2023-11-17,今朝天氣差咗仲有啲雨添,不過都出去行吓啦。首先去咗依間奈佳美襧神社。
原本係建於明治16年嘅諏訪神社,後於明治41年(1908),同愛宕神社合併而改稱奈佳美襧神社。
行過隔離就係蒲原神社,被稱為蒲原鄉總鎮守(守護神)。
已有1200年歷史嘅蒲原神社,原本建於當時越後國唯一港口~阿賀野川河口蒲原津嘅金鉢山,喺山上可以望到藍色嘅日本海,當時稱為「青海社」。後於1690年搬來現址,並增加供奉五行之神,改稱「五社神社」。到咗昭和56年(1981年)再改為「蒲原神社」。
舞殿
神社內亦有供奉菅原公,所以都有神牛坐鎮。
跟住行去斜對面嘅沼垂白山神社。
拜殿內供奉白山媛大神同天照大神。
神社境内嘅末社,扁額刻有菅原大神、古峰大神、大山大神、秋葉大神、粟島大神。
附近仲有間乙子神社。
附近仲有間高砂稲荷神社。
行返酒店時喺笹口公園內都有間大年神社。
越嚟越大雨
返到東橫Inn食完早餐,再搭巴士去舊齋藤家別邸。
搭到去西大山站
行大約5分鐘就到舊齋藤家別邸,別邸建於大正7年(1918),係當時富商齋藤家第四代齋藤喜十郎嘅别墅,最靚係佢嘅回遊式庭園。
現時舊齋藤家別邸係國指定名勝。
茶係當時款待重要訪客嘅方式之一,因此茶室亦係屋主希望訪客有賓至如歸嘅感覺。
抹茶連菓子¥600。
由茶室欣賞日式庭園景色,可以感受日本獨特嘅侘寂風情。
嘆完茶就行上樓上,由另一個角度再欣賞依個庭園。
水池中嘅錦鯉 。
新潟大神宮係伊勢神宮嘅分社,建於明治9年。
拜殿內供奉天照大神,即係傳說中日本天皇嘅祖先。
跟住行埋去隔離嘅北方文化博物館新潟分館。
北方文化博物館新潟分館,係北方文化博物館第七代傳人伊藤文吉喺大正時期收購嘅建築物。東京早稻田大學名譽教授,美術史學家、詩人、書法家會津八一晚年在此居住。
館內嘅庭園。
館內展出會津八一(秋草道人)嘅展品同墨寶。
睇完之後就出門口等新潟市観光循環バス返新潟駅。
返到新潟駅就搭上越新幹線去高崎。
喺高崎駅大約有半個鐘轉車時間,行吓站內紀念品店買返隻達磨。
高崎駅等北陸新幹線時好好天氣。
大約坐兩個鐘北陸新幹線就去到金澤駅。
八年冇嚟過鼓門,又見面啦。
我哋今晚住Super Hotel Premier金沢駅東口。
佢依家有隻機械人做迎賓。
依間Super Hotel係Premier係級,個Lobby喺佈置比平時嘅super hotel靚啲。
每日黃昏5-8仲有個welcome bar,有免費飲品提供。
間房比平時嗰啲大少少。
搭新幹線時睇到車上嘅雜誌介紹金澤食店,其中有介紹依間關東煮おでん高砂,放低咗行李之後就嚟試吓,點知原來要排長龍,最後排咗約一個鐘先排到。
依間舖冇餐牌,冇價錢,我又識日文,只好指住佢個官網同tablog(日本openrice)啲相俾個老闆睇住嚟叫。
依個蟹蓋最好味
食完就返去金澤站,原來鼓門夜晚係會著燈嘅。
返到酒店就去浸個溫泉先去瞓覺。
留言列表