2302東京東北靜岡自由行Day5(東橫Inn一關站前,一關八幡宮,田村神社,岩手県交通,中尊寺,世界文化遺產平泉町,武藏坊辨慶,源義經,月見坂,立往生,不滅の法灯,金色堂,松尾芭蕉,毛越寺,大泉池,平泉駅,仙台駅,牛舌餐,山形駅,霞城展望台,山形夜景,Ritz(suite))－hkt222976的部落格

2023-2-8，今朝一起身，就喺個窗度見到日出

仲有好多V字形飛行嘅雀鳥，我估應該係雁

起身後就去行街，一ノ關街頭嘅水渠蓋係水鴨

/tmp/phpQXfKKR

行去睇吓一關八幡宮

一の鳥居

二の鳥居

一ノ關八幡宮正式名稱係「一関八幡神社相殿田村神社」，始建於延暦年間(782年～806年)，到咗1694年，田村藩初代藩主田村建顯被分派到一關藩，田村建顯改建一關八幡神社嘅副殿為田村神社。從此就成為了田村氏嘅神社和一關的總守護神。

手水舍

攝末社之一嘅八雲神社

仲有~竹駒神社

/tmp/phpTi4Ydn

另一間攝末社~天滿宮

行完就返酒店退房寄行李，跟住去火車站旁邊嘅巴士站搭岩手県交通巴士去睇世界文化遺產~位於平泉町嘅中尊寺同毛越寺

大約半個鐘就去到中尊寺，落車嘅巴士站有地圖有平泉町嘅簡介

中尊寺前係戰神源義經嘅忠實戰友同家臣~武藏坊辨慶嘅墓穴

中尊寺參道(月見坂)，「中尊寺」係天台宗東北大本山。創建於嘉祥三年(850年)，開山始祖係比叡山延曆寺高僧圓仁(慈覺大師)。寺院創建目的係通過佛教來宣揚和平。

沿住月見坂向上行，兩旁係由江戶時代伊達藩種嘅杉樹，樹齡已經有300～400年左右

喺月見坂路邊有兩個大盒，入面放有草繩，俾人挷喺隻鞋度，行上結冰嘅山路度防滑

月見坂上嘅辨慶堂，當年源義經於源平合戰中取勝，一舉殲滅平家，協助同父異母阿哥源賴朝成立鎌倉幕府，但功高蓋主，被源賴朝迫害同追殺，逃亡到奧州(即係依家嘅東北)投紅靠大名藤原秀衡。可惜秀衡死後兒子泰衡繼承家督，泰衡因畏懼源賴朝，派兵突襲源義經，辨慶護主，揮刀如舞，人馬無別，頓時血霧瀰漫，遍地屍骸。敵軍近戰不得，於是弓手盡出，萬箭齊發，剎那間辨慶身上插滿羽箭。但辨慶仍不見死態，長刀亂斬，狀貌駭人。突然，辨慶大刀一收，宛如佛教的仁王（護法金剛）塑像一般傲然而立，嘴角似笑未笑，身軀則不動如山。敵軍未知辨慶生死，一時間亦無人敢上前探查。後來辨慶被一匹馬撞倒，眾人方知辨慶早已身亡，此即著名「辨慶立往生」。

/tmp/phpml2jSi

辨慶堂內有辨慶立往生木像，不過今日冇開門，冇得睇

喺辨慶堂前都有個辨慶做像俾遊客影相，依個做像應該係辨慶喺京都五條大橋上正在「刀狩」嘅辨慶。據說辨慶年輕時諗住武功蓋世，企喺五條大橋上，每逢見到有武士經過就要同佢哋比武。贏咗之後就收咗佢哋嘅太刀，叫做「刀狩」，總共收咗999把。最後遇上源義經，大戰之後輸俾義經，從此心服口服成為義經嘅家臣同戰友

