close
2015年3月14日,今日係今次婚紗之旅嘅最後一日,亦係住响『被浪打到』民宿嘅最後一日,不過都係冇日出睇吖
依間雙人房個露台分兩層,下層可以坐吓,上層可以睇海景。
食完之後就問民宿借架單車去屋後面嘅單車徑踩咗陣,都幾好玩吖。
我哋今日搭10點35分太魯閣列車返台北。
今次嘅車飛係民宿老板娘陳太太幫我買嫁,因為我網上訂唔到花蓮去台北,陳太太就幫我買花蓮去宜蘭,再由宜蘭去台北,咁就得嘞,真係要多謝佢幫手!
火車沿住太平洋海岸行駛,風景好靚。
食完就去7仔買兩包台灣米返香港,我哋覺得台灣米好好食,仲好食過日本米添。臨走時再買多個蝸牛葱餅食。
去到桃園機場諗住用佢部Hello Kitty Check in 機嚟印張Hello Kitty Boarding pass出嚟,點知佢話我曾經响網上check in時印咗,冇得再印。最後惟有走去check in counter印囉,不過只係普通Boarding pass冇Hello Kitty公仔嫁
入到禁區又係指定動作,行吓hello kitty店囉。
上機前有本Hello Kitty Passport送,可以比人蓋Hello Kitty印,蓋滿好似三個定五個印就有紀念品換添!
不過今次回程個餐冇飯食添。
D餐具都有Hello Kitty嫁。
响飛機上同肥仔聰買咗架Hello Kitty模型機,係機上限量版嚟嫁!
文章標籤
全站熱搜
留言列表