2015年7日6日,依間東横Inn嘅早餐最正都係個湯
食完早餐就搭地鐵去市役所駅,行去名古屋城。
名古屋城嘅水渠蓋
入咗東門之後,右手邊就係二の丸廣場,逢星期六、日會有武將隊表演,不過今日係星期一冇得睇。
廣場後面係二の丸茶亭,可以坐吓,飲碗枺茶、食件和果子,不過依間茶亭冇乜景睇,連湖都無個,行過影吓相就算啦。
名古屋城正在進行本丸御殿「復元工事」,即係復原工程,依個係已完成嘅第一期「車寄玄関」,即係大門口,已經可以入內參觀。
玄關内屏風上嘅竹林虎豹圖
竹松禽鳥圖
麝香貓圖
行完第一期就行第二期,但因為仍在修復中,所以要帶安全帽入去。
日本D地盤好乾淨,工作環境比香港D地盤整潔好多
工人砌屋頂時都有張木凳仔坐低慢慢砌
睇完地盤就入城
入城前食返杯枺茶雪糕先,不過食食吓又開始落雨添
2012年我哋曾經同皓怡嚟過,所以今次都冇乜影相
芊芊約咗同學食晏,我同媽咪去名古屋駅地下街shopping
買完就喺地下街嘅麵包店,買D包包食吓當一餐
等埋芊芊之後就搭名鉄去犬山遊園駅,再行去犬山城
現時的犬山城始建於1537年,由織田信長的叔父織田信康興建,雖然經過多場戰事,仍屹立不倒,係少數未經重建的城堡。被稱為現存日本最古老天守,亦係日本唯一私人擁有的天守閣,自1935年起以被列為國寶。
一場嚟到,芊芊都要簽名留言
犬山城面積唔大,D樓梯好直,都幾難行,我諗以前D城主行上行落咪好辛苦?
行到上天守閣頂層啦,冇晒氣啦
喺天守閣頂層望落城堡下嘅木曾川,可惜今日天氣唔多好,如果唔係應該幾靚。
亦因為喺木曾川旁,地理上似位於重慶長江邊嘅白帝城,所以犬山城別名叫白帝城
睇完犬山城就行番落去山下面嘅針綱神社
神社境內有好多攝末社
其中一間攝末社~針綱天滿宮
嚟得天滿宮,九成都係求學業啦
旁邊仲有一間三光稻荷神社
稻荷神社嘅狛犬係狐狸
依間稻荷最特別係可以洗錢
因為要等7點半夜遊木曾川,所以就行返去犬山遊園站旁邊嘅依間餐廳食嘢先,D嘢好好食
我叫咗燒肉定食
芊芊係燒肉丼
媽咪係炒麵
食完之後就去玩木曽川うかい(鵜飼)即係木曾川鷺鷥捉魚表演
傍晚木曾川河面上泛起咗一陣陣薄霧,好靚
首先由鵜匠介紹一輪,不過講日文,我就梗係唔知佢講乜啦
我估佢講:我哋依個行業已經有1300年歴史架嘞,我哋會挷住隻鷺鷥條頸,然後放佢落水
等佢喺水底度捉到魚後,我就喺佢個口度挖番條魚出嚟
講完之後就由鵜匠同工作人員出發去河中心預備先
然後我哋就坐遊覽船出木曾川遊一圈先
喺河度仲可以睇埋犬山城夜景添
鵜匠會喺船顏點起煹火,吸引D魚遊過嚟
最後個鵜匠會捉埋D魚比我哋睇,不過太暗影唔到相吖。
睇完之後就搭番名鉄返名古屋駅,去揾地標大公仔Nana影番張相,跟住就返酒店咯
留言列表