2014年11月19日，今朝搭7:30日光1號去東武日光，依班車係特別車，可以直接駛入東武(私鐵)嘅路軌，每日得一班，車費4000円，可以用JR Kanto Area pass搭。
東武日光站內有遊客中心，可以攞地圖同買周遊券，仲要攞埋巴士時刻表呀。
今日陽光普照，正！
出到去巴士站好多人搭車，排長龍
我好彩，全車最後一個坐位。
周遊券，2000円，兩日內可任坐日光駅到中禪寺温泉(大崎)嘅東武巴士。
今日嘅第一站就係明智平，上山依條路叫「日本ロマンチック街道」，英文係Nihon Romantic Highway，即係話沿往山路睇風景好靚、romantic到暈喎。
喺明智平睇就最清楚，條路九曲十三灣，坐車坐到暈就真。不過喺紅葉季節喺D紅葉中穿梭又真係好浪漫嘅，可惜我嚟到都冇晒紅葉啦
。
我嚟就係要搭明智平纜車上山
入閘時買票，來回730円，現場有展望台嘅即時影像，如果見唔好天可以唔上山架。
依家十度都冇
上到明智平展望台，就可以睇到中禪寺湖一帶嘅風景，包括華嚴瀑布同男體山
跟住搭番纜車落山
搭一個站就到中禪寺温泉站。
可能已經過咗紅葉季節，所以車站旁嘅舖頭都冷清清。
落車後就去睇華嚴の滝，如果想睇瀑布底，就可以依度搭電梯去睇。
我就只係行去後面嘅展望台睇吓就算咯。
華嚴瀑布高97米，係日本三大瀑布之一，其他兩個係和歌山嘅那智瀑布(今年6月啱啱去完)同茨城縣嘅袋田瀑布。
睇完瀑布就食番條鹽燒山女魚，超好味！
食完之後就行去中禪寺湖邊
中禪寺湖係大約二萬年前，因男體山火山爆發後形成的湖泊，湖水清澈，係日本具代表性嘅高山湖。
依個就係男體山，又名二荒山。
沿住中禪寺參道行去中禪寺
對面山頂已有積雪
湖邊有兩位婆婆在寫生
沿途經過法國大使嘅別墅
約行二十分鐘就到咗中禪寺，係日光山輪王寺嘅別院。
寺內嘅鐘樓
依個殿內嘅十一面千手觀音(立木觀音)係國家重要文化財產，右手邊嗰個僧人竟然叫我同幾個日本人一齊入内參拜，我都係第一次入日本D寺院嘅內殿參拜咋。殿內有一個约兩層樓高嘅千手觀音，牽有五色絲帶，每人手執一條嚟參拜。不過內殿唔可以影相吖。
參拜完就再行上樓上嘅另一個殿參拜，之後就沿樓上嘅露台走。喺露台望向中禪寺湖都好靚。
參拜完之後就沿湖邊行去二荒山神社中宮祠，湖邊仲有一棵紅葉可以影吓。
手水舍
拜殿
神樂殿
神社內都有好多攝末社
仲有七福神添
仲有一棵紅葉可以影吓
睇完之後就搭巴士落去曰光市嘅神橋，神橋係屬於二荒山神社嘅一部分，亦即係世界遺產嘅一部分。
睇完神橋就行上二社一寺(東照宮、二荒山神社、輪王寺)，由1999年開始已登錄為聯合國世界遺產。
首先係輪王寺
不過大殿在裝修中，冇得睇。
護摩堂就有開開放，但我見開始日落(三點都未到呀)冇乜光，最後都冇入去睇。
跟住上去東照宮參觀，曰光東照宮係江戶幕府將軍徳川家光為紀念佢阿爺德川家康而興建，已經有差不多400年歴史。
一入大門就係五重塔
跟住就係神馬厩
神馬厩上最出名就係牆身嘅三猿雕刻，來自論語嘅：非禮勿聽、非禮勿言、非禮勿視。
收藏春秋二祭祭品嘅三神庫
銅鳥居後面嘅陽明門(國寶)正在包起來維修，冇得睇。
最多人影相嘅，就係唐門，係刻有中國的古代故事。
唐門上嘅「舜帝朝見の儀」
買咗依張3連票就可以入去藥師堂參觀同穿過眠貓門(參觀家康墓)。
睇眠貓，其實好細隻，唔指住過咗都唔知
過咗眠貓門，再行長長嘅石級就係家康長眠之地
奧社嘅拜殿
奧社寶塔，德川家康長眠在此。
睇完東照宮就行去二荒山神社，建於767年，已有一千二百幾年歴史。
有的多日本妹在神社前綁牌許願，綁完牌然後就穿過個草圈，唔知係咪好靈架呢？
二荒山神社另外一個門口，旁邊有德川家光靈廟(即係陵墓)。
睇完就搭番巴士去JR日光駅，搭車去宇都宮。
JR日光駅都好古色古香
搭JR Nikko line電車去宇都宮駅。
喺宇都宮駅轉東北新幹線去東京駅
喺日本搭火車時要留意，有D列車係有兩個車顏，去到中途站時會分開行走唔同嘅終點站，所以要小心睇清楚自己搭嗰卡車係去邊先好上車呀。
古色古香的東京站。
今年係慶祝東京駅開業100周年，啱啱整靚嚟見人。
夜晚嘅東京駅打咗燈，仲靚。
由東京駅丸の內南口對面嘅KITTE商場空中花園影東京駅全景最靚。
原來都好多人都識得上嚟影
東京駅丸の內南口對面嘅KITTE商場，係由舊郵政局改建而成的。
丸の内仲通り的聖誕燈飾
丸の内大廈内有聖誕裝飾比人影相
影完東京駅就去吉野家食牛肉鍋
食飽就行六本木睇燈飾
依個位可以睇埋東京鐵塔
行埋落Tokyo midtown睇燈飾
行到Tokyo midtown嘅 starlight garden就上演一幕sound & light show，由十八萬棵LED燈組合嘅3分半鐘「太空之旅」，好好睇。
本來高位睇靚D，不過行唔到出去囉。
睇完就搭都營大江戶線返酒店
今晚宵夜係卡樂B
留言列表
