hkt222976的部落格

2015年3月14日，今日係今次婚紗之旅嘅最後一日，亦係住响『被浪打到』民宿嘅最後一日，不過都係冇日出睇吖

出吓露台望吓個太平洋海影算啦！

跟住落樓下食早餐，今日係中式早餐。

之後就返房執埋D行李走嘞，希望下次有機會再嚟過啦！

跟住民宿老板陳先生車我哋出花蓮車站，出到嚟好好天，藍天白雲！

我哋今日搭10點35分太魯閣列車返台北。

今次嘅車飛係民宿老板娘陳太太幫我買嫁，因為我網上訂唔到花蓮去台北，陳太太就幫我買花蓮去宜蘭，再由宜蘭去台北，咁就得嘞，真係要多謝佢幫手！

火車沿住太平洋海岸行駛，風景好靚。

兩個鐘頭就到台北車站嘞，出站後就去搵locker寄行李先，然後去行街。

鎖好行李後就走台北車站誠品幫芊芊買佢要嘅V.A.用書，店員幫手check過話最近都要去敦南站先有，我哋咪搭捷運去敦南買囉，不過沿途落雨，拿拿淋買完就返台北車站食我哋嘅最愛--良品牛肉麵。

食完就去7仔買兩包台灣米返香港，我哋覺得台灣米好好食，仲好食過日本米添。臨走時再買多個蝸牛葱餅食。

去到桃園機場諗住用佢部Hello Kitty Check in 機嚟印張Hello Kitty Boarding pass出嚟，點知佢話我曾經响網上check in時印咗，冇得再印。最後惟有走去check in counter印囉，不過只係普通Boarding pass冇Hello Kitty公仔嫁

依架就係我哋要搭嘅BR857 Hello Kitty 機，1810起飛，1950到香港。

上機前有本Hello Kitty Passport送，可以比人蓋Hello Kitty印，蓋滿好似三個定五個印就有紀念品換添！

機上座位嘅電視都係播緊Hello Kitty 歡迎片。

不過今次回程個餐冇飯食添。

D餐具都有Hello Kitty嫁。

响飛機上同肥仔聰買咗架Hello Kitty模型機，係機上限量版嚟嫁！