2020-01-01,今日係新年,連東横inn早餐個味噌湯都有賀年糕點,不過我覺得好平時嗰D味噌湯咁好味
食完就落地鐵站買24小時車飛,760yen
搭地鐵去高畑駅
約行10分鐘就到荒子觀音寺
傳說荒子觀音寺建於公元729年(但不可考),可考証嘅係1576年,由豐臣家五大老之一嘅加賀藩主前田利家重建嘅本堂
六角堂同鐘樓,呢個鐘樓琴晚都有敲除夕鐘㗎
鐘樓前面有好多小地藏尊,全部都有冷帽同披風。日本民間傳說:比父母先亡故的小孩,因為損害孝行,無法度過「三途川」去投胎,而要留在河岸邊堆石頭成石塔,為父母累積福報,但時常會有惡鬼來破壞辛苦堆積嘅石頭,幸好地藏菩薩會讓這些孩子躲在祂的披風下來躲避惡鬼。
多寶塔,建於天文5年(1536年),係名古屋市內現存最古老嘅木做建築物・亦係國家重要文化財
荒子觀音寺本坊
咁都見到幾片紅葉
荒子觀音寺旁嘅神社~神明社(荒子)
神明社喺日本係一間好普遍嘅神社(全國約五千間),主祭神係天照大神
不過依間有另一個身分,就係前田利家嘅誕生地。我有時覺得如果前田利家長命D,德川家康就唔會一手摧毀豐臣家,亦唔會有德川幕府
睇完就搭地鐵返名古屋駅,接埋媽咪去玩
附近嘅Bic camera好多人排隊,原來喺度排福袋
同媽咪買咗張巴士地下鐵一日券(假日版)620 Yen
我哋去睇東別院,首先搭地鐵去東別院駅,出站後經過下茶屋公園,不過個公園得個水池,冇乜嘢睇
睇完下茶屋公園就行東門入東別院
東別院嘅山門,東別院正式名稱係真宗大谷派(東本願寺)名古屋別院,佢係京都東本願寺嘅名古屋別院,所以大部份人都叫佢東別院
鐘樓同納骨堂
天色睇落唔係咁好,不過見D雲開始散,入去行吓睇吓先,等一陣再影過
大殿供奉本尊~阿彌陀如來
院內有D小攤檔,依檔賣柿乾
依檔賣燴番薯
炸豬肉串
D豬肉好嫩滑又多汁好好食
東別院始建於1690年,但毀於二戰後期戰火,依家依間係戰後重建嘅。
D瓦片都有東本願寺個本字
有全日地鐵飛唔好嘥,搭地鐵去大須觀音初詣,原來嚟初詣嘅人排到開巷
咁多人梗係唔排啦,去寫個御朱印算啦
有啲日本人著到靚靚咁去初詣
約咗芊芊去熱田神宮初詣,我哋首先喺神宮西站等埋先,今年係鼠年,地鐵站入邊都有隻老鼠仔畀人影相
熱田神宮嘅西門第一鳥居
神宮嘅參道勁多人,仲有好多攤檔,可以畀人買吓嘢食
竟然見到有一棵櫻花開咗
傳說熱田神宮保管住日本天皇的三神器之一嘅草薙劍,亦係日本中部人氣最旺盛嘅神社,今日係新年嚟造詣嘅人更加人頭湧湧
大部分人都係喺本宮外面拜吓就算,我哋只係排咗十幾分鐘就可以去到最前排參拜
拜完就去授與所睇吓
我買咗支破魔矢
神宮內又見到紅葉
我哋由東門走,行去傳馬町地鐵站,見到有間圓通寺,入面人山人海,行入去八吓先
本來諗住去手水舍洗下手,不過天氣太凍,最後都係冇洗到
又有D小攤檔賣嘢
睇完之後就返名古屋車站食一風堂
食完去行吓街,不過名古屋駅附近都唔係好多舖頭開咗。跟住諗住去榮行街同食嘢,點知仲少舖頭門,成條街冷清清,連摩天輪到冇開,餐廳都好多冇開門,開門嘅就排晒長龍
最後都係返咗去名古屋駅JR Gate Tower食依間すぱじろう(Spajiro)
依間餐廳主要都係意大利菜同日本菜Fusion
留言列表