2011年8日10日,今日8點起身,之後去7仔買D手卷做早餐,因為要去鎌倉。我哋搭8:59嘅小田急電鐵去神奈川縣嘅藤沢。
大約一個鐘就去到藤沢,然後行過天橋轉『江之島電鐵』(江ノ电)去長谷。
江ノ電嘅藤沢站都好多人排隊買飛,好在我哋張Suica卡可以用,唔洗排隊。
車嚟啦,係少數仲响路面行駛嘅電車!
江ノ電車已經超過100年歷史,仲係單軌雙程嫁!
江ノ電風景最優美的一段,就是電車沿着湘南海岸行走的一段。
還可看到來玩滑浪的人。
鎌倉高校前駅。
約半個鐘就到咗我哋嘅目的地『長谷駅』。
鎌倉係日本三大古都之一,公元1185年由武士源賴朝同源義經兄弟擊敗在平安京(京都)的天皇外戚平氏家族(源平合戰)。之後幾年再擊敗各地諸侯,獲封為征夷大將軍,而日本亦進入680年由武士掌握實權的幕府時代,直到公元1868年明治天皇頒佈王政復古後才結束幕府時代。而源賴朝家族根據地就在鎌倉,日本史上稱為『鎌倉時代』(公元1192-1333年)。
長谷寺,始建於公元736年,寺內有高達9.18米的11面觀音像,是日本全國最大尊的木刻觀音像,但我哋冇入去睇。
市內都有好多巴士搭去D旅遊點。
當日鎌倉氣溫高達36度,最好就係食雪糕。
中途經過生果店,買咗盒葡提子食。
行到這個不起眼的紀念品店,旁邊喺路口就係高德院入口。
高德院入面就係鎌倉大佛。
今日勁好天氣,晒到眼都睜唔大咁滯!
鎌倉大佛高13.35米,重約93噸,在日本指定為國寶。
鎌倉大佛是世界第二大嘅戶外青銅坐佛,最大係我哋香港嘅天壇大佛。
大佛雖然大,但同人好親近,冇高高在上的感覺。
大佛背後有窗,原來係中空嘅,我哋仲行入大佛入面參觀添!
食串提子,休息吓啦!
睇完之後,出番門口街去對面嘅『豐島屋』,買鎌倉名物『鴿子餅』。
鴿子餅,係用麵粉、沙糖、雞蛋整嘅,同我哋D雞蛋餅差唔多味。
買完之後,見到有檔魚蛋咁嘅嘅,買咗串試吓。原來唔係魚蛋係「團子」,係用麵粉做嫁,有D似糯米糍!
行返去長谷站,隔離就係¥100店,行入去睇吓同買番把鎖先,因為行李喼把鎖比人掟壞咗。
跟住就搭番江ノ電去鎌倉。
約坐10分鐘就到江ノ电嘅總站---鎌倉!
車站對面就係行去『鶴崗八幡宮』嘅小町通。
第一間舖就係專賣宮崎駿產品嘅龍貓共和國。
依間頭D遮好靚,濕水之後仲會變色添,我哋都買咗把返香港。
D手繪箸置都好靚,依家我哋日日都有用嫁。
鎌倉因為係古都,所以都有人着和服行街影相,仲有舖頭可以日租添。
行到去鶴崗八幡宮門口,見到有間『天ぷら専門店 日本橋からり』,嘅係『日本橋‧天婦羅専門店』,一於入去開餐啦!
我哋叫咗一個大海老天丼,同一個特製天丼。真係炸得好好味!
食飽之後先至再繼續下晝嘅行程。
留言列表