2019-06-05,今日天氣唔錯,食完早餐就出去行吓,富山市嘅電車
D小學生返學
富山市水渠蓋,有山、有水、有雪,富山靠近日本海,每年西伯利亞寒流都吹得好緊要,所以非常多雪
富山市景點唔係多,同埋集中喺市區,我哋花10分鐘行去富山城址公園
千歲門,富山城嘅入口
富山城建造時間不詳,估計大約都係戰國時期,主要城主都係前田利家(五大老之一)嘅後人,明治廢城令後被拆,依家依個係1954年重建嘅模擬天守,重建後叫富山市鄉土博物館
城嘅瓦片仲有前田家嘅家紋
富山市鄉土博物館都係放D以前富山城嘅文物咁啦
不過天守閣上面就用鐵絲網包住,影相唔靚
富山城旁邊嘅古色古香建築物係佐藤紀念美術館
睇完就行去睇富山市玻璃美術館,喺護城河睇富山城又幾靚吖
富山市玻璃美術館,依度原本係一棟百貨公司舊址,市政府想改建為一個市民休閒地方,有美術館、圖書館、閱覽室、展覽室、演講所、銀行。最後請來建築大師隈研吾設計,外觀使用咗玻璃同鋁,令位於冬季放晴日子較少的北陸地區,都有閃令令嘅感覺。
一有隈研吾就一定諗起有木材嘅元素,而隈研吾最鍾意就係就地取材,就用富山縣產的木材做室内裝飾,令人喺北陸寒冷嘅冬天有溫暖嘅感覺
我嚟之前睇過館內D相,內部設計得好靚,不過可惜冇計到今日係休館日,所以我哋只係入到地下大堂,但係上唔到去展覽館入面睇,嘥料!
館嘅後面原來用立體栽種,種咗D植物添
睇完返東橫Inn攞行李
跟住就行去JR富山站,搭火車落近江八幡
先要搭去金澤
然後轉去米原再䡛火車去近江八幡
約三個鐘就到咗滋賀県嘅水鄉近江八幡
我哋要搭去長命寺方向嘅巴士,呢度遊客唔算太多,巴士班次都係太密
巴士行車大約10分鐘就到咗大杉町站落車
建於明治10年嘅八幡東學校(白雲館),結合咗日本建築與西方建築風格,係國家登録有形文化財,現時係近江八幡観光物産協會遊客中心
穿過對面日牟禮八幡宮嘅鳥居就去到八幡堀
八幡堀建於戰國時代,由豊臣秀吉嘅指定接班人(後來比秀吉迫死)豊臣秀次興建近江八幡山城,然後開鑿運河,引入琵琶湖嘅湖水到城下町,令近江八幡成為琵琶湖嘅商業同運輸重鎮
運河兩岸種滿櫻花,櫻花季節嚟應該好靚
水渠蓋都係小橋同運河
跟住行去八幡堀めぐり 乗り場搭船
我哋就係坐依款屋形船
開船啦
穿過白雲橋
明治橋
沿途建築物古色古香,日本好多電視劇都係喺依度取景
有D似喺柳川遊船河
多賀町太鼓,每年四月中嘅八幡祭都會抬依個太鼓出嚟表演
日牟禮八幡宮嘅樓門
拝殿
本殿
神社旁嘅攝末社
跟住搭八幡山吊車上八幡山
吊車來回票880yen
大約5分鐘就上到山頂
山頂又有恋人の聖地
八幡山雖然只高283米,但因為附近只係平原,所以可以遠眺琵琶湖
八幡山城又名近江八幡城喺豐臣秀次死後便被廢城,現時只淨低石垣
瑞龍寺(村雲御所),建築喺八幡山城舊石垣上,不過我哋嚟到關咗門,冇得睇
路邊竟然有間超小型神社「龍神堂」
お願い地蔵堂
睇完就搭返吊車落山,依班係最後一班,搭唔到就要行落山㗎啦
成架車箱得我哋兩個人
落咗山就再行吓,今次沿運河邊行
京街道,係重要傳統的建造物群保存地區
舊伴家住宅
睇完之後就去大杉町等巴士返火車站
近江八幡駅附近嘅日本基督教団近江金田教會
一場嚟到近江八幡,食吓日本三大和牛之一嘅近江牛先,我ワ搵咗依間日本料理 すいれん 試吓先
有得食啦
近江牛網焼き定食
近江牛石焼き定食
真係燒熱舊石嚟炙熟D牛肉,好好食,下次如果再嚟要再食過
食完就返火車站攞返D行李落大津啦
留言列表