2024-4-5，今朝食完早餐就出去行吓，首先行去吉野寺，此寺建於明治15年（1882年），屬於高野山真言宗。
寺內供奉弘法大師。
依度係明治初年民權政治家板垣退助嘅出生地。
然後行去鏡川みどりの広場，即係鏡川綠地公園，依度啲染井吉野櫻都開得幾靚。
公園側邊係山內神社。
西神門
山內神社主祭神係土佐藩初代藩主山內一豐同末代藩主山內豐範，仲有以退隱藩主身份掌握實權嘅山內容堂。
山內容堂雕像，原來幕末時期大政奉還係山內容堂向德川慶喜建議。
繪馬板
神社內嘅枝垂櫻。
睇完山內神社行去坂本龍馬誕生地，中途見到有間出雲大社土佐分社，鳥居前有大國主神同因幡之白兔雕塑。
出雲大社主祭神係大國主大神。
坂本龍馬誕生地紀念碑。
坂本龍馬本身係土佐藩(現時高知縣)武士，後來脫藩而成為維新志士，同脫藩浪士成立日本第一間有限公司－龜山社中（後改為海援隊）。可惜於明治維新前遇刺身亡，無法親身見証日本走上強國之路。
路旁有龍馬相片同坂本家嘅家紋。
睇完就行去高知城公園。
高知城追手門。
高知城建於1603年，由土佐藩初代藩主山內一豐興建，高知城逃過明治廢城令同二戰時期嘅轟炸，係現存12天守之一。
公園內有座板垣退助雕像。
依個姿勢應該係紀念佢1882年喺岐阜演說時遭人行刺時嘅姿勢，板垣受傷時以為自己會死，曾大喊「板垣雖死，自由不滅」（板垣死すとも自由は死せず）。不過佢冇死到，仲被明治天重封為伯爵，最後活到大正年間才去世。
山內一豐騎馬雕像。
山內一豐妻子千代同馬嘅雕像，千代係出名嘅「賢內助」，據說當一豐仲係下級武士時，曾睇中一匹駿馬但無錢購買，千代得知後私下典當嫁妝為一豐購得駿馬，之後一豐也正因騎乘此馬參加戰鬥而得到主公織田信長賞識。雖然千代未能為山內一豐生下兒子，但一豐並未納側室，這在日本戰國武將中是相當難得的。
行上高知城時見到咐近嘅土佐女子中學學生跑上去練氣，我行都覺得辛苦，見到佢哋要跑上跑落，真係佩服啲後生女。
行到上高知城啦。
行埋上去天守閣。
又有山內一豐同千代。
上到頂層。
睇完就返去高知站搭火車去奈半利。
搭10:15嘅しんたろう2号列車，依班車係由JR同土佐黑潮鉄路合作，可以由高知站直坐到尾站奈半利唔使轉車，仲有個超闊觀景席。
班車去到尾段就會開放展望席，乘客可以去睇太平洋海岸。
太平洋を満喫！オープンデッキ型観光列車しんたろう号。
我哋喺田野駅落車
田野駅
我哋行去岡御殿。
岡御殿建於1844年，係當時以木材和航運為業嘅富商岡家為土佐藩藩主東巡時建立嘅行宮 ，1985年(昭和60年)起被指定為高知縣有形文化財產。1997年(平成9年)修復了御殿、茶室、倉庫、御成門等建築。
今次嚟岡御殿你㤟着吓殿下同公主服，只係1000円一位咋，可以喺殿內影相。依度影相有個好處，係冇人爭位影相，因為冇遊客。
影完相就去隔離嘅舊岡家住宅（西の岡邸），依度建造年份不明，應該都係幕未時朝㗎啦，岡家住宅比起岡御殿差咗啲，影咗兩張相就走啦。
跟住行去奈半利駅，途中經過長法寺，寺內有棵樹齡250年嘅臥龍梅。
長法寺大殿，內裡供奉阿彌陀如来。
大約行15分鐘就去到奈半利駅，依個係土佐黑潮鐵道後免/奈半利線嘅尾站。依度有接駁車去モネの庭(莫奈之庭)。
趁接駁車未到，喺車站買杯咖啡食件餅先。
接駁車嚟啦。
大約坐十分鐘就去到咗モネの庭(莫奈之庭)。
莫奈之庭最出名係夏天嘅睡蓮，依家四月當然冇睡蓮啦，不過都有好多花睇。依度同時亦係法國莫內庭園喺全球海外唯一認證可以冠上「莫內庭園」名稱嘅庭園，據說兩邊門票還能通用添！
入場第一部分係「花の庭」，種咗好多鬱金香。
再行上去穿過攖花林就係「水の庭」。
蓮池啲睡蓮花蕾都未有。
池塘邊仲擺埋啲莫奈畫作(當然係複製品)出嚟。
園內啲櫻花就開得好靚。
睇完「水の庭」再向前行，就經過一片水杉林，秋天時全部變黄會好靚。
穿過水杉林就係「ボルディゲラの庭」(Garden of Bordighera)，Bordighera係位於意大利嘅小鎮，面向地中海，莫奈曾於1884年到訪，後來仲創作咗一系列有關Bordighera作品。
我哋去咗「ボルディゲラの庭」內嘅cafe食個Tea。
食完就落返去接駁車站搭車返半奈利駅。
喺奈半利駅搭土佐黑潮鐵道返高知。
返到高知就轉電車去播磨屋橋公園睇櫻花。
睇完之後去帶屋町食晚餐。
我哋去咗塩伝説 なゆた NAYUTA食拉麵。
食完就行去高知城睇花回廊。
花回廊係高知城嘅花藝展。今年嘅展出期係4月5-7號，依幾日順便可以俾市民賞埋夜櫻。
今晚係開幕禮，有「日本舞踊～藤間流/若柳流」表演。
日本嘅插花流派原來有好多，各有各靚。
向高知城打埋燈。
當地居民賞夜櫻。
喺高知城前仲有獅子舞表演睇。
留言列表
