2011年8月11日，今日係今次行程嘅最後一日，朝早起身媽咪同芊芊執行李，我就影吓相啦。
跟住我就行去新宿站嘅JR訂N'EX回程飛。
今日好好天，就响新宿一帶影吓相先啦！
退咗房，寄埋行李，就出發去行街，第一站係明治神宮。
神宮正門嘅鳥居。
參道兩亭有好多全國各地送來的酒桶。
参道上的大鳥居，高12米，係全日本最大。
御舍殿前的鳥居。
神宮內的御舍殿，嘅係大殿，供奉明治天皇同皇后。
掛在神宮內兩棵大樹上的注連繩，芊芊叫佢做『結界』。
神宮賣的御守，我哋買咗學業御守比皓怡。
神宮內有描述明治維新時期的歷史展覽。
神宮前掛滿繪馬，求乜都有。
芊芊都有寫繪馬，不過唔比我哋睇寫咗乜！
睇完明治神宮，行返出原宿駅。
首先去醫肚先，我哋响竹下口吉野家樓上一間餐廳食嘢，D嘢都唔錯，不過餐廳就唔記得叫咩名囉。
只係記得好熱，D冷氣開到勁細，每張枱派把扇，節電吖麻，撥啦！
食飽之後同芊芊落去行竹下通，又係比佢行個半鐘，然後响麥當勞等返佢。
芊芊今次嚟竹下通，係因為有個『Bleach．原宿卍解祭』，又係D動漫嘢囉！
其實原宿竹下通有D似旺角女人街，都係賣D平價潮流嘢。
芊芊就話依個男仔係『裝飾男』。
芊芊去咗行街，我就到處行吓，發覺原來响原宿仲有間『東鄉神社』，係紀念日本海軍大將『東鄉平八郎』。東鄉係日本軍國主義代表人物之一，被視為軍神，逢戰必勝！神社內好多『勝守』賣！
東 鄉平八郎係日本海軍大將，曾留學英國學習軍事，回國後協助日本海軍現代化。在中日甲午戰爭時殺死唔少中國人。最出名係於對馬海峽海戰時，以少勝多，幾乎將俄羅斯帝國海軍的遠征艦隊『波羅的海艦隊』一舉殲滅，日本從此便晉身成為軍事強國之一，更被西方國家稱為『脱亞入歐』，此戰亦間接成為俄羅斯帝國的『摧命符』。
睇完之後就搭番山手線返新宿攞行李。
拜拜啦，新宿！
落地鐵站搭N'EX去成田機場。
我哋搭達美DL639返香港。
今次去關東，見識到日本人那種堅忍能耐，雖然成個關東因為關閉了福島核電站而節電，但佢哋都冇怨言，滿頭大汗(日日35、36度)仍然排隊、打機、食飯......！
希望不次嚟電力恢復正常啦。
留言列表
