2015年7月8日，今朝一個人5點幾起身，6點鐘出發去行明神池，原來仲有人早過我
全程約7公里，因為要8:30前返到酒店食早餐，所以行得好急。
沿途好多動植物睇
依度D雀仔都唔怕人，喺佢哋隔籬行過，佢都唔會飛走。所以嚟上高地有幾項規則一定要遵守：不可喂野生動物，不可捕捉動物及昆蟲，不可採摘及傷害植物，不可留低垃圾。總之就眼看手勿動，咁先至可以和平共存囉。
大約行咗一個鐘就去到穗高神社奧宮嘅鳥居
過咗鳥居之後就見到依間嘉門次小屋，佢賣嘅燒岩魚好出名，仲話係全國三大美味燒魚之一喎。不過依家先七點，未開門冇得試添
跟住就係奧宮入口，參拜料￥300，我最初仲擔心咁早佢冇開，因為明神池係喺奧宮入面，如果冇開就入唔到去架嘞。
傳說中明神池係神靈降生的地方，依個池面早上時常煙霧瀰漫，真係好有神秘感喎
D白霧一陣一陣，有時就好清
池水內有D魚仔游來游去
明神二の池
睇完明神池就行番出梓川，然後沿歩道過明神橋
過咗橋再向前行就見到依個參道嘅路牌
沿住步道上都好多人嚟行山
行到差唔多到河童橋，見到小梨平營地，依度可以租營住宿，800円一位咋。
返到酒店媽咪同芊芊先啱啱起身，着住浴衣去食早餐。
食完早餐我就去浸多次風呂，媽咪就換衫，十點鐘就退房，臨走之前影多幾張相先。
嚟到河童橋見到有班學生嚟上高地旅行喎
拜拜啦上高地！
行到出巴士站就買定去松本嘅套票，依度落松本要首先搭低公害巴士落新島島站，然後再坐松本電鐵去松本站。其實落松本係今次行程嘅plan B，Plan A係喺上高地行山影相，下晝先落高山，不過依兩日係咁落雨，D路好多泥濘，芊芊唔想行，咪唯有早D走囉。
見未夠鐘買D嘢食先。
約一個鐘車程就去到新島島駅
等轉車時媽咪喺車站前嘅檔口仔買嘢食
我哋搭松本電鐵去松本
車站有架電車嘅外殼有動漫彩繪，好得意呀。
松本駅内嘅七夕笹飾
松本駅
出站後去Alpico車站買定17:05去高山嘅巴士飛先
買完飛就寄存行李，然後就行去松本城，中途經過種咗好多花嘅千歲橋
橋頭有個「花いっぱい運動発祥の記念碑」，話依道係全國社區種花運動嘅發源地喎
大約行十分鐘就到咗松本城啦
松本城始建於1504年，外形烏黑，所以別名叫烏城，係全日本十二座未經重建天守之一，亦係僅有四座國寶級天守之一，其餘三座係犬山城(啱啱去完)、姫路城、彦根城。
唉，又落雨嘞
城門有武士同忍者可以和遊客合照
D地板仲係用木做架
天守個頂上面有座小神社喎
睇完松本城之後行去千歲橋附近嘅Daily 便利店開餐
跟住芊芊去松本市美術館「朝聖」
一睇D圓點點，就知係日本殿堂級藝術家，草間彌生嘅作品啦
草間彌生係松本人，在松本市成長，所以松本市美術館收藏咗好多佢嘅作品，依個戶外巨形雕塑叫「幻の華」
館內仲有一糸列充滿草間特色的擺設，芊芊一場嚟到，梗係要扮吓文青啦
連汽水機都唔放過
行入美術館內就見到草間彌生嘅作品「南瓜」，同系列嘅作品舊年同芊芊喺直島都欣賞過
跟住行入常設展館，入咗去之後就除咗少數展品之外，就唔影得相架嘞
芊芊在欣賞唯一可以拍攝(但不能用閃光燈)的作品「命」，係草間2014年的作品。
松本市美術館向草間彌生展好好睇，尤其是大型作品「魂の灯」，作品是一間鑲滿鏡片的黑暗小房間，房內掛滿一串串各色LED燈泡，房內只限逗留30秒，但好像身處一個奇幻空間中，那種震撼感非筆墨可以形容。有興趣可到以下的連結欣賞草間的同糸列作品「Fireflies on the Water」
睇完松本市美術館之後就返車站搭濃飛巴士返高山市，我哋今晚住Super hotel，因為我鍾意佢有温泉浸。
不過Super Hotel最唔好就係D房細間咗D囉
攞完房後就行去高山駅前嘅日本海庄や食晚餐
首先嚟一個飛驒牛扑葉味噌燒
不過依個扑葉燒D味噌醬太多，太咸唔係咁好食
其他D嘢就唔錯
留言列表
