2019-05-30,一早起身出去名古屋站行吓,站前嘅巨型雕塑「飛翔」
行去大公仔Nana隔籬嘅名鐵Bus BC睇吓有D乜嘢路線巴士,方便下次嚟玩
行完就返酒店食早餐
食完就搭地鐵去新瑞橋,將D補給品比芊芊,因為上次返名古屋佢得20kg行李攞唔晒,我哋今次冇60kg,咪要幫佢拎D囉。
芊芊屋企前面嘅山崎川,屬於全國二級河川,D水唔係好清,但都見到有魚
芊芊間屋隔離有間小型嘅神社~秋葉神社
秋葉神社主祭神係秋葉大權現,係觀音菩薩嘅化身,喺日本被視為可預防火災嘅「火伏神」(火伏せの神)
媽咪陪芊芊喺屋企執嘢,我就去行吓熱田神宮,熱田神宮係名古屋最出名嘅神社,主祭神係日本皇室遠祖嘅天照大神同素戔嗚尊,仲有傳說中藏有日本皇室三神器之一嘅「天叢雲劍」(又名草薙劍),但係唔係就真係冇人知嘞。依個係西門第一鳥居
參道
第二鳥居
手水舍
參道旁嘅獻酒同埋大楠
神宮嘅拜殿
慶祝令和天皇繼位同改元
神宮嘅授与所
我喺度買咗本御朱印帳
神樂殿
神宮內嘅攝末社
離開神宮行去東門第一鳥居
之後約咗芊芊喺名古屋駅等,我哋去驛麺通り嘅「ラーメン海鳴」食午餐
「魚介とんこつラーメン」即係魚肉豬肉拉麵
食完就搭JR去岐阜,依個就係岐阜駅
車站外有一座金光閃閃嘅織田信長雕像
喺歷史博物館前站落車,後經過依條唔起眼嘅大佛殿參道,就可以去到岐阜大佛殿
被稱為日本三大佛之一嘅岐阜大佛殿到啦
以高度計,岐阜大佛高13.63米,只係比奈良大佛矮D,仲要高過鎌倉大佛
我覺得大佛D手指好長
睇完大佛就行去岐阜公園
公園内嘅板垣退助銅像,板垣退助係明治維新的功臣之一,創辦日本第一個政黨~自由黨。1882年4月,板垣退助喺依度演說時,被行刺受傷,板垣當時以為會死,曾大喊「板垣雖死,自由不滅」(板垣死すとも自由は死せず)。康復後板垣退助反而上奏明治天皇特赦兇手。特赦後兇手更親向板垣退助謝罪。
天氣好熱,同芊芊喺公園嘅小食店「でんがく処 むらせ」食刨冰
纜車站旁嘅三重塔,建於1917年,係日本登録有形文化財(建造物)
山上纜車站外嘅「天下第一門」,係紀念「織田信長以岐阜城為據點邁向天下統一第一步」而建的城門,我覺得有D簡陋囉
山上嘅閻魔堂
岐阜城原稱稻葉山城,1567年當織田信長攻陷稻葉山城後,從「周之文王定點岐山」(阜是山的意思),改名為岐阜城。
登上岐阜城天守閣,可以睇到一望無際嘅廣闊景色,唔怪之得織田信長就喺依度宣告要一統天下,開始用「天下布武」印章
天守閣都係同平時其他城差唔多,擺D刀劍鎗炮嘅嘢,較為特別係依塊板,影喺相嚟好得意,好似比忍者行刺咁
睇完就搭番纜車落山
岐阜公園嘅正門
出咗公園就行去長良川鵜飼乘船場睇吓
我哋Book咗今晚7:15船,依家仲有成兩個鐘,D工作人員都只係預備緊啫
我哋沿住附近嘅川原町通古建築物區(川原町の古い町並み)行吓,不過可能晏咗D舖頭好多都關咗門
我哋行咗去飛騨牛かわい食飛驒牛
門口個餐牌見D嘢食都唔係好貴啫
餐廳內仲有個日式庭園
我哋叫咗兩個A5飛驒牛鐵板燒
仲有一個A5飛驒牛丼
好正,D牛肉入口即溶,抵食
食完就行返去長良川鵜飼乘船場報到同取票
我哋依架船全部都係外國遊客,個船伕全程講英文
艘觀光船喺長良川行咗約15分鐘,去到一處闊D嘅灣位就泊埋一邊,一齊嘅觀光船有衰2、30艘,又幾好生意喎
跟住有六艘鵜飼船出場
跟住表演捉魚啦,不過我覺得真係做show咁,冇幾年前我哋喺木曾川睇咁好睇,人哋起碼有D介紹吖
睇完就搭返巴士返岐阜,再轉JR返名古屋
留言列表