2016年6月2日，今朝食完個即食麵就搭地鐵去勃蘭登堡門，好好陽光，正。
勃蘭登堡門係由普魯士國王腓特烈·威廉二世下令於1788年至1791年間建造，以紀念普魯士在1756年至1763年嘅七年戰爭中戰勝法、奧等國。頂部嘅「勝利女神四馬戰車」雕像，勝利女神張開翅膀，駕着四馬兩輪車面向柏林城內，代表得勝歸來，可以算係德國嘅凱旋門。但有勝利女神其實都唔係一定贏架，1806年剛剛加冕法蘭西第一帝國皇帝的拿破崙，率領着強大的法國軍隊席捲了歐洲，戰勝了普魯士，佔領了柏林，1806年10月27日，拿破崙騎着馬率領法國軍隊，以征服者的身份通過勃蘭登堡門。拿破崙更命令將勃蘭登堡門上的勝利女神雕像拆下裝箱，作為戰利品運回了巴黎。直到1814年，拿破崙戰敗後普魯士才由巴黎將勝利女神運回柏林，重新安回勃蘭登堡門上。
勃蘭登堡門前嘅廣場叫巴黎廣場(Pariser Platz)，普魯士於1814年擊敗拿破崙後佔領巴黎，為慶祝這一勝利，而將此處命名為巴黎廣場。現時由於勃蘭登堡門嘅象徵意義重大，又係使館區，易成恐襲目標，所以大量德國警察長駐在這裏。
法國大使館
美國大使館
廣場上嘅庫爾德難民
影完勃蘭登堡門就搭返地鐵返柏林hbf轉輕鐵S5去Berlin Warschauer Straße站，去睇柏林圍牆
途中會輕過奧伯鮑姆橋(Oberbaum Bridge)嘅橋塔，不過就唔洗過橋
依段柏林圍牆叫東邊畫廊(East Side Gallery)，係柏林圍牆殘存最長嘅一段(約1300米)
圍牆上最著名嘅兄弟之吻，係前蘇聯領袖布里茲涅夫同東德領袖昂納克一次見面時嘅場面。
兄弟之吻嘅原圖 (圖片來源:維基圖庫)
有畫家在修補破損嘅塗鴉
睇完就搭巴士去亞歷山大廣場(Alexanderplatz)，睇德國最高建築物，高368米嘅柏林電視塔。柏林電視塔係1965年時由德意志民主共和國(東德)興建，於1969年10月3日落成，係冷戰時期東德用來向西方國家展示國力嘅產品。
當年柏林電視塔落成後，東柏林市民就發現每當陽光照射在電視塔嘅圓球形的觀光台外牆時，就會反射出一個十字形的光團，酷似一個發光的十字架，而當時東德共產政府在其境內，拆除一切建築物(包括教堂)上的十字架或類似十字形的標誌，柏林市民便把電視塔上的十字光團稱之為：「Rache des Papstes」，意即「教宗的復仇」。
亞歷山大廣場上嘅聖母教堂(St. Mary's Church)，始建年代不詳，首次在文獻中提及是在1292年。原本這是一座天主教堂，宗教改革後成為新教教堂。
喺聖母教堂前有一座建於1891年嘅海神噴泉(Neptunbrunnen)，海神噴泉的中央是一個海神雕像，而噴泉內的四個女性雕像分別代表四條德國河流～易北河、萊茵河、維斯瓦河和奧德河。
我哋今日嘅午餐就喺亞歷山大廣場嘅Pergamon Döner & Pizza食土耳其烤肉
亞歷山大廣場旁有個東德時期興建嘅馬克思-恩格斯廣場(Marx-Engels-Forum)，廣場上有好多雕塑，真中最出名就係共產主義奠基人～馬克思同恩格斯嘅銅像
馬克思-恩格斯廣場一河之隔就係柏林博物館島(Museum Island)，依個島位於施普雷河(Spreeinsel)中，1999年博物館島被聯合國教科文組織指定為世界文化遺產。
島上嘅柏林大教堂(Berliner Dom)，係一座文藝復興式風格嘅基督教路德會教堂，1894年由德國皇帝威廉二世下令興建，作為基督教新教的主要教堂與梵蒂岡的聖彼得大教堂分庭抗禮。
第二次世界大戰期間，柏林大教堂遭到盟軍轟炸並引發大火，圓頂被大火燒毀。戰後人們搭起臨時的圓頂來保護大教堂，修復工作由1975年開始，1993年教堂才重新開放。
柏林舊博物館(Altes Museum)，建造於1823年至1830年間，係一座新古典主義風格嘅建築，亦係博物館島上最古老嘅博物館。現時主要展出古希臘、古羅馬等藝術品。
