2019-06-03，今朝天氣好好，又行去睇吓女神湖，沿路陽光穿過樹林，好靚
有小量嘅露水沾喺路邊嘅小草上
仲見到有蟬退添
美麗嘅蒲公英
女神湖嘅遊步道
朝早嘅女神湖，十分寧靜
初夏嘅一片新綠，同上次秋天漫天紅葉，又係另一番景緻
對面蓼科山頂嘅積雪
漫步楓樹下
原來楓樹喺會開花同結果
池の平酒店冇客，關咗門，連溫泉都冇得浸
行完就返去食早餐
食完早餐就去搭白樺高原吊車上山
吊車係屬於白樺高原國際滑雪場，由白樺高原総合観光遊客中心出發，但依家未到滑雪季，所以開放比遊客坐上山頂嘅御泉水自然園
山頂車站
蓼科山御泉水嘅恋人の聖地
蓼科山御泉水「幸せの鐘」
御柱
御泉水自然園入口，我哋上次入過，今次唔入囉
山頂嘅觀景台可以睇女神湖
觀景台上有張吊床，躺在床上，望向天空上嘅浮雲，好悠閒好舒服
嘆咗一輪就搭返吊車落山
吊車站旁嘅草地，開咗D黃色小花，好靚
影完相就返白樺高原Lodge，攞埋行李去桐陰寮搭微笑巴士落白樺湖
落到去東白樺湖就轉Alpico巴士去茅野
喺茅野就搭火車去塩尻，芊芊就轉火車返名古屋，我哋就轉火車去松本。
見有少少時間，我同媽咪落去車站外嘅塩尻市観光案内所，睇吓有冇提子賣，因為舊年我喺依度買過Ｄ提子好好食，不過依家唔係收成期，冇得賣吖
媽咪頭上嘅提子樹都未有提子吖
松本我哋住Super Hotel，因為有溫泉浸
依間Super hotel床頭有埋USB叉電
天然溫泉～諏訪の湯
浸完個溫泉後，就去行深志神社，神社主祭神係諏訪明神同菅原道真(學問之神)。神社始建於1339年，當時供奉諏訪明神，後於1402年再由京都北野天滿宮請來菅原道真一起供奉
手水舍
神樂殿
繪馬
拝殿
十一歲時嘅菅原道真雕像
深志神社內嘅攝末社~恵比寿神社
睇完深志神社跟住行去松本市美術館，嚟依度嘅人通常都係睇草間彌生作品，因為松本係草間彌生嘅出生同成長地，可以講係主場
原來星期一係休館日冇得睇，好在我哋2015年已經睇過，都冇咁失望
冇得睇草間彌生就向前行去あがたの森公園，依度係以前舊制松本高等學校(現時信州大學前身)嘅校園擴建而成
舊制松本高等學校本館，建於1919(大正8年)，係典型大正時代西洋式木造建築風格，離今啱啱100年，不過今日星期一係休館日，又冇得入去睇
舊制松本高等學校講堂
公園內嘅池塘
跟住行去松本城，途經中町商店街，依條係以前松本城嘅城下町，以經有400年歷史啦
行行吓見到架松本周遊巴士，仲係草間彌生號添
食布甸，日本D乳製品特別好食，我哋次次嚟日本都食好多
行經松本城前嘅女鳥羽川
河邊嘅なわて 若返りの水，據說有令肌膚回復青春之效
女鳥羽川側就係ナワテ通商店街(青蛙街)，因為女鳥羽川係青蛙嘅生息地，成日好多青蛙喺度叫，所以又叫佢青蛙街
依度D舖頭多數都係賣D同青蛙有關嘅商品，不過可能我哋嚟得晏，商店街好多都收咗舖
仲有青蛙大明神添
青蛙武士都出埋
青蛙街旁嘅四柱神社，四柱神社主祭神係日本古事記中所記載開天闢地嘅「造化三神」，同埋被派遣至人間、據說為日本天皇家祖先嘅天照大神
四柱神社建於明治12年(1879年)，已經有百幾年歷史啦
神社內竟然有棵紅葉
神社內仲有間松本市招魂殿，通常喺日本D招魂殿同護國神社部係紀念對外戰爭時神亡嘅軍人，依間都唔例外
神社內有間伊勢神宮遙拜所，其實只係得個鳥居
行到去松本城都日落咯，松本城係日本的十二座現存天守之一，與姬路城、犬山城、彥根城、松江城同為受日本政府指定為國寶，不過幾年前我哋都嚟過，今次喺外邊睇吓算啦
留言列表
