2023-11-19，今朝媽咪要執行李，我就落大堂食完早餐，然後先出去行。
依間super hotel啲食物普普通通，係啲自家制麵包最好食。
行去金沢駅時路經酒店附近嘅專光寺。
専光寺全名係「護方山専光寺」，已有約700年歴史，屬於真宗大谷派・
喺寺內嘅鐘樓側邊有棵櫻花開咗花。
今日天氣好咗啲，雨停咗仲開始出太陽，行到去金澤站仲見到彩虹添。
又見到鼓門。
由金沢駅搭巴士去兼六園，今次由真弓坂口入去，落車車站有間石浦神社可以玩吓。
石浦神社始建於古墳時代(公元三至五世紀)，係金澤市最古老嘅神社，當時稱為三輪神社。到咗奈良時代，神佛合一，改名為長谷寺、石浦山慈光院。到咗明治時期，因為神佛分離令，就改名為石浦神社。
石浦神社嘅吉祥物きまちゃん。
石浦神社嘅圓點繪馬板(神社嘅主題圖案)。
圓點神簽隧道。
穿過咗神簽隧道神係石浦神社內嘅廣坂稲荷神社。
花手水
神社內有101個朱紅鳥居，據說係為咗紀念2019年由平成年號轉到令和年號而建造。
睇完就由神社嘅側門出嚟。
行入去就係園內嘅「瓢池」。
「瓢池」中嘅海石塔。
跟住行上去園中間嘅大湖「霞ヶ池」。
兼六園，係日本三名園之一，其餘兩個係岡山市嘅後樂園同水戶市嘅偕樂園。兼六出自宋朝詩人李格非嘅《洛陽名園記》，分別是「宏大・幽邃・人力・蒼古・水泉・眺望」，是靚園林嘅六種特質（原文：「洛人云，園圃之勝，不能相兼者六：務宏大者少幽邃；人力勝者少蒼古；多水泉者難眺望。兼此六者，唯湖園而已。予嘗游之，信然」）。
兼六園嘅招牌「徽軫灯籠」。
睇完就返洒店，攞行李去車站坐北陸新幹線返東京。臨走時見天氣好咗啲，又影吓啦。
返到東京成天光晒，陽光普照，先攞行李去Super Hotel JR上野入谷口放低先，然後去行上野恩賜公園。我每次去上野公園都會去吓西鄉隆盛嘅銅像睇吓。
不過都係好多人排隊，睇嚟都要排成20分鐘，叫媽咪排住先，我就行吓去公園其他地方睇吓。
秋天嘅上野公園好靚。
行完就返Starbucks睇吓有咩食先。
依間Starbucks連公仔都賣埋。
買完就坐低嘆吓茶，欣賞吖風景先。
飲完就去公園內嘅國立西洋美術館，依間美術館由已故瑞士-法國建築師柯比意設計。喺2016年嘅聯合國世界遺產大會上，國立西洋美術館同位於其它6個國家嘅柯比意17件作品列入世界遺產。
入口處係法國雕塑家羅丹嘅「沉思者」雕塑。
廣場中央有羅丹另一座雕塑「加萊義民」。
「加萊義民」係描述1346年，英格蘭的愛德華三世在克雷西會戰中戰勝法軍後，實施了對加萊圍攻，而法國的腓力六世 則命令該城要不惜一切代價堅守。然而最終腓力六世未能解除圍困，城市居民在經歷長期的飢餓後被迫向英方投降。
當時的編年史作者讓·弗魯瓦薩爾記錄了接下來的事件：愛德華三世提出，如果該城的六名領導人自首，他將寬恕城市的所有居民，然而這六人將面臨被處決的下場。愛德華要求這六人走出城市，脖子上戴著絞索，並攜帶城市和城堡的鑰匙。城市最富有的領導人之一尤斯塔什·德·聖皮埃爾首先自願出行，其他五名市民與他一同加入。 最終聖皮埃爾領導這支代表團走向城門。羅丹則針對此刻作為雕塑的主題，並捕捉到該六人英勇的自我犧牲以及面對即將到來的死亡的過程。 (引述自維基)
