2020-01-02,今日喺KK Day報咗個高山、白川鄉一日團,其實最初我諗住只係去白川鄉,不過淨係車費都要五百蚊,但係跟呢個團都只係五百幾蚊,仲去埋高山又有一餐食,真係抵食夾大件。七點半喺名古屋站前地下街麥當勞集合,由酒店行落嚟都唔使唔5分鐘,夠曬近
原來麥當勞都有福袋㗎喎
大約八點鐘我哋就搭呢架旅遊車出發去高山
大約行咗個半鐘就到呢個瓢ヶ岳PA汽車站休息吓,去吓廁所,買啲飲品咁啦
同平時經過嗰啲汽車站差唔多啦,都係有餐廳、有紀念品賣吓咁啦
啱啱係新年期間,仲有福袋賣添
休息完之後,就繼續向高山方面出發,而家啲local tour 安排得好好,落車之前除咗宣佈之外,個導遊仲會攞定個牌寫明集合時間,落車後仲會揸喺手,等你唔使再問佢幾點鐘集合上番車,真係好
我哋就係呢間飛騨高山まつりの森食祭館度食嘢
我哋食嘅係土雞鍋餐
食完嘢見仲有時間就到處行吓,其實依度我諗除咗招呼旅行團食嘢,都冇乜人會專登嚟 , 因為太隔涉,附近又冇景點,一定要揸車嚟。佢自己整間世界の昆虫館,希望吸引到啲人嚟囉,因為一般日本啲小朋友都好鍾意昆蟲
個商場入面仲有手燒仙貝玩添
依D屋就係收藏高山祭嘅屋台(山車)
食完就上返車去高山,停車點就係高山別院(照蓮寺)
高山市因保留咗好多古老建築物又稱飛驒小京都,主要集中喺上三町嘅傳統建造物群保存地區
喺上一の町嘅飛騨高山まちの博物館,即係市立博物館
上一の町嘅貓雜貨店,媽咪話D貓仔公仔好得意
上二の町
上三の町
我哋買咗袋岐阜縣產嘅米
比起我哋以前來嚟高山,一次比一次多人,我哋想買飛驒牛串燒,同埋飛驒牛壽司都勁多人排隊,搞到我哋想買都買唔到(條龍實在太長啦)
上三の町除咗紀念品店外,仲有好多賣酒嘅舖頭,通常每逢有新酒上市,舖頭都會掛個新鮮草球出嚟
喺上三の町後面有條橋叫做柳橋,隔離有間中田呉服店,可以租一日和服,通常都有啲人鍾意喺呢條柳橋度影相
不過我始終覺得中橋靚啲,因為紅色吖嘛
宮川係流經高山市嘅主要河道,所以高山市內有好多橋例如中橋、柳橋同埋鍛冶橋
行完上三の町後,就去到高山陣屋,不我哋以前入過,今次唔入囉
高山陣屋前面有個中橋公園,係當地市民同遊客嘅休憩場所。朝頭早仲有陣屋朝市,不過唔係太大規模只係十零檔,我哋2012年都係陣屋朝市買嗰啲米返屋企食,本地農民出產,好好食
人馬問屋跡,唔知係乜嘢,以前皓怡同皓芊都係到影過相,我咪叫媽都影下囉
2012年
2015年
去到中橋啦
跟住行去依間紀念品店~角桑
高山我哋嚟過三次,三次都有嚟角桑睇下,本來我嚟係想飲飛驒牛乳嘅,點知今次賣曬冇得飲,唯有睇下第二啲紀念品囉。睇下一陣去白川鄉有冇囉
跟住沿住上三之町行返去停車場上車,見到有間「高山らーめん櫻軒」舖頭,有飛驒牛串燒賣,見冇乜人排,順手買咗串嚟食,都好正吖
下一站就係白川鄉啦
遠遠望埋去入村嘅相逢橋,真係好多人
停車場門口嘅合掌屋
であい橋(相逢橋)
我哋次次嚟都會喺依間幸工門民宿前面影吓相
見到有飛驒牛乳啦
一人一支,正
今次嚟白川鄉, 咁唔好彩,遇到一個罕見嘅暖冬,不過好在有人擺咗兩個小雪人喺店舖旁邊,畀人影吓相
跟住行上展望台, 沿途都好多人,仲旺過旺角 。依家成個日本到處都係遊客,安陪仲話要增加遊客,我真係覺得日本D旅遊設施嘅承受力承受唔嚟
展望台人山人海
回程經過汽車站~關SA,又入去睇下囉
我記得呢個休息站好多年前都嚟過一次,好大好多嘢食同賣
飛驒牛醬
関市名物~指甲鉗
返到名古屋,我地去咗吉野家食牛肉鍋
牛すき鍋膳
麻辣牛鍋膳
留言列表