2023-11-15,今朝行去酒店嘅日本花園睇吓。
小橋流水
媽咪玩手湯添。
跟住出去行吓,草津溫泉鄉果然名不虛傳,連街邊都蒸氣騰騰。
天氣凍,路邊嘅野草同枯葉結咗霜。
草津嘅温象旅館好多門口都有個咁嘅燈籠。
翁の湯(湯畑源泉),係公共浴池,不過只限鄉民使用
地上嘅指示牌。
今朝去睇白根神社。
神社嘅手水舍
原來係花手水,依家好多神社同寺院都將手水舍改咗做花手水,傳說中係疫情之後改成嘅,但其實疫情之前我都見過。
石鳥居
社殿。
參拜嘅鄉民。
白根神社主祭神係日本武尊
攝末社之一嘅沼神社
另一間攝末社~諏訪神社
睇完就返酒店食早餐
早餐係自助形式,個牛肉飯幾好食。
食完就汳房執行李走人,臨走前再影吓隻窗。
離開酒店時見咁好天,影返張先。
去草津温泉巴士總站,搭JR east bus去長野原草津口駅,用JR pass免費乘搭。
大約半個鐘就去到長野原草津口駅。
坐JR去高崎
大約個半鐘就去到高崎駅,高崎駅係群馬縣嘅大站,由東京出發嘅上越新幹線同北陸新幹線必經之站。
我哋要喺依個站轉上越新幹線去越後湯沢,轉車時間有成個鐘,就嗰站內行吓啦。站內好多達磨公仔,有大有細。
原來高崎市係日本最大嘅達磨公仔(達摩)生產地,達磨公仔也因而成為高崎市嘅象徵,我哋都買咗隻達磨公仔。據說喺達磨嘅左眼塗上黑色,然後許下心願。如果願望成真,就可以將右眼也塗上黑色。
原來世界文化遺產~富岡製絲廠好近高崎(搭火車去唔使1個鐘),所以站內都有佢嘅介紹。
站內嘅百貨公司有當造嘅蘋果賣,1500円有成6、7隻名月蘋果(有成兩個拳頭咁大),好抵買,不過食唔晒冇買到。
行完見仲有時間,去beck's coffee飲杯嘢食個包啦。
約半個鐘就去到越後湯沢駅,到站後先揾locker鎖行李先。
跟住即刻搭南越觀光巴士去清津峽,因為去清津峽嘅巴士每日只得幾班,錯過咗就有排等。約半個鐘車程巴士就去到清津峽入口站。
停車後就行去清津峽(要行半個鐘)。
清津峽雖然係日本三大峽谷之一(其餘兩個係富山縣嘅黑部峽谷同三重縣嘅大杉谷),但可能因為交通不便,遊客唔係多。
今日天氣好好。媽咪邊行邊睇吓路邊啲花草。
經過清津公園隧道
媽咪後面就係清津川,我哋沿住河邊行入去。
約半個鐘就到咗清津峽嘅停車場啦。
再沿住清津川邊嘅步道行兩分鐘就去到清津峽溪谷隧道入口,以前(1988年前)依條步道可以沿住溪谷,欣賞峽谷內岩石同風景,但1988年因為步道落石死亡事件後而永久封閉。
後來當地人同遊客要求,政府喺1992年開鑿我哋背後嘅清津峽溪谷隧道,於1996年全長750米嘅隧道開通,內有4個觀景台俾遊客欣賞風景。
入隧道內購票,仲可以蓋印仔添。
2018年越後妻有大地之藝術祭三年展舉行,由中國建築師馬岩松嘅MAD建築事務所將隧道化身成展品之一。展品名稱係「光之隧道(Tunnel of Light)」,由金、木、水、火、土五行元素組成,
入口部分係「土元素」,喺隧道內投射綠、藍、黃、紅等不同顏色燈光,引導遊客進入一個未知嘅空間。
第一個展望台(見晴台),雖然官方冇講,我覺得依度都應該係「土」嘅一部分。
展望台望出去睇到嘅岩石,有D似西貢嗰啲玄武岩石柱。
第二展望台,依個係「金元素」,不過依家做緊維修,包住咗中間嘅金屬表皮銀色波波,而個波波竟然係一個廁所。
依個係第三展望台,隧道牆上䭠鑲滿紅色鏡子,銀邊發出紅光
最後一個展望台就係「水元素」,隧道地面有個淺水池,就咁望出去,望到山谷嘅倒影,好似香港中大嘅「天人合一」咁,好靚。
仲可以行埋出去影張有人倒影嘅相。
睇完行出𧏿隧道口,先見到依度係「木元素」,一間木造嘅小屋,樓下係cafe,樓上係足湯(不過又係要維修2014年8月先門返)。
飲返杯熱辣辣嘅咖啡。
店內仲有紀念品賣。
睇完就行返半個鐘出去巴士站,等南越觀光巴士出越後湯沢駅。
駅內嘅商場好大,好多嘢睇。
搭越後新幹線落新潟。
大約45分鐘就去到新潟,火車站對面有個NIIGATA牌,夜晚着咗燈幾靚吖。
我哋今晚住東橫INN 新潟站前
放低行李之後就行去新潟巴士總站,搭車去朱鷺メッセ(朱鷺展覽館)。依度等車有瓦遮頭,又有位生,幾好吖。
大约15分鐘就去到位於万代島嘅朱鷺展覽館大樓。依座大樓係集合會展中心、寫字樓、酒店同展望台嘅31層高建築物,而位於31樓嘅展望台係日本海側最高嘅展望台,仲係免費入場添。
上去展望台有專用升降機
展望台係由米餅商Befco冠名贊助,全名係「Befcoばかうけ展望室」。
上到去就坐低喺Sky Lounge PANORAMA食啊嘢先。
食完嘢就睇新潟市夜景
睇完展望台就落返去地下嘅河浜公園睇吓。
留言列表