2014年11月18日，今朝七點鐘就落樓食早餐，因為冬天日照時間短，要爭取時間玩。
朝早嘅歌舞伎町冇乜人
行去最近嘅新宿東口，因有JR pass所以搭JR中央本線去高尾先。
一去到高尾駅已經見到「天狗」，日本民間傳說生活於深山的妖怪。
外形古樸嘅高尾駅
高尾駅外嘅國道20號，兩旁嘅銀杏樹已經變黃，好靚呀！
影完相就返高尾駅搭京王電鐵去高尾山口駅。
出站後有地圖教人點樣上山。
高尾山口站前有條小河流經，風景都好靚
跟住行去高尾山車站搭吊車上山
由高尾山站上山有兩種車可搭，一種係纜車，即係類似香港嘅山頂纜車，另一種係吊椅。我見纜車多人排，所以搭刺激D嘅吊椅。
唔駛10分鐘就上到半山嘅車站，跟住就要行上山。
上山共有6條路線，1號路最好行，所以我就行1號路線上山，亦都係最多人行嘅路線。
半山嘅展望台，可以望到東京都。
買咗3個醬油燒團子食，好食。
行到半路有分叉路，左邊係男坂，右邊係女坂，右邊嘅女坂行斜路上山，較為舒服。而男人行左邊嘅石級上山，較為辛苦，但有其它收獲架。
男坂路上原來有一座佛祖舍利塔
行完男坂之後就係參道
過咗參道到高尾山藥王院嘅四天王門
藥王院的大小天狗像
入廟先洗手同洗口
仁王門
藥王院嘅飯繩權現堂
御本社
大師堂
愛染堂
参拜完就買咗兩個學業御守比兩個女。
之後就繼續行上山頂
喺山頂展望台可以睇到富士山
再行山路去もみじ台睇紅葉同富士山
睇完都係行番1號路落山
沿路D紅葉好靚
本來諗住落山搭纜車，不過最後見到條龍都嚇死人，所以冇搭到。
都係搭返吊椅落山
落到高尾山駅先見到人山人海，好彩一早嚟咗啫。
行完高尾山就搭京王電鐵去高尾再轉JR去西立川嘅国営昭和記念公園
西立川駅個出口就係公園嘅入口嘞
首先行去水鳥の池
跟住行去「イチョウ並木」，即係銀杏並木
行完イチョウ並木，就行去睇日本庭園。
跟住行去近立川口嘅「カナール」，即係運河區。運河(其實係噴水池)兩岸都係兩排銀杏樹，不過正在日落(下午3點幾咋)已經冇光，所以唔係咁靚。
跟住行去立川駅搭JR返新宿，四點鐘已經無太陽光嘞
返到新宿既刻轉JR総武線去信濃町，諗住睇神宮外苑嘅銀杏並木，去到先5點鐘，但已經天黑，好難影相。
影完銀杏就去台場，睇彩虹橋同高達
1比1的高達
晚上的高達sound & light show
依家台場同我十年前嚟已經唔同，多咗好多藥妝店同普通話人。
連以前嘅台場小香港都執咗，變咗懷舊街。
台場風大，有D凍，飲番支熱辣辣嘅粟米湯，正！
最後返新宿食晚餐，係窮人恩物......松屋。
留言列表