羅丹學生布爾代勒(不過後來因創作理念同羅丹唔同而分道揚鑣)嘅作品「拉弓的海格力斯」。
羅丹另一伴作品：地獄之門。
地獄之門左邊亞當雕像
右邊係夏娃雕像
穿過公園內東京文化會館旁嘅銀杏大道。
返到清水觀音堂，依度本身係寬永寺嘅一部分，不過喺明治初年嘅上野戰爭(戊辰戰爭一部分)其間，寬永寺損毀嚴重，僅清水觀音堂得以倖存。
跟住行去不忍池。
不忍池係位於上野地區嘅一個天然湖泊，1625年江戶幕府對應京都嘅比叡山延曆寺，喺依度建立東叡山寬永寺。開山嘅天海大師將不忍池比為琵琶湖，再喺不忍池中打造如竹生島嘅弁天島，並設立弁天堂。最初弁天島只能透過船隻往來，但喺1672年起咗石橋後，就可行過去。
行去辯天堂。
辯天堂係供奉佛教中嘅女神「辨財天(亦都係日本七福神之一)」。
嘅辯天堂隔離嘅大黒天堂，入面供奉大黑天，佢係佛門嘅護法神，亦係日本嘅七福神之一，掌管農業五穀豐收與財富之神。
不忍池有一部分係可以俾遊客踩天鵝船。
仲可以望到遠處嘅Skytree。
大約行10分鐘就去到東京大學醫科學研究所。
醫學院門前嘅青山胤通半身雕像，佢喺1882年東京帝國大學醫學院畢業後再留學德國，回國後任東京帝國大學醫學院教授，歷任東京帝國大學傳染病研究所所長、醫學院院長等職位， 兼任明治天皇的御醫。1894年，同微生物學家北里柴三郎等人嚟香港，調查當時發生嘅傳染病，經研究後發現係鼠疫。
東京大學安田講堂。
安田講堂係安田財團的創辦人安田善次郎所捐贈建設，於1921年（大正10年）動工，1925年（大正14年）7月6日正式完工。喺1968年，東京大學學生發動學生運動時曾佔領安田講堂長達半年。1969年1月19日，警視廳警備部機動隊強行解除學生封鎖，這次事件後來被稱為東大安田講堂事件。事件結束後，安田講堂長期荒廢，直到1988年至1994年修復完成後才再度啟用。而當時部分日本學生(主要係醫學部嘅全體鬥爭委員會成員)發展成赤軍，進行恐怖襲擊，而被主流社會唾棄。而從此日本社會運動亦不為主流社會支持，大學生畢業後淪為社畜。
睇完安田講堂，就行銀杏並木。
法文二號館
法文一號館
沿住銀杏並木向東大正門行。
銀杏葉，亦係東大嘅校徽。
東大嘅正門。
行去東大前駅經過東大嘅農學部正門「農正門」。
嘅東大前搭地鐵去青山一丁目，然後行去明治神宮外苑睇銀杏林並木。雖然銀杏顏色未係最黃，但都好多人，要由保安喺咁叫啲遊客唔好喺路上停留，上返行人路。
雖然只係四點幾，不過天色已經好暗，影咗一一陣就走啦。
再搭車去六本木睇燈飾。
六本木Hills嘅icon~大蜘蛛。
喺六本木Hills嘅花園平台可以睇到東京鐵塔，依個位有時仲可以睇到月出配鐵塔添，不過一定要用長鏡先影到。
仲見到日本最高大厦，330米高嘅麻布台Hills森JP塔(2023年11月24號正式開幕)。
同媽咪去商場嘅電光石火 六本木ヒルズ店食廣島燒。
食完廣島燒就落去影埋啲燈飾。
先喺平台花園影六本木櫸坂通嘅燈飾配上東京鐵塔。
大量遊客都喺依個位等綠燈過馬路時影櫸坂通燈飾配東京鐵塔。
不過通常影咗一、兩張就會俾保安趕。
我都算好，影到十幾張。
影完就返上野super hotel，今日都算早，連個Welcome Bar都未閂。
留言列表
