close
今年係我同媽咪結婚20週年紀念，媽咪話想影返D靚相紀念吓，我就想去台灣玩吓。於是我就上網搵到間台中嘅Masalili嘅評價幾好，咁就上網book咗去影吓玩吓啦！2012-03-07出發啦！
我哋搭BR892 9:50出發去台北
飛機餐有軟綿綿嘅台灣米，好食呀！
到咗台北機場就搭國光客運去台北車站，一個鐘就出到囉。
先去酒店擺低行李，然後就搭捷運去淡水
出咗淡水就搭875號巴士去『天元宮』賞櫻。
一落車就見到有櫻花啦！
不過今日落雨唔係咁靚吖
不過D櫻花有D水珠都幾靚吖
依道多數都係粉紅色嘅台灣山櫻。
睇完櫻花就行入天壇參觀吓
原來入面有幾層，每層都供奉唔同嘅菩薩
上到最高嗰層，仲好大霧冇乜嘢睇到
天壇入面D窗口，望出去嘅構圖都幾靚吖！
睇霸王戲櫻花就搭返巴士出淡水行吓啦！捷運站道有間迷你鯛魚燒，不過冇餡嘅，似雞蛋仔多D！
站外面有間『7仔』，附設City Cafe，可以買杯咖啡，坐低慢慢嘆！
站外面有間『7仔』，附設City Cafe，可以買杯咖啡，坐低慢慢嘆！
我哋仲响隔離嘅淡水故事館，買咗兩塊木明信片，寄返香港比兩個女。
之後搭返捷運去劍潭站，行『新』士林夜市。即係由我哋去開嘅臨時市場(臨咗成10年啦)搬番去原址重建完成嘅『新』士林市場。
門口嘅豪大大雞排，仲係咁多人排隊。
依家嘅熟食市場搬咗去地牢，仲係咁多人。不過我有D擔心--如果有火警，D人走唔走得切？
我哋今次去食鐵板燒，好好味仲好抵食添
食完之後再飲杯嘢就搭捷運返酒店嘞。
文章標籤
全站熱搜
留言列表