新博物館(Neues Museum)，始建於1841年，因為當時博物館島上已經有一座1830年開館的柏林舊博物館，所以叫柏林新博物館。館內主要展出古埃及和人類史前和早期歷史文明的收藏品，代表性展品有埃及女王娜芙蒂蒂的半身像
我哋行完博物館島之後，就過橋去河邊搭船遊船河
沿住博物館島附近嘅河邊有好多船公司，依間eddyline有學生價，皓怡只係8歐，所以我哋搭依間
博物館島上嘅Bode Museum，主要收藏13至18世紀嘅油畫、雕刻、拜占庭藝術品、硬幣同獎牌
沿河岸都好多嘢睇
沿住施普雷河，駛到去國會大廈
遊完船河就搭地鐵去威廉大帝紀念教堂(Kaiser Wilhelm Memorial Church)， 這座教堂由德意志帝國皇帝威廉二世下令興建，於1895年9月1日落成，係紀念德意志帝國的首任皇帝威廉一世大帝(威廉二世為了淡化俾斯麥的德意志統一功業，特意尊崇威廉一世為大帝)。教堂在第二次世界大戰中受損嚴重，戰後保留了教堂鐘樓嘅殘骸，並在旁邊建造了新教堂，舊教堂和新教堂放在一齊，作為警惕戰爭的作用。
舊教堂鐘樓和旁邊嘅新教堂六角形新鐘樓(不過啱啱依家包起咗嚟維修)
八角形嘅新教堂
新教堂嘅特色，係將彩色的玻璃切割成超過3萬塊不規則的小塊，重新組合成正方形，再嵌入混凝土鑄成的牆壁格子中。玻璃碎片將照射上來的光線折射出去，產生寶石切割般的效果。夜晚教堂被彩色光照亮，而白天折射後的陽光呈現藍色透入教堂內室。雙層的外牆結構起到隔音的效果。
舊教堂嘅外牆雕塑
舊教堂樓嘅天花仍保留着戰爭受創嘅痕跡
仲有威廉一世嘅威水事跡，最出名就係依張畫，描述1871年威廉一世在普法戰爭中戰勝法國後，威廉一世在巴黎凡爾賽宮宣布將成立德意志帝國，並登基為德意志皇帝，圖中白衫就係威廉一世嘅最佳拍檔～俾斯麥。就係依個場面，亦埋下咗兩次世界大戰嘅伏線
之後搭100號巴士去勝利紀念柱，用city ticket可免費搭
勝利紀念柱(Berlin Victory Column)，係1864年為慶祝普魯士在普丹戰爭中獲勝而興建，到1873年9月2日舉行揭幕儀式時，普魯士又在普奧戰爭（1866年）和普法戰爭 (1870–71)中擊敗了奧地利和法國，令勝利紀念柱更具意義。後來德意志帝國成立後再在柱頂加上勝利女神的雕像。勝利紀念柱原本坐落於德意志帝國議會(今德國國會大廈)前面的國王廣場(今共和廣場)上，1938年希特拉將勝利紀念柱移至今天的位置。
行上285級石階上柱頂
中途會有D地方比人坐吓，不過D石級就越行越窄
終於行到最高處，依條林蔭大道叫6月17日大街(紀念1957年蘇聯鎮壓東柏林的示威～東德六一七事件)，盡頭處就係勃蘭登堡門
睇完勝利紀念柱後就搭返100號巴士去紅色市政廳(Rotes Rathaus)，這座市政廳修建於1861年到1869年之間，係義大利北部文藝復興風格。這座建築曾在二戰中遭受盟軍轟炸而損毁，1951年到1956年東柏林政府按原規劃修。兩德統一後，再次成為柏林市政府的辦公室。
紅色市政廳旁嘅舊市政廳(Altes Stadthaus)，建於1902年至1911年，曾是是柏林的市政廳，以解決當時紅色市政廳空間不足的問題，現時係柏林州議會的所在地。
紅色市政廳附近嘅柏林聖尼古拉教堂(St. Nicholas' Church, Berlin)，係柏林最古老嘅教堂，聖尼古拉教堂原本係一座天主教堂，宗教改革後改為路德會教堂。但教堂在二戰中已經被盟軍炸彈夷為平地，1981年，東德政府批准按原有設計重建這座教堂。
又見到柏林熊
跟住就行返去亞歷山大廣場食晚餐，我哋去咗依間Fraticelli Restaurant Italian Grill食Pizza。
飲德國啤酒
留言列表
