2016年6月3日，今朝預約咗參觀國會大廈，一早就出去咯。
其實可以參觀嘅只係國會嘅玻璃大圓頂，圓頂內有360塊以漏斗形排列嘅鏡子可將日光引入國會內，作照明之用。依個鏡子引入陽光嘅照明裝置香港嘅滙銀行總行亦有一個，可能因為佢哋都係出自羅文‧科士打(Norman Foster)嘅設計啦。
圓拱內右通道可以行上圖拱頂部，沿途可睇到附近嘅風景
漏斗形鏡子內有一條排氣管，可將漏斗內吸收嘅熱力排上圓拱頂嘅排氣孔排出。不過我諗唔知落雨係咪會入水呢？
參觀國會大廈有錄音導遊服務，我揀咗中文(國語)，戴住耳筒一路行就會有國語介紹，你依家見到D乜嘢咁啦
行完之後就以行出天台再睇
透過玻璃窗，見到D國會議員開會
天台牆上嘅浮彫
跟住去歐洲猶太人遇害紀念碑(Memorial to the Murdered Jews of Europe)，位於勃蘭登堡門附近，佔地19,000平方米，安放了2711塊混凝土碑，一個斜坡上以格仔形排列。
混凝土碑長2.38米，寬0.95米，高度從0.2米到4.8米不等，無任何裝飾同文字。
之後搭輕鐵去波茨坦，車程約半小時。波茨坦位於柏林西南面的一個城市，市內很多河流同湖泊，氣侯清涼，普魯士王國和德意志帝國的皇宮亦在這裏。
我哋首先行去舊城廣場(Alter Markt)
聖尼古拉斯教堂(St. Nicholas' Church, Potsdam)，始建於1830年，但於二次世界大戰中嚴重受損，1981年才重建完成
波茨坦舊市政廳(Altes Rathaus - Potsdam)，現時係波茨坦博物館
舊城廣場上嘅州議會大樓，亦叫波茨坦城市宮(Potsdamer Stadtschloss)，這座巴洛克式建築以前係布蘭登堡藩侯、普魯士國王和德國皇帝的第二居所。二次大戰時遭到轟炸受損，1960年被東德政府下令拆除，2007年全民公投決定重建，到2013年底，城市宮嘅重建工程完工。因為波茨坦係勃蘭登堡州嘅首府，所以州議會亦設在此。
波茨坦電影博物館(Filmmuseum Potsdam)，係位於波茨坦城市宮之內，最初名為東德電影博物館，1990年改為現在的名稱
波茨坦嘅郵政總局
行去食午餐時中途有間Prima-Markt超市，原來依度D水果都好平、好抵食
我哋喺依間Globus Grill-Bar am Kanal食午餐
試吓不含酒精嘅德國啤酒
聖彼得及保羅教堂(Propsteikirche Sankt Peter und Paul)，建成於1870年，係天主教位於波茨坦的座堂
睇完聖彼得及保羅教堂就行波茨坦勃蘭登堡大道
勃蘭登堡大道係波茨坦最熱鬧嘅一條街，全條都係歩行街‧有好多名店同食肆。
勃蘭登堡大道其中一條橫街，有幾檔水果檔，賣D水果又平又靚
波茨坦電車
紀念品店賣嘅鐵牌，皓怡買咗兩個
波茨坦嘅勃蘭登堡門，建於1770年，甴當時嘅普魯士國王腓特烈二世下令興建
無憂宮(Schloss Sanssouci)，係普魯士國王腓特烈二世於1745下令興建的夏宮，據說腓特烈二世喜愛法國文化，所以宮殿名稱竟然用法文sans(無)同-souci(憂慮)。1990年聯合國教科文組織將無憂宮嘅建築羣列為世界文化遺產，列入原因為：「無憂宮的宮殿與公園，可視為普魯士的凡爾賽宮」。
無憂宮公園嘅林蔭大道
公園內嘅河道
無憂宮前嘅噴水池
無憂宮前嘅梯形山坡種滿咗好多葡萄
無憂宮旁嘅葡萄架
喺無憂宮前望向噴水池
無憂宮嘅後園
無憂宮公園內嘅中國樓，腓特烈二世對中國也充滿了好奇和嚮往，因此喺無憂宮裏建造咗中國樓。佢到處搜集各種來自東方的物品，例如絲綢和瓷器，用來佈置中國樓，以金碧輝煌嚟代表心目中富裕華麗嘅東方世界。
太上老君個鍊丹鼎
中國樓頂上擔遮嘅壽星公
其實中國樓嘅設計師從來未到過中國，但樓内嘅雕像，雖然同中國人有些形似，但好多人物D衣着同樣貌都係有歐洲人的影子(中國人肯定睇得出)。
新宮(Neues Palais)，係無憂宮公園內嘅一座宮殿，始建於1763年，由腓特烈二世下令興建，完工於1769年，可惜腓特烈二世已逝世，無緣欣賞這間普魯士最大嘅巴洛克式宮殿。新宮在二戰期間躲過了轟炸，係普魯士宮殿建築中保存狀況較為良好的一座，現時亦係世界文化遺產。不過我哋嚟嘅時候正在維修，只可以喺外邊睇吓影吓咋。
新宮嘅後門
.
睇完新宮行返去火車站，途中見到間教堂幾靚，行去影吓先。
依間叫救世主教堂Erlöserkirche (Potsdam)，建於1896年，其74米高嘅哥德式尖塔喺波茨坦嘅標誌性建築，曾於第二次世界大戰受損，戰後復修。
睇完就繼續行去火車站，經過時嘅住宅區，依度D環境清靜，應該幾好住
行返火車站路上見到間清真寺，但返到香港查吓資料，原來佢只係清真寺外形嘅蒸汽機水泵房(Dampfmaschinenhaus)，高塔其實係煙囪，它於1842開始運作，為無憂宮師噴水池供水，係當時普魯士王國最大型的機器，亦係當時國王腓特烈·威廉四世向世人展示國力的地方。雖然現時已經用電動泵來取代這台蒸汽機，但這座泵氣並無拆卸，更於1990年被列入世界文化遺產
行完波茨坦半日遊後，就搭火車返柏林，今次坐嘅火車係雙層嘅
返到柏林HBF，見到對面月台好大陣仗，有人着燕尾服又紅地毡，問人先知原來有東方快車到站，仲話每年得一次機會架咋，咁難得嘅機會等我都影吓先。
有樂隊歡送乘客
仲有專人運送行李。
之後去車站嘅Vapiano食晚餐，依度個廚師好犀利，可以一個人同時炒兩個餸，喺個柜枱上面有兩盆香草(迷迭香同羅勒)，一路炒一路搣D香草落鑊。
食完飯去勃蘭登堡門影夜景
影完就搭返地鐵返火車站，見到朗奴列根當年喺勃蘭登堡門前嘅演說名言：Mr. Gorbachev, tear down this Wall！
返到火車站影吓今日食嘢間餐廳Vapiano
仲有前兩日食過嘅Asia gourmet
留言列表
