close
2012年3月10日，今日天氣冇咁好，仲落雨添。首先落餐廳食個早餐先。
跟住出去行吓，不過好大霧，又有雨
影咗兩張櫻花就返酒店先
返番自己房，再浸多次溫泉嘆吓先！
12點鐘退房就攞埋D行李落Lobby擺低先，等2點鐘酒店再車我哋去Masalili。
跟住出去行吓谷關公園，不過今日落雨冇乜人行吖。
原來嗰道有個足浴池，可以浸吓腳。
個池入面仲養咗D溫泉魚仔，可以比D魚仔啄吓D腳皮，好過癮
行行吓就行埋去『捎來吊橋』！
過咗吊橋就係『捎來步道』，即係類似香港嘅家樂徑，不過今日落雨，仲越行越大雨，我哋行咗陣就行返轉頭囉。
步道旁種咗好多櫻花，如果櫻花季嚟行，應該會好靚！
細雨咗D，就繼續行去睇吓嘢。
响公路旁仲有好多櫻花開得好靚。
不過近睇，D櫻花比D兩水落到殘晒囉。
行到差唔多2點，就返去酒店搭專車返台中masalili揀相，臨走前响街邊買返包炸杏鮑菇食先！
去完masalili揀相之後就返嚟逢甲攞酒店(都係黎客商旅)，之後就出街食『台江北臭豆腐火鍋』。
好多人排隊，一路排，一路揀定食乜先！
有得食啦
食完之後就去台中車站行吓，睇定後日去花蓮D閘口位，以免後朝行錯啦。
依個車站已經超過一百年的歷史，係一級古蹟嚟嫁！
响車站入面有個自助借書同還書機，眞係『予民為便』，唔知香港幾時會有呢？
文章標籤
全站熱搜
留言列表
