2015年7月7日，今朝開始用張JR高山北陸5Day pass，第一轉係由名古屋搭去高山(特急ワイドビューひだ3号 8:43→10:55)
去到高山之後就去濃飛巴士票務處買今日去上高地嘅車飛，同埋訂埋後日由白川鄉去金沢嘅巴士(因為依轉巴士係由北陸鉄道營運，一定要預約先可以搭)。
訂好車飛之後就行去陣屋朝市睇吓啦，中途經過依間和紙舖頭，芊芊入去買咗D明信片
去到陣屋朝市旁邊，見到依間飛驒牛壽司好似好正咁，一於買嚟試吓先。
我哋買￥1000兩嚿嘅特上級飛驒牛，真係雪花咁喎
握好之後再用火炙
芊芊同媽咪食完都話超好味
等我都買多兩嚿嚟試吓先，果然一流
跟住行去陣屋朝市，不過都接近12點，D檔口都收得七七八八咯
咁就行去附近睇吓啦
三年前皓怡都有喺依度影過架
然後行吓去中橋
再去角桑買飛驒牛乳
上一之町並保存區，屬於高山市三町之一，係歴史街道保育區，好多人叫依區做飛驒小京都
行完之後就去番車站搭車，買定幾個飛驒牛包上車食先。
約坐一個鐘巴士就去到平湯溫泉，然後就落車，再等低公害巴士去上高地。
等車時行去車站旁嘅農產品市場睇吓先
我哋就係搭依種低公害巴士上山，因為上高地係受保護地區，只容許指定嘅低公害巴士同的士上山，其餘車輛一律要停喺依度再轉車先可以上山。
約半個鐘巴士就上到上高地巴士總站，但我哋都要拖住行李，沿住梓川嘅河邊小路去酒店
雖然落雨，梓川嘅河水都係好清澈
約行五分鐘就到河童橋，不過拖住個喼，擔住遮，行石仔路都幾麻煩架。
河童橋旁就係我哋今晚嘅酒店「白樺莊」。
Check in之後就要去鞋柜度換拖鞋，然後攞住行李(唔係拖)，行入自己房間。
依間就係我哋今晚嘅房間～，穂高連峰寄りのお部屋［和室10畳/トイレ付］
個窗都望到少少穗高連峰咁啦。
因為依間酒店有大浴池，所以已經準備好三套浴衣
房內有茶具同小食
媽咪玩茶道
上高地天氣較涼，媽咪啱啱喺酒店買咗件披肩去行山
出發啦
今次由河童橋出發，經田代池行去大正池，然後搭巴士或者行返河童橋
沿途本應好多唔同嘅動植物睇，不過今日落雨，唔係太多囉
依D木橋係設計比D小動物可以喺橋底通過。
依個浮雕係紀念英國登山家Weston，因為佢喺19世紀後期走遍日本各大小山峰，並將上高地記錄編于《日本阿爾卑斯的登山與探險》一書之中，所以製作了這個浮雕紀念他
穗高橋
沿穗高橋横過梓川，喺橋面上望到穗高連峰上嘅積雪仲未溶晒
過咗穗高橋後行去田代池，有個牌話上個禮拜有熊出現，睇到我都有D驚，不過行到一半，點都要行埋落去架。
急急腳行到嚟田代池
不過依度D池水好淺，因為上游好多泥沙沖落嚟，同時又多枯葉，所以面積續年縮小，有D地方已經變成濕地咯，可能過多十幾年田代池就消失架嘞
路邊有D金針花
喺梓川上外多時都有霧氣聚積，氣氛有D怪異，但影起相嚟又幾靚。
終於嚟到大正池嘞，D水好清
跟住行上大正池酒店等巴士返上高地巴士總站
我哋搭17:48最後一班巴士
返到河童橋望到穗高連峰D積雪都柯清楚
返到酒店，未夠鐘食晚飯(我哋Book咗7:30)，去浸吓風呂先，消除疲勞，趁冇人影番兩張相先
浸完風呂，換件浴衣去食晚餐咯
我哋今晚食「初夏の山の洋風懷石料理」
食完返到房間，已經有人幫我哋開好被鋪
香港人邊有咁早瞓吖？影番D浴衣相啦。
留言列表
