2023-11-20，今朝出去行吓附近嘅小野照崎神社。
小野照崎神社建於仁壽二年(852年)，主祭神係小野篁。
小野篁係平安時代初期嘅官員、漢學家同歌人。不過佢嘅反叛性格曾經觸怒朝庭而被流放，被稱為「野相公」、「野宰相」。
依間神社每個月都有唔同嘅御朱印，有多款選擇，仲有免費嘅手機wallpaper版添。
小野照崎神社係學問同藝能之神，繪馬板多數都係求學業同藝能。
境內有幾間攝末社，依間係三峰神社。
依間係織姫・稲荷神社。
富士塚淺間神社，依度有一個6米高用富士山溶岩堆成嘅蚊型富士山，每年6月30同7月1號嘅富士山開山日，都會開放俾人「登山」。
仲有分由一合目到十合目㗎(圖片來自小野照崎神社網頁)。
睇完就由另一個門口離開。
跟住行去上野恩賜公園。
國立科學博物館前有野口英世銅像。
上野恩賜公園內嘅小松宮彰仁親王騎馬雕像，彰仁親王於明治三年（1870年）留學英國兩年，致力於國際親善，明治19年（1886年）曾訪問過英國、法國、德國、俄國等歐洲各國。明治35年（1902年），代表明治天皇出席英皇愛德華七世嘅加冕儀式。
行去上野東照宮，依個係大石鳥居，建於寛永10年（1633年），現時係重要文化財。
東照宮嘅唐門，後面係拜殿，供奉德川家康。不過今日嚟得早，未開門，冇得入去睇。
五重塔，原本屬於東照宮，不過明治神佛分離令後，劃歸寬永寺。戊辰戰爭期間毀於戰火，重建後劃歸東京都政府管理。
睇完就返Super Hotel食早餐、攞行李。然後搭京成電鐵去京成成田。
約70分鐘就去到京成成田駅。
首先揾locker鎖行李。
跟住行去成田山新勝寺。
大約行15分鐘就去到新勝寺。新勝寺創建於天慶三年（940年），係真言宗智山派嘅寺院。
總門，高15米，2006年（平成18年）竣工。
新勝寺香火鼎盛，參拜人次喺關東地方僅次於明治神宮，而居於第二位。
仁王門（重要文化財）
好多石級要行。
三重塔，建於1712年，塔高25米，供奉大日如來，現時係重要文化財。
左邊係「一切經堂」，即係藏經閣，內藏經書約二千本，右邊係鐘樓。
大本堂，建於1968年，堂內供奉不動明王。
寺內嘅銀杏好靚。
媽咪寫護摩木。
額堂，建於1861年，現時係重要文化財。
三社，三間連在一起嘅攝末社。
光明堂，建於1701年，亦係重要文化財。
光明堂內供奉大日如来、愛染明王、不動明王。
出咗光明堂就見到清瀧権現堂同平和大塔。
清瀧権現堂側邊嘅紅葉好靚。
醫王殿，建於2017年，紀念新勝寺開基1080年而建。
醫王殿係祈求健康長壽同病氣平癒。
醫王殿隔離係平和大塔，高58米嘅平和大塔建於1984（昭和59）係真言宗嘅象徴。
跟住行去成田山公園。
成田山公園啲紅葉好靚。
成田山公園有好多台灣人喺度影婚紗相。
睇完成田山公園就行返去火車站，途經一處有好多狗尾草，啲側光好靚。
行到火車站，見未夠鐘坐車就去Doutor飲杯茶食個包啦。
食完之後，就搭京成電鐵去成田空港駅，唔使10分鐘就到。依家check in好多變晒做自助式。
禁區內有間餐廳個景幾靚。
我哋搭CX451經台北返香港。
去到桃園機場有大約1個鐘頭轉機時間，出去買盒鳳梨酥食吓啦。
順手打埋卡先啦。
桃園機場夜景
入候機室等。
留言列表
