2302東京東北靜岡自由行Day6(壽稻荷神社,山寺,立石寺,山寺駅,松尾芭蕉,五大堂,慈覺大師,立石寺本坊,奧之細道,不滅の法灯,せみ塚,立石寺仁王門,開山堂,奧之院,最上義光,三重小塔,四寺迴廊,山形牛,濟生館,山形城跡,文翔館,浪客劍心,時計塔,三津屋)－hkt222976的部落格

2023-2-9，今朝起身喺窗口望出去，琴晚只係落咗場小雪啫

街上嘅車都只係鋪咗層薄雪

酒店對面有間小型神社~壽稻荷神社

不過可能太早，神社未開門

食完早餐就搭火車去山寺(立石寺)

大約15分鐘就去到山寺駅

落緊雪，不過都唔係好大啫

出咗站後就行去立石寺

沿路啲指示都好清晰，原來東北都好多松尾芭蕉嘅事跡同紀念館

途中經過山寺寶珠橋

喺橋頭可以望到立石寺嘅五大堂

喺寶珠橋邊嘅對面堂，供奉咗慈覺大師同磐司盤三郎。據說喺公元860年慈覺大師開創立石寺時，曾在這裏同管轄當地嘅獵人磐司盤三郎會面，尋求一處用來弘揚佛法嘅地方以建立佛寺。磐司盤三郎被慈覺大師嘅慈悲感動而放棄了用以謀生嘅狩獵事業，自己亦皈依了佛門，並協助興建立石寺開山嘅基礎建設。

對面堂旁邊有個幸福之鐘，據說許願後敲兩下就可願望成真。

我哋行立石寺本坊登山道上山

因為山路結冰，戴咗冰爪先行上山

立石寺本坊

立石寺本坊前嘅庭園

拔苦門

過咗拔苦門之後行去根本中堂

鐘樓同念佛堂

松尾芭蕉同佢嘅弟子河合曾良雕像，曾於元祿二年（1689年），一齊踏上奧之細道之旅。嚟到立石寺時留下俳句「閑さや巖にしみ入る蝉の声」，漢譯「山林幽靜中，蟬鳴浸滲岩石裡」。現時已刻喺中間嘅石上。

山寺總鎮守日枝神社入口

日枝神社拜殿

日枝神社御神輿殿

立石寺根本中堂，係慈覺大師(圓仁)於貞觀2年(860年)創建，入面有延曆寺「不滅の法灯」嘅分燈，不過今日冇開門，冇得睇。

立石寺正式名稱係寶珠山立石寺，簡稱山寺，係屬放天台宗嘅寺院

睇完根本中堂就行去山門，放低300円登山料就開始上山。

由依度開始仲有930級先上到奧之院

開始行啦

上山嘅路上沿途好多小型佛塔同佛堂

姥堂，供奉「奪衣婆」，「奪衣婆」喺日本民間信仰中，負責守在陽間與陰間交界三途川嘅冥界神靈。日本人認為人死後將經過三途川，此時奪衣婆會將亡者衣服脫掉，再由懸衣翁將亡者衣服掛在「衣領樹」上，以此判斷亡者生前的善惡，如果樹枝壓得過彎就表示惡業過重。

媽咪，努力加油呀！

せみ塚，即係蟬塚，俳聖松尾芭蕉於元禄二年(1689)遊山寺時寫下俳句「閑さや巖にしみ入る蝉の声」。松尾芭蕉弟子推算「蟬聲沁入岩石中」就喺依處，更將松尾芭蕉嘅短冊(詩篇)埋喺依處。
/tmp/phpCEqIAc

到咗彌陀洞，行咗一半啦

差唔多上到去仁王門

見到仁王門啦

媽咪呌緊氣

咁辛苦上到嚟仁王門，影返幾張相先

繼續上啦

望到開山堂啦

上到性相院，向左行就係開山堂，向上行就係奧之院

性相院前面嘅摩尼車，即係轉經輪，表面刻有經文。依據藏傳佛教傳統，凡轉動經筒一圈，等於誦讀了一遍經文。

跟住行去開山堂，開山堂供奉慈覺大師(圓仁)嘅木雕像

不過開山堂都係冇開門(只係每年1月14日慈覺大師逝世週年紀念日才對外開放)。，旁邊嘅紅色小殿係納經堂，係山上最古老建築物，內裏供奉慈覺大師手抄嘅法華經

/tmp/phpyGDW8v

喺開山堂門口望返去性相院、金乗院一帶

喺開山堂側邊望落去山下面同遠處山景，好似一幅水墨畫

/tmp/phpGY3HD6

上到五大堂，影返幾張相先

/tmp/phpnyotQA

五大堂係展望台，可以望到山下面嘅風景，仲可以見到有火車駛過

睇完五大堂就行去金乘院

金乘院供奉延命地蔵菩薩同不動明王

行啓山寺記念殿，係明冶41年(1908)，當時仍是皇太子嘅大正天皇參拜立石寺時，曾經在此休息。

釈迦ヶ峰

中性院，供奉呵彌陀如來

中性院對面係最上義光公御靈屋

旁邊有個郵筒，個郵差每次喙嚟收信都要行成千級石級？

華蔵院

三重小塔，建於永正16年(1519)，高2.48米，係日本最細嘅三重塔，1952年起列為「國の重要文化財」。

上到奧の院啦

大佛殿，不過堆滿晒雪，行唔到門口

奧之院嘅金燈籠(其實係銅做)

鐘樓

睇完晒就原路落山，日本四寺迴廊大功告成！「四寺迴廊」係指由慈覺大師(圓仁)於東北修行期間興建嘅四大禪宗寺院，分別係瑞嚴寺(宮城縣)、毛越寺(岩手縣)、中尊寺(岩手縣)，同立石寺(山形縣)。睇完四間寺院我覺得風景最靚係立石寺，由其係雪中嘅立石寺，雖然係要行成千級石級，但真係不枉此行。

返到山寺駅，冇再落雪，天氣好咗好多。

/tmp/phpqzUbIs

喺車站等車時買我冬天時最鍾意嘅粟米湯

等車時喺月台望上山，見到山上面嘅五大堂

搭返火車出山形駅，本末想買火車+吊車套票去藏蔵王温泉，不過今日大風，吊車唔開，咁就費事去㐊啦。改為喺山形駅食嘢算啦。我哋食依間「山形牛ステーキ&焼肉かかし」燒肉店

烤牛舌定食

烤山形牛定食

/tmp/phpjYHxXb

食完嘢就行去霞城公園，依間係公園入面嘅山形市立郷土館(舊濟生醫院)，係竣工於明治11年(1878)嘅仿洋式建築物，係指定重要文化財。

仿洋式建築係日本明治時代初期出現嘅一種建築風格，依種建築雖然有由來自西洋建築溉外形，但同時融合咗西洋及日本風格，有時還帶有中國風格嘅木做建築物。仿洋式建築喺明治10年前後達到修建高潮，但喺明治20年之後就不再修建。

/tmp/phpvs9eN6

1880年，第一代山形縣令三島通庸邀請奧地利醫生阿爾布雷希特・馮・洛雷斯（Albrecht Von Roretz）來醫院做為濟生館醫院任教頭（教務主任）兼醫生。洛雷斯把德國的藥品以及醫療器械帶進醫院，除了授課，他還進行外科手術。由於洛雷斯嘅教學，濟生館醫院成為東北地區嘅德國醫學據點。現時濟生館內展示洛雷斯醫生各種物品。