close
2012年3月8日，今朝起身後上酒店頂樓食完早餐就走嘞，依間懷寧旅店係我哋第二次住，勝在近台北車站，交通好方便、又唔貴仲包埋早餐添！
行出嚟過對面馬路就係國光客運嘅車站。
台灣D交通燈過馬路有唔同嘅聲方便盲人，又幾好喎。
我哋就搭10:15車落台中。
車上嘅座位有電視睇，台灣D電視依輪『林書豪熱』，一有佢D比賽就响電視道打出即時分數，又難怪嘅，林書豪雖然係美國出生，但佢爸爸係台灣彰化人，台灣當正佢係台灣之光(大陸同香港都話佢係華人之光)啦！
响台北經中山高速公路，約2個半鐘就到台中嘞！
我哋先去黎客商旅酒店擺低D行李(未有房攞住)先，之後出去行吓街，睇吓有咩交通工具到啦！
酒店行出嚟就係逢甲大學，即係夜晚嘅逢甲夜市。
跟住就搭的士去Masalili。當我同的士司機話去山西路，佢就問係咪Masalili？睇嚟Masalili都係台中熱點喎！
跟住我哋就入去揀衫
揀好衫之後masaliliD女仔就同我哋講，話我哋揀得快，可以出街行一陣食D嘢，等攝影師5點鐘返嚟同我哋溝通，早知慢慢揀啦！
我哋都唔知咐近有D乜，咪到處行吓囉，見到有個水果批發市場咪行去睇吓啦。
D水果好平又好靚！
最後行咗去『7仔』囉。
食吓關東煮
D『7仔』有得坐低慢慢食，台灣冇『地產霸權』真係好！
台灣D『7仔』仲有好多服務，買車飛、影印、print嘢、提款機、網購交收....
同攝影師溝通之後，夜晚就搭返的士返洒店攞房。
房間入面仲有D歡迎小禮物！
跟住我哋就出去行逢甲夜市
行咗一陣就早D返酒店休息，準備聽日影相！
文章標籤
全站熱搜
留言列表
