2019-06-04,今朝起身去浸個溫泉先,然後出去行吓。朝早街邊放咗好多分類回收箱,方便市民將家居廢物分類回收
不過分得咁仔細,如果我生活喺日本,我諗都幾頭痕
松本市嘅垃圾車
諗住行去松本城,沿途經過一間寺院「全久院」
全久院始建於1617年,原本喺愛知縣豐橋市,係徳川家康家臣戸田家嘅菩提寺(家廟),1633年戸田家改封到松本,家廟亦隨之搬來松本。明治初年廢佛毀釋運動時被廢寺,佛教復興後才於1906年重建在現時深志神社旁嘅地方
繼續行去松本城
朝早嘅松本城未開門冇乜人
原來松本城後面仲有間松本神社,不過都係早,冇乜人參拜
神社內仲有間若宮八幡宮添
再行去後面嘅舊開智學校
舊開智學校,創校於明治六年(1873年),係明治維新期間最早建立嘅西式小學之一,現時舊校舍已登錄為國寶。
開智學校創校90年後,舊校舍在昭和三十八年(1963年)3月正式關閉,但鑑於舊校舍深具歷史價值,舊校舍拆卸後,獲安排移築至新校舍以北的一片空地,並且復修回原來的面貌。整個移築復修工程耗資2,873萬日元,由文化財產保護委員會(文化廳前身)監督,至昭和三十九年(1964年)8月竣工。舊開智學校校舍移築後,未有回復作教學用途,而是在昭和四十年(1965年)4月改為教育資料館,並大致保留校內原來陳設,開放予公眾參觀。(資料來源:維基百科)
附近嘅水渠蓋亦用學生做主題
舊司祭館,由法國傳教士Augustin Clement於1889年建於松本城北,當時係松本天主教傳教士嘅宿舍。一個世紀後即1990年教會捐贈給松本市,並搬遷到了現時的位置,2005年,被指定為長野縣縣寶
睇完就行返去super hotel食早餐
Super hotel早餐比東橫Inn豐富
食完早餐就拎埋行李去松本駅,展開今日嘅立山黑部之旅
我哋搭JR9:20大系線去信濃大町
係架普通嘅在來線電車
大糸線只係條鄉間線,乘客唔多,全程係單軌鐵路
大約一個鐘就去到信濃大町,一出站即刻跑去站旁嘅アルプスロマン館(阿爾卑斯羅曼館),托運行李去富山嘅酒店
羅曼館D員工好快手,因為都知轉車時間只得10分鐘,所以要托運去嘅酒店牌已經印好,只要揀啱然後填上名同電話號碼就得,比埋錢(1500yen),一分鐘就攪惦
跟住去Alpico巴士站搭巴士去扇沢(JR立山黑部pass包埋)
向雪山出發
立山黑部阿爾卑斯山脈路線(日文:立山黒部アルペンルート),係一條連接富山縣中新川郡立山町立山站和長野縣大町市扇澤站的道路,亦係一條著名的山嶽觀光路線。原本由關西電力公司路線設計,在黑部川上建造人工湖,儲存水力發電用嘅水,而此路線最初是1956年為搬運黑部水庫的建材而修建,當水庫於1963年完工後,順便開放給一般遊客參觀。這一路線的最大高低差達1,975米,使用包括了鐵路運輸、纜索鐵路、公共汽車、無軌電車和索道等多種交通方式接駁而成。全區間均位於中部山嶽國立公園內,喺每年4月中旬至11月中旬開放。
行車約40分鐘就到咗扇沢
扇沢駅等關電隧道電氣巴士
日本著名演員石原裕次郎曾喺立山黑部拍攝電影《黑部の太陽》,描述建造黑部水壩的故事。車站大堂展出電影曾中出現嘅物品
立山黑部乘車紀念
關電隧道電氣巴士,即係無軌電車
差唔多全程都係穿過立山嘅內部隧道,呢個真係當年日本嘅世紀工程
