hkt222976的部落格

2023-11-18，今朝天氣都係唔好，天陰陰想落雨咁，不過都出去行吓啦。首先行去酒店隔離嘅白鬚神社。

跟據網頁上介紹，此神社建於永長元年(1097年)，當時喺加賀國石川郡安江村，後來於昭和49年(1974年)搬嚟現址。

跟住搭車去尾山神社，尾山神社建於明治6年(1873年)。

神門~建於明治8年（1875年），係全國唯一嘅和、漢、洋混合建築風格，共分為三層，整體以磚石同木頭混合建成。第一層採用磚石砌成三連拱門，第二層由木同水泥製成，與中國南方寺廟嘅大門相似。最特別就係第三層裝設咗西洋彩繪玻璃，最頂層紫咗有日本最古老嘅避雷針。

社紋係前田家嘅家紋~加賀梅鉢。

拜殿

主祭神係前田利家同正室阿松(芳春院)，祈求文武雙全、必勝，或夫婦美滿、子寶安產。

前田利家騎馬像，右手持槍、背負母衣，喺戰場上衝鋒陷陣。利家槍術了得，敵人聞風喪膽，「母衣」係日本戰國時代高級武士着嘅一種布幔護具，對弓箭有一定嘅防禦效果。

阿松雕像，前田利家嘅正室，本名叫做阿松，1599年，前田利家過世後，阿松出家，號芳春院。1600年，德川家康藉口利家有參與暗殺嫌疑而興起征討加賀嘅想法，芳春院為了前田家嘅前途，自願成為人質前往江戶，化解了危機。

前田利家用過嘅金鯰尾形兜，做成鯰魚尾巴形狀、金光閃閃嘅頭盔，因為當時相信鯰魚係具有靈力嘅生物，金色則代表了金澤所盛產的金箔。

神苑，屬於「池泉回遊式」風格嘅日本庭園。

古箏形狀嘅「琴橋」

庭園內有個石燈籠，我覺得同兼六園嗰個「徽軫燈籠」有啲似。

穿過尾山神社後面嘅「鼠多門橋」可以行去金澤城公園。

穿過鼠多門之後，就係金澤城公園嘅玉泉院丸庭園。

玉泉院丸庭園係由加賀藩第三代藩主前田利常於寬永11年（1634年）開始建造，但於明治時期嘅廢藩置縣後遭廢棄。後於2008年起開始為期五年嘅挖掘調查，並於2013年5月起重建，2015年重開(嗰年我哋同芊芊都嚟過)。

睇完玉泉院丸庭園就行過金澤城。天正11(1583)年前田利家開始築城。據說邀請咗基督教大名高山右近進行築城作業。最初建有天守閣，但於慶長7年(1602年)雷擊燒毁天守閣後，就沒有再重建天守閣。之後本丸建了三層櫓，二の丸則建了御殿。

依家嘅二の丸廣場圍起咗嚟做工程，唔知係咪想重建御殿呢？

同菱櫓相連嘅「五十間長屋」，又名「多聞櫓」，長約80米，係保管武器同雜物嘅倉庫。平時可以入去参觀，我哋2015年都有入過去睇。

橋爪門

橋爪門續櫓

由橋爪門續櫓連去五十間長屋同菱櫓嘅石垣。

「内堀」即係護城河。

石川櫓

經石川門走，門旁好多櫻花樹，櫻花盛開時好靚。

出咗石川門對面就係兼六園，不過今日冇時間入去行，喺門口影張相算啦。

之後行去石川県観光物産館門口搭巴士返酒店。

巴士站

個巴士到站系統同京都差唔多。

返洒店食完早餐就行去金澤站等今日嘅Local tour巴士。  

今日報嘅係「日本福井｜東尋坊＆丸岡城＆永平寺｜金澤站出發」團。

第一站係去福井県嘅東尋坊。

今日大風大雨，東尋坊勁大浪，唔好話坐船，䢖行出岸邊都難。

以下係維基有關於東尋坊嘅資料。

東尋坊之名來自於過去的一個傳說：平安時代末年有一個名叫「東尋坊」的平泉寺（位於福井縣勝山市）僧侶，自恃力大無窮，因而常對人粗暴無禮，為所欲為，作威作福，寺內其他僧侶都不值其所為，但礙於沒有人能將他打贏，一直以來都敢怒卻不敢言。有一次，東尋坊遇見一位心儀的姑娘，另一方面同寺內另一位名叫真柄覺念的僧侶也喜歡這位姑娘，寺內各人知道後，便打算設計加害東尋坊。

壽永元年（1182年）4月5日，有僧侶誘約東尋坊於三國海邊（即現址）暢飲，東尋坊未防有詐前往，並喝至暈醉，這時真柄覺念出現，與其他僧侶將東尋坊推下懸崖。本來晴朗的天空突然變色，暴風驟雨突至，海面也翻起了狂潮大浪，真柄覺念也被這場大風和大浪捲入至海底，惡劣天氣維持了四十多天，自此以後每年相同時期，三國港一帶都出現這樣的天氣突變，狂風暴浪一直向平泉寺方向吹，當地漁民往往不能出海作業，居民和寺內僧侶都認定是東尋坊的怨魂不散，縱然取了真柄覺念填命還不嫌夠，有人提議到福井東光寺（現位於福井市豐島2丁目）找長老祥雲法師來超渡。法師來到岸邊，寫了一首詩，內容為：
「好圖見性到心清
　迷則平泉不太平
　北海漫漫風浪靜
　東尋何敢礙舟行」

