2023-11-16，今朝天氣唔錯，出去附近行吓啦。
喺新潟站前嘅商業街，有個七福神嘅雕塑。
首先行咗去火車站附近嘅菅原神社。
依間只係一間小型神社，拜殿都只係一間細屋仔。
菅原神社供奉學問之神菅原道真，所以通常都係叫天滿宮。
附近仲有間水島稻荷神社
沿住昭和大橋行去白山公園，信濃川河面好平靜，有八千代橋同朱鷺展覽館嘅倒影。
過咗昭和大橋就係新潟市音樂文化會館。
新潟市音樂文化會館前面有個空中庭園。
穿過公園就係白山神社嘅側門。
黃龍の手水，又係改咗做花手水。
白山神社嘅地圖
白山神社嘅正門大鳥居，白山神社外號「新潟總鎮守」，建成年代不詳，據說已經超過1000年，因為1558年同1573年經歴兩次火災，舊記錄已經失去。但至少喺戰國時代，上杉景勝(1556-1623)曾經参拜過。
嚟自廣島嘅石鳥居同用備前燒做嘅狛犬，用北前船(江戶時代北陸至東北常用嘅運輸船)由瀨戶內海運嚟。
随神門
本殿，主祭神係菊理媛大神(白山大神)、伊邪那岐大神、伊邪那美大神。配祭神天照皇大神同八幡大神。
嘅拜殿前有個木箱放咗啲鯛魚籤喺度，上面仲有隻北前船模型。
求籤係用魚杆釣起嚟，我都釣咗一絛。
白山神社期間限定御朱印。
跟住返酒店食完早餐，然後喺新宿站搭新幹線去燕三條站，再轉彌彥線去彌彥。
燕三條站內有個越後一宮縮水版鳥居，可以打卡。
燕三条嘅金屬嘅製品工藝(由其係刀具)好出色，火車站有當地產品嘅展銷專柜。
去彌彥嘅火車嚟啦。
約坐半個鐘就去到彌彥站。
出咗火車站就行去隔離嘅彌彥公園。
彌彥公園係新潟縣嘅賞楓熱點，園內紅葉處處，好靚。
公園內嘅觀月橋
條路都有啲難行。
行去湯神社途中，喺路邊有間小型神社叫「勝神社」。
行咗十分鐘，就去到湯神社。
湯神社嘅拜殿，供奉嘅係大穴牟遅命同少彦名命，係温泉之神。
睇完湯神社，就行去彌彥神社。
街上嘅水渠蓋。
途中經過彌彥の大銀杏。
附近嘅民居有人晒柿乾。
差唔多行到彌彥神社，見到依間みのや，有個杉玉掛咗喺門口，我仲以為係酒舖，後來查吓先知到係間有300年歷史嘅溫泉旅館。
みのや門口有啲稻草俾人影相。
行前少少就係彌彥神社，依間神社被稱為越後一宮，據說已有2400年歷史，每年嚟彌彥神社参拜嘅民衆有140萬人。
一の鳥居，彌彥神社仲有一個號稱全國最大嘅大鳥居(高30米，長38.5米)，不過其實位於矢作駅，行路都要成個鐘。
過咗一の鳥居就喺參道旁有座玉の橋，依條橋係俾神明行走，唔係俾人行嘅。
每年11月彌彥神社都會舉行菊花展，展出好多唔同形態嘅菊花。
二の鳥居
手水舍
拜殿
參拜絛隊都幾長，不過都照排啦。
參拜完就行去搭彌彥山吊車，本來吊車公司應該有接駁車去吊車站，但我揾唔到車站，惟有行上去啦。
行吓影吓，全程大約行咗15分鐘啦。
山下嘅吊車站
來回票1500円。
上車啦
沿途嘅風景
全程大約7分就上到山頂站。
彌彥山頂海拔634米，同東京skytree高度一樣。山頂仲有旋轉展望台(同海洋公園差唔多)。
一場上到嚟，梗係玩埋佢啦。
對面海係佐渡島。
上完旋轉展望台就去展望食堂食吓嘢。
坐喺度食住嘢，又有靚景睇。
玩完晒之後就落山，然後就搭接駁車去彌彥神社。
睇完彌彥就搭火車返新潟，返到新潟駅就搭巴士去Next21展望台，依個係新潟市第二高嘅展望台，離地101米。
其實101米以香港喺講唔係好高(喺日本就都算高)，不過依度開放參觀只係得一個角落，冇乜嘢睇。本來諗住喺度食嘢睇夜景，點知幾間餐廳都執咗，冇得食。
冇得食就返新潟駅揾食，最後搵咗依間壱勢食晚餐。
留言列表
