2017年7月5日，我一早起身，媽咪同芊芊剷都唔起啦，於是自己去附近行吓啦，首先行過新宿區役所嘅「平和の灯」
跟住到青梅街道口
再行去新宿西口嘅I-Land Patio
廣場上嘅天文鐘，好似布拉格嗰個咁複雜，其實有冇人識睇呢？
廣場上嘅LOVE雕塑仲喺度
前面嘅圓形紅綠燈陣，你的名字都出現過架
再行埋去東京都廳，不過冇上展望台
Tokyo Mode Gakuen Cocoon Tower，係一間設計同美容職業訓練學校，好多中國同台灣留學生讀架
行完新宿就行返酒店，順路去埋對面嘅稻荷鬼王神社
喺參道上有個大祓(茅の輪)，參拜前打8字咁繞3個圈，就可以除本身嘅穢氣。
神社嘅本殿
本殿上有個神主(類似香港嘅廟祝)喺神壇前吹笛，真係好專業喎
神社旁嘅攝未社「恵比寿神社」
接埋芊芊同媽咪就去新宿駅搭火車去大宮，再轉北陸新幹線去輕井澤
北陸新幹線
新幹線最正係有得叉電
全程約個半鐘就去到長野縣嘅輕井澤
見未夠鐘有巴士去白糸の滝，行去車站旁嘅Prince Shopping Plaza睇吓，依度係名牌outlet，好多人嚟shopping架，不過名牌嘅嘢點啱我吖？行吓就算啦
行到差唔多時間就去北口巴士站，等草輕交通嘅巴士去白糸の滝
2號月台嘅巴士
輕井澤係出名嘅避暑勝地，市內綠樹成蔭，比起東京涼咗成6、7度，好舒服
行車約23分鐘就去到白糸の滝
沿住巴士站邊嘅小路行去白糸の滝
白糸の滝(白絲瀑布)，落差雖然只得3米，但闊有70米，好似一幅白布咁。
今次帶埋支腳架嚟影慢快門
自己都影番張先
其實附近嘅小溪流影落都幾靚
影完白糸の滝就搭番巴士出舊輕井澤(輕井澤銀座)，依度可以算係輕井澤嘅市中心，最多舊式建築物同商舖可以行吓。
專賣首飾嘅凸凹堂，以前喺高山都見過有分店
輕井澤仲有好多蜂蜜店
我都買咗杯蜂蜜雪糕嚟食，好味
1886年夏天，加拿大傳教士Alexander Croft Shaw經過輕井澤，覺得依度山明水秀，天氣清涼好似故鄉多倫多，於是1888年時便在這裡興建了別墅，並向外推介為避暑勝地。1893年往東京嘅鐵路繼開通，好快就吸引咗好多傳教士、知識分子同文化人(即係文青)嚟渡假，建成好多歐式建築物，成為日本人眼中嘅小歐洲。
森のチャペル 軽井沢礼拝堂，專係比人結婚行禮用。
行去舊教堂區嘅路Church street，其實係個大商場
輕井澤有好多懷舊寫真店，可以比遊客着D歐洲宮廷衫嚟影相。
聖パウロ カトリック教会(St. Paul 's Catholic Church)，建於1935年，三角形全木式建築，係當地出名嘅結婚場地
再行去軽井沢ショー記念礼拝堂，途中道路好多樹木，行起嚟好舒服
好多人仲踩單車添
軽井沢ショー記念礼拝堂(Karuizawa Shaw Memorial Church)，係紀念將輕井澤發展成避暑勝地嘅傳教士Alexander Croft Shaw而建嘅教堂
被稱為賞楓名所之一嘅雲場池，雖然係夏天，但新綠色都好靚
湖邊好多楓葉，秋天嚟就靚囉
池中嘅水鴨
睇完就返火車站搭免費車去星野渡假村，嗰度有商場、餐廳、酒店、溫泉、教堂、文化同生態旅遊，乜都有得玩同睇
星野溫泉蜻蜓之湯，可以浸日個曰歸溫泉，不過今日成30度，都係唔好咯
跟住行榆樹街小鎮，依度係商店區，依家有D裝置藝術品
榆樹街小鎮旁嘅湯川，流經附近嘅森林，可以觀鳥，同埋有生態導遊之旅可以參加
石の教会～內村鑑三紀念堂，一間用石砌成嘅奇特教堂，用嚟紀念一位奇特嘅基督徒。出生於1861年內村鑑三，畢業於東京英語學校(東京大學前身)同札幌農學校(北海道大學前身)，後再留學美國安默斯特學院。佢雖然係基督徒但唔信教會及神職人員(有D似馬丁路德)，相信能靠自己可實踐基督教信念，被稱為無教會主義者。
其實依間教堂內部都好靚，可以參觀不過唔可以影相吖
再行去軽井沢高原教会，其實依間教堂同石の教堂都係由星野集團管理嘅
都係可以參觀但唔可以影相
旁邊嘅牧師館就可以影相
行完就搭返接駁車返火車站，見未夠鐘有車就行去輕井澤王子大飯店西館湖邊睇吓
睇完就搭返新幹線返東京駅，然後上Kitte 5樓嘅ぎゅんた食鐵板燒
個師父教個徒弟炒飯，原來係佢哋員工嘅晚餐，佢見我哋係咁影相，仲請我哋食添
都好好食吖
食完就搭山手線返新宿咯
留言列表