祥雲法師將詩投入海中，從此以後便風平浪靜，後人逐將此地取名東尋坊。

以下係嚟自日本觀光局（官方網站）嘅資料。

東尋坊是一座約 25 公尺高的峭壁，由波濤洶湧的日本海浪塑造而成。它是指定的天然紀念物和風景名勝，岩壁長達一公里，並有清晰的的柱狀節理。東尋坊的柱狀節理由輝石安山岩（英安岩）構成，在岩石地質上甚為少見；這種柱狀節理其他只有在韓國和挪威能找得到。

太大風，企都企唔穩，行去東尋坊塔避吓風先。

東尋坊塔高55米，海拔100米。以香港人嚟講唔係太高，好多人屋企都高過佢啦。不過日本高樓大厦唔多，同埋依度臨近懸崖絕壁，望出去都幾震撼。

塔上面有間小型神社，仲可以求支電子籤添。

上完塔就去やまに水産食午餐。

依間舖頭有好多海鮮賣，最出名係蟹。

海鮮即叫即烤，好正。

烤蟹蓋

即開海膽。

烤蟹腳

食完午餐就去丸岡城。

丸岡城始建於1576年(天正4年)，由戰國武將柴田勝家命令養子柴田勝豐築城，係現存十二天守之一。

行上天守閣嘅樓梯好斜，上落都要拉住條繩先得。

戰國武將兼德川家康家臣「本多重次」同兒子「本多成重(丸岡城第6代城主)」嘅動漫形象。依度最出名係重次寫俾老婆嘅家書：「一筆啓上 火の用心 お仙泣かすな 馬肥やせ」（意思為「簡單幾句 小心用火 別讓阿仙哭 把馬養肥」），其中的「阿仙」指的是其子本多成重的幼名「仙千代」，這封簡明扼要的內容後來被稱為日本最短的書信。

由丸岡城望向城下町。

睇完丸岡城就行返落去一筆啓上茶屋。

一筆啓上茶屋係紀念品店同餐廳，我都喺度買咗包5Kg米。

買完米就行返去搭車，中途經過一筆啓上 日本一短い手紙の館，即係日本最短書信館。

依個館係展出書信同郵政嘅展品，仲每年舉行最短書信比賽(限40個字之內)。

睇完就上返車去下一個站~永平寺，不過天氣越來越差，除咗落雨之外仲落雹添，啲雹仲黐咗喺我個背囊度。

去到永平寺落車前，跟車嘅導遊小姐向我哋展示離開嘅時間同介紹依度嘅名物~布甸。

落車就喺「永平寺だるまぷりん」布甸店旁。

依間就係永平寺嘅通用門。永平寺係曹洞宗嘅大本山，山號「吉祥山」。由道元禪師於寬元二年（1244年）創建，係仿照宋代禪宗寺院格局(伽藍七堂)來建造。道元禪師出生於京都，14歲喺比叡山出家，24歲入宋，拜天童山曹洞宗如淨禪師門為師，28歲回日本，34歲喺京都建立興聖寺，之後再到現址建立永平寺，提倡「打坐」，為日本曹洞宗之始。如今，曹洞宗已經成為日本禪宗嘅主要流派。

永平寺佔地約33萬平方公尺，共有大小建築物七十幾座，但開放俾公眾參觀嘅大約十幾座。依幅地圖標示咗寺內嘅伽藍七堂(山門、佛殿、法堂、僧堂、庫院、浴室、東司（廁所）)，現時約有150位僧人在修行。

傘松閣

傘松閣天花板上有230幅各式各樣嘅花鳥圖，係昭和5年(1930)邀請144名有名畫家繪成。

佛殿，僧人嘅午、晚課都喺依度進行。

永平寺嘅主建築全部都有有蓋通道貫通，好似依家落緊雨都唔會濕身。

佛殿正中供奉釋迦牟尼佛。

中雀門

庫院，即係廚房，供奉着韋陀尊天。

另一個角度嘅佛殿。

法堂，位於永平寺嘅最高處，供奉觀世音菩薩，係早課同方丈說法嘅地方。

承陽殿，供奉道元禅師嘅木制造像，同歷代高僧牌位，承陽寓意佛法之傳承。

山門，建於1749年，係伽藍七堂中最古老嘅建築物。

山門由佛教四大天王守護。

山門樓上供奉五百羅漢嘅羅漢堂。

參觀完就經吉祥閣離開。

搭巴士走前媽咪就喺「永平寺だるまぷりん」買布甸做今晚嘅宵夜。

巴士車我哋返金澤駅解散，啱啱鼓門有個舞獅表演。

今晚我哋喺酒店對面嘅「焼肉たむら金沢店」食燒肉。

依間舖頭裝飾以獅子為主。

我叫咗個能登牛御膳。

媽咪叫咗個和牛盛盒。