2023-11-12,依家搭國泰要自已check in寄行李,CX慳返好多人手。
啱啱機場搞咗個活動,同代言人Edan或者Ian廣告牌影相打咭,就有Post card送。
我哋Facebook加埋IG 總共攞咗四張。
入閘啦
今次試吓去另一間lounge。
依間勝在食嘢時有景睇
不過食物種類就冇咁多
個老火湯都唔錯
想食精緻啲嘅就可以掃qr code點餐,不過種類都係唔多。
我點咗雲吞麵食,原來係鮮蝦雲吞添。
食完就上機啦。
今次搭CX500,HKG15:25→NRT20:25,好彩好準時就到成田空港啦,人又唔係好多,大半個鐘就出埋閘啦。
過咗8:00pm,平時換JR pass個JR office收咗檔。
要去Ticket office換JR pass,好彩人都唔係多,十幾分鐘就搞惦。
換完之後就去搭京成電鐵嘅skyliner出上野。
唔洗45分鐘就出到上野,出咗閘就行去都営大江戸線嘅上野御徒町駅,轉地鐵去東新宿駅。
出咗東新宿駅,約行五分鐘就到酒店,途中經過稻荷鬼王神社,影返兩張相先。
右上角嗰個燈籠係佐藤健供奉,唔知係咪《First Love 初戀》個演員呢?
去Lawson買埋炸雞塊同鮮奶先去酒店。
近年去東京嘅時候,通常我都鍾意住呢間新宿歌舞伎町東橫Inn,貪佢去玩嘅時候交通方便啲。走嘅時候就鍾意住上野,去機場方便啲。
放低行李之後,媽咪又話想食布甸,我咪又出去買囉,順手行吓夜街啦。
依頭係紅燈區,好多鴨店,擺咗好多牛郎相出嚟,個個都超級靚仔,不過脂粉味太重,可能啲女人咁樣會鍾意啲掛?
哥斯拉路,盡頭係TOHOシネマズ 新宿戲院,上面有個哥斯拉頭而出名。
行埋去新宿東口睇立體貓大電視
夜晚新宿街頭好多小販。
仲有好多美食車,多數都係啲土耳其人賣烤肉夾餅。
睇完就買布甸攻酒店俾媽咪食。
留言列表