巴士行咗大約15分鐘就到咗黑部水庫站,跟住再行220級樓梯先至可以上到水庫上面
行到中途會有一個出水口,好似話電影黑部の太陽都曾經講過,不過我冇睇過套戲,就唔知佢係乜嘢。我見好多日本人都係呢度攞啲水嚟飲,我都入返支水先,果然好冰涼清甜
行完樓梯就到咗黑部水庫遊客中心,透過啲玻璃可以睇到成個黑部湖,黑部湖嘅水壩高186米,係全日本最大嘅拱形水壩,水庫建造歷時七年,攔截御前澤所形成的人工湖,黑部湖貯水量在2億立方公尺,係日本最大的水庫。黑部湖每年6月尾到10月尾有遊覽船搭,同水壩放水表演,不過依家係6月頭,所以冇得睇
再行上一層就係展望台,呢度睇得仲清楚,不過就好大風
睇完展望台就行落去黑部大壩
沿住大壩行去黑部湖站搭纜車
黑部湖駅候車室
我哋要用張立山黑部pass喺售票處度換張纜車飛先至可以搭
黑部登山纜車,由黑部湖去黑部平
黑部平駅
黑部平駅嘅展望台
對面雪山就係大觀峰,我哋要搭吊車過對面
搭立山吊車
搭咗七分鐘吊車就到咗大觀峰駅,即刻走去展望台睇吓,依度海拔2316米,已經係冰雪世界
喺大觀峰展望台可以睇到一小片黑部湖
站外面仲有一小塊雪壁
玩完就喺大觀峰搭立山無軌電車去室堂駅
全程約10分鐘,全部都喺隧道入面行,即係立山連峯之内。諗起六十幾年前,二千幾米高嘅山入面,開鑿條咁嘅行車隧道真係犀利。
到咗室堂駅
依度海拔2390米,係整條路線嘅最高點
車站外有個小型玩雪場,初夏天時仲可以玩雪,不過我就覺得有D污糟
跟住行去睇吓雪の大谷,每年4月立山黑部嘅工作人員,都會喺積雪嘅山峰上面開出一條行車路線,而兩邊嘅雪壁通常都有20幾米高。日本人會叫佢做雪の大谷,香港人通常叫佢做雪之大壁
今日積雪最點係11米
睇完雪壁就行返去室堂駅食嘢,駅內唯一嘅餐廳
食麵先要撳機買飛
依間餐廳係立食嘅
食完就行去後門睇雪
原來後門有路行去後山嘅旅館
依度D積雪都好厚
跟住搭立山高原巴士去天狗平
巴士沿住雪壁落山
約行20分鐘就到天狗平
天狗平都好多積雪,仲有人滑雪添
喺天狗平仲見到岩雷鳥,亦叫松雞,依隻眼睛有紅班嘅係雄鳥
依隻係雌鳥
睇完就搭返立山高原巴士去美女平
巴士沿經弥陀ヶ原
行多半個鐘就到美女平駅
站前有兩棵杉樹,傳說1300年前開拓立山的青年有位定許終身的美麗少女。少女為見情郎而登山, 卻因女性禁止入山之禁忌被迫下山。下山中途少女向一棵衫樹許願「美麗的衫樹啊!請傾聽我的心中的願望啊!」。 之後少女如願和青年永結連枝。因此此棵杉樹被稱為「美女杉」, 此區域被稱為「美女平」。
未夠鐘有車,行去附近睇吓,原來有條步道可以行山
不過睇真D,原來步道有可能會遇到熊!嚇死人咩
行返車站搭立山纜車落立山
買咗杯乳酪嚟食,好香牛奶味
搭纜車啦,立山黑部一天遊到尾聲咯
架車有D似香港嘅山頂纜車
約行7分鐘就到咗立山駅,然後再䡛富山電鉄去富山
出咗富山站就行去富岩運河環水公園
日落時分
被譽為全球最美的星巴克,就係依間
買杯嘢飲,坐喺度欣賞黃昏景緻
黑齊之後就去炭火やきとり さくら 富山駅前店食晩餐
串燒,不過唔夠熱,唔係咁好食
個釜飯就唔錯
食完就去酒店check in,今晚我哋住東横INN富山駅新幹線口1,一入酒店門口就見到我哋D行李啦
房間都係同平時我哋住開嗰D差唔多
留言列表