，然後就喺隔離部售票機買飛。
攞住啲飛就去攞食物同用蒸爐。
然後就放落去個蒸爐度蒸。
15分鐘後就有收成啦。
有得食啦。
開餐啦
食完第一籠再食第二籠。
食飽就去飲温泉水。
食完就搭龜の井巴士去睇龍卷地獄同血の池地獄，首先行去龍卷地獄見到啲人坐晒喺度，即係就噴啦。
坐低大約5分鐘就噴啦。
龍卷地獄係間歇泉，因為地下溫泉水變成蒸氣而間歇地噴出而形成。龍卷地獄休止時間大約30~40分鐘，噴出時間6~10分。
血の池地獄，因為温泉水中含有氧化鐵和氧化鎂，沉澱成赤紅色的熱泥，積咗落池底，就將個池塘變成血紅色。
睇晒七個地獄，就搭龜の井巴士去八幡竈門神社，睇吓見唔見到『鬼滅の刃』嘅主角~竈門炭治郎先。
不過因為下晝嚟，參道大背光，好難影，如果朝早嚟應該會好啲。
傳說以前喺竈門地區，每晚都會出現一個食人魔並入侵村莊。於是村民向八幡神求救，希望能夠驅除食人魔。八幡神同食人魔協議，如果惡鬼能在一夜之間建成一百級石階到神社，那麼每年都會送人俾佢食，但如果做唔到，就永遠唔好再出現喺村莊。於是食人魔就成晚修建石階，但當佢整到第 99 級石階時，天光啦，食人魔嚇得逃跑了。從此冇再喺村莊出現。因此，石階的下半部修建得很精心，而上半部卻修建得很馬虎。
行咗一百級石階，可以睇到成個別府灣。
依個位喺每年春分同秋分嘅日出，大陽都會喺鳥居中間升起。
狛犬座係兩個水雷，為紀念第一次世界大戰中嘅日德戰爭勝利，由龜川嘅前海軍志願者於1928年奉獻。
藍天碧海
八幡竈門神社嘅拜殿
主祭神係應神天皇、仲哀天皇、神功皇后。
拜殿天花上嘅龍畫
拜殿前嘅「開運なで亀」，摸吓佢就有好運。
八幡竈門神社係『鬼滅の刃』嘅場景聖地，連繪馬板都係漫畫中嘅角色。
神社嘅側門鳥居。
睇完晒就返酒店附近嘅居酒屋 さかなや道場食晚餐。
陶板燒
留言列表
