食完午餐之後就行鶴岡八幡宮,依間神社係源賴朝嘅祖先建於公元1063年。
八幡宮的『舞殿』,每年4月的第二個星期日會在這裏上演「静の舞」,紀念源義經的愛妾「靜御前」曾被迫在此表演的舞蹈,訴說這段淒美的愛情故事。
經過一列長石階,便到達八幡宮的『本宮』,即係大殿。
我哋通常都鐘意响D神社道買D御守,以保一家平安。
媽咪負責揀御守。
依間八幡宮D簽好似唔多好喎。
响D古都度,通常都有人力車,D車伕又後生又靚仔!
睇完鶴岡八幡宮,就行去報國寺睇竹林,沿途風景好靚,好悠閒。
就响山邊的小溪都有好多錦鯉,D日本人真係犀利,路邊小溪D水都可咁清。
去到報國寺,點知關咗門,原來係4點關門,我哋遲咗10分鐘,吹漲!
D旅遊書介紹話報國寺有個好靚嘅竹林,好似京都天龍寺後面嗰個咁靚,仲可以坐低飲茶,希望下次可以再嚟睇過啦!
行餐矇冇得入,真係冇癮。媽咪就飲吓水,我就用GPS定吓位,咁就比芊芊偷影咗!
响報國寺門口坐咗陣,行返出馬路諗住搭巴士返鎌倉再轉火車去横浜八景島,不過見到原來有巴士去横浜嘅金澤八景,係京浜急行嘅『鎌24』號。咁就好咯,唔洗轉車,仲可以拍西瓜咭,正!
半個鐘頭就到金澤八景,然後轉無人架駛列車去八景島,去到啱啱過咗5點,可以買黃昏票,¥2700一個人,任玩!
首先玩激流。
然後再玩跳樓機,依個跳樓機高107米,係日本最高嘅!
之後又去玩賊船。
玩完就去睇海洋館,今個夏休嘅主題係芊芊最鍾意嘅『海賊王』。
好大條嘅翻車魚。
再去睇北極熊,原來佢哋好鍾意游水嫁!
然後再睇海象同國王企鵝。
個海洋館都好多嘢睇,不過我哋趕時間睇花火祭,只係跑馬看花咋。
日本人好鍾意响夏天睇煙花,通常會叫『夏休の花火納涼大会』簡稱『花火祭』。花火祭當日,佢哋會着浴衣,一家大細鋪定塊布坐响地下、食住D小食、飲住啤酒,等夠鐘睇煙花。
開始放煙花啦。
睇完煙花行多陣就坐無人架駛電車去新杉田,轉火車經横浜返新宿。
留言列表