close
2012年3月13日，日起身天氣唔錯，有D太陽，影返D相先！
跟住落樓下食早餐，民宿今朝預備咗漢堡包比我哋，仲有水果。就特別係有一小碗紅豆沙。
食完就行出去花園仔道影吓相。
老板都養咗D錦鯉。
琴日民宿幫我哋約咗今日包車去玩一日，原來係架的士同身兼導遊嘅司機。台灣D的士通常都响車身道印咗司機個名，唔知可唔可以借比人揸呢？
今日第一站係慶修院，係一間建於日治時期嘅寺院，屬於日本真言宗，當時叫『吉野布教所』。現時係台灣唯一的日式寺院，亦係國家三級古蹟。
入門第一件事，就係响『手水舍』洗手同淨口。
日式的參拜大殿。
門口守護的『不動明王』。
大殿內供奉的是佛祖和日本佛教真言宗開山祖師『空海和尚』。
空海和尚的石像，空海和尚是日本的遣唐使，在唐朝時由日本來中國長安學習佛學。回日本後創立真言宗，死後日本天皇賜諡號為『弘法大師』。
光明真言百萬遍石碑，據說信徒有病時，只要雙手合十，口中唸經，繞石行一百零八圈，就可痊癒。
院中有八十八尊從日本四國八十八(四國八十八箇所)間和空海大師有淵源的寺院中請回來的佛像。
慶修院內每個角落都充滿日本味道。
繪馬祈願所
行咗半個鐘就走嘞，跟住就去太魯閣國家公園。
太魯閣國家公園的東西橫貫公路入口，依修路可以去到我哋前幾日玩嘅谷關，不過要响個山道繞山路而行，好多司機都怕危險唔肯行。
太魯閣國家公園係台灣最早期嘅國家公園，日治時期已有，橫跨花蓮縣、台中縣和南投縣。前兩年我哋去玩雪嘅合歡山都係屬於太魯閣國家公園。
嚟到太魯閣國家公園就係行步道，欣賞吓D山同水啦！
今次行砂卡礑步道，要由砂卡礑大橋側邊嘅入口行落去。
步道就係沿住砂卡礑溪嘅山邊開鑿而成，係日治時期興建水力發電站時，用嚟運輸物資之用。
沿途見到好多外國遊客嚟行步道。
每隔十幾分鐘路程就有D休息地方比人休息吓。
砂卡礑溪D溪水好清好藍，有D似九寨溝。
沿途都有好多動物同植物可以影吓。
依道有D原住民賣吓D手工藝品。媽咪買咗個袋仔同貓頭鷹公仔。
約莫1個鐘就行到我哋嘅目的地，五間屋嘞。
依道有D原住民賣吓D手工藝品。媽咪買咗個袋仔同貓頭鷹公仔。
行完砂卡礑步道之後就上車去長春祠，係紀念當年開鑿橫貫公路殉職的工程人員。
當時殉職的多數是『榮民』，即係由大陸撤退來台的國軍部隊。
跟住就向燕子口步道進發，不過因為山上有落石關係，所以行車線要間歇性封閉，唯有等......
去到中途就有人派安全帽，因為危險有落石，所以人人都要帶
到咗燕子口步道，就要落車行，衣條步道除咗危險D之外，其實都好好行。
沿途D山邊有好多石洞，有D燕子住响入面，所以叫燕子口。
我哋拿拿淋行完就到中途站食午餐，之後就繼續向山上進發。
文章標籤
全站熱搜
留言列表
