2023-11-13，今朝先出去JR新宿駅訂晒今次行程嘅坐位票先。
然後再去新宿新南口嘅高速巴士站買埋去河口湖嘅巴士飛，雖然理論上我可以用JR pass搭富士回遊号，但依班車好少位，通常一早訂就有，臨尾幾日冇乜機會訂到位。
我都唔例外，所以咪唯有搭高速巴士囉。但紅葉季雖然7點幾去到，但都要十點幾班車先有位。
買完飛就返東橫Inn食早餐，今次試吓行依條「新宿遊步道四季の路」返去。
喺新宿歌舞伎町咁繁華嘅地方，竟然有條咁清幽嘅小路又幾好喎。
食完早餐見未夠鐘搭高速巴士，就行吓咐近嘅新宿總镇守花園神社。依個係大鳥居。
依個係石鳥居。
石鳥居後面有對唐獅子，已經超過200年歷史。係新宿區指定有形文化財。
神社啱啱係酉の日 - 酉の市祭典，掛滿晒燈籠。
神社主祭神係倉稻魂命（花園神社），日本武尊（大鳥神社），受持神（雷電神社）等3柱神。
行完就去搭車，大約個半鐘頭就去到富士下吉田，依度開始就可以見到富士山啦
大約坐多15分鐘，就去到河口湖駅啦。
到站之後，就行去隔離嘅Lawson 河口湖站前店打卡，不遇依度近年好heat，勁多人都嚟打卡，甚至影婚紗相添。
影完就搭河口湖周遊巴士去紅葉迴廊，途中經過うぶや前站(13)，依個位風平浪靜時，可以影到逆富士。不過今日有風，睇唔到逆富士吖。
今日好多人搭車同上落，行得好慢，大約45分鐘先到久保田一竹美術館站(17)。
每年紅葉季喺依度ともみじ回廊(紅葉迥廊)都會舉行「河口湖の紅葉祭り」，好多攤檔俾遊客買嘢同食嘢。
天氣凍，我哋都食吓烤牛肉豬肉等串燒。
水果小食
食完就行ともみじ回廊(紅葉迥廊)，其實我2014年紅葉季都嚟過一次，不過嗰次唔好天氣，今次正好多。
然後去埋久保田一竹美術館睇吓影吓咁啦。
不過睇嚟都係早咗啲，啲葉未夠紅，過多一兩個禮拜就差唔多。
行完之後媽咪幫襯依檔工房みやび買咗個手工陶瓷杯。
跟住見到對面湖邊好靚，出去行吓啦。
湖邊有一間小形神社，供奉七福神之一嘅福祿壽。
行上去巴士站等河口湖周遊巴士去河口湖自然生活館，等車嗰位望出去都好靚。
大約10分鐘就去到河口湖自然生活館，外面嘅花園仲有小量嘅粉紅色ミューレンベルギア(粉黛亂子草)。
種咗好多其它花草，一年四季都可以嚟賞花。
跟住上去河口湖自然生活館上面嘅小型餐廳食個雪糕同飲杯熱嘢，其實最主要係打卡。
喺餐廳望出去都好靚。
睇完之後就搭返巴士出河口湖站，中途又經過依個逆富士個位。
巴士繼續返河口湖駅，中途經過依間富士河口湖町役場前嘅Lawson，我覺得睇落依個位襯上富士山，仲靚過頭河口湖駅側邊嗰間喎。
返到河口湖駅，買到富士回遊号去大月嘅企位車飛(依段鐵路係富士山電鐵經營，所以要買飛)，加上我之前訂咗由大月去新宿嘅車飛，夾埋啱啱好。
喺富士回遊号要企成個鐘，去到大月駅JR會扣幾個車箱落富士回遊号度，我哋訂咗後面嘅車卡位，所以有位坐返出新宿。
返到新宿媽咪話都好攰，唔想行咁多，求其搵間日高屋(新宿靖国通店)食個拉麵算數囉。
留言列表