在五條大橋上遇到了刀狩的武藏坊弁

喺辨慶堂前有個展望台，叫做東物見台，可以睇到成個平泉町

行前少少係積善院(奥の細道展)，其實係茶室，可以飲茶食和果子

藥師堂，喺中尊寺山內，有好多小型塔頭寺院，不過冬天係旅遊淡季，好多都冇對外開放。

觀音堂

跟住就到咗中尊寺本堂嘅本坊表門

手水鉢啲水都結埋冰

中尊寺本堂

本堂內供奉本尊阿彌陀如來，兩旁燈籠係傳自比叡山延暦寺嘅「不滅の法灯」。

「不滅の法灯」，據說係喺延歷7年(788年)，由最澄和尚(傳教大師)興建延暦寺時，喺供奉本尊藥師琉璃佛前點起嘅油燈，已經點燃咗1200多年，從未熄滅(其實喺元亀2年(1571年)被織田信長火焼延暦寺時整熄過，不過好彩由山形縣嘅立石寺分燈再點返著)，被尊稱為「不滅の法灯」

睇完本堂行去峯薬師堂

峯薬師堂供奉藥師佛，據說藥師佛曾許十二大願，願為眾生解除因內心無明所引起的生理疾病與精神痛苦。我就求咗個目の御守，希望保佑吓我對眼啦(依家老咗對眼越嚟越差)。

不動堂，供奉不動明王

舊鐘樓，入面嘅鐘鑄造於1343年。因經年敲鐘，鐘已凹陷，現巳很少敲鐘。

/tmp/php09izyZ

阿彌陀堂

辨財天堂，供奉辨財天同千手觀音

讚衡蔵，係中尊寺嘅寶物館，要另外買門票先可以參觀佢同金色堂，入面收藏著奧州藤原氏留下的3000多件文化財產，包括平安時代各種佛像、國寶《中尊寺經》和奧州藤原氏的陪葬品。

金色堂，建於天治元年（1124），係中尊寺唯一保留著創建時原貌嘅建築，依個只係外圍建築「覆堂」，真正嘅金色堂放咗喺入面，我哋有入去睇，但不能影相。實物原來唔係好大，好似個模型咁，現時係國寶

因為唔俾影相，所以引用官網相片，金色堂內外鋪滿金箔，佛像同菩薩像全部都鑲有象牙同寶石

/tmp/phpAXyxXq

經藏，以前係擺放經書地方，現時經書已經移咗去讚衡蔵，改為供奉文殊菩薩騎獅子像

行上去睇關山天滿宮

天滿宮供奉當然係學問之神菅原道真啦

係天滿宮側邊有個松尾芭蕉像，係紀念日本「俳聖」(俳係類似中國嘅詩)松尾芭蕉曾經遊歷依度

喺松尾芭蕉像旁有碑文介紹芭蕉翁同佢嘅代表作「奥の細道」，喺1689年(元祿2年)春天，已經成名嘅松尾芭蕉同學生河合曾良，由江戸出發，歷經奧州(現時東北一帶)、北陸道等地再回到江戶，遊歴咗半個本州，同時將沿路見聞和感想寫成詩集「奧の細道」。

舊覆堂，喺1288年鎌倉幕府為咗保護金色堂免受風雪侵襲而建造(所以叫覆堂)，1689年松尾芭蕉都喺依度參拜過金色堂，直到1965年先至將金色堂搬咗去剛才參觀嘅地方。

/tmp/phpBrklin

大長壽院

釋迦堂

/tmp/php4tRA3v
中尊寺鎮守白山神社，不過我冇行入去

睇完中尊寺之後就行返去巴士站等車返平泉火車站

/tmp/php62ZPlf

趁未有車到，見巴士站斜對面有個鳥居，行過去睇吓，原來係一間叫做赤堂稲荷大明神嘅神社，喺門口影張相算啦，冇行上去。

搭巴士大約五分鐘就到咗平泉駅

喺平泉駅行去平泉町另一個世界文化遺產~毛越寺

/tmp/php1Kuha3

由平泉駅一條直路行，大約十分鐘就到毛越寺。

據寺傳，嘉祥3年（850年）慈覺大師東北巡遊之時，路過此地，當時這裡被霧氣籠罩，寸步難行。大師不經意地看腳下，發現地面上散落著白鹿的毛。大師心存好奇，追尋毛的蹤跡，看到白鹿蹲坐於前面。大師走近，白鹿消失不見，不久不知從何處出現一位白髮老者，告訴大師在此地建造堂宇開設靈場。大師感到此老者正是藥師如來的化身，遂建一座佛堂，命名為嘉祥寺。這被認為就是毛越寺的起源。(引用自毛越寺官網)