2013年2月27日,今朝我起身先,見媽咪未搞惦,又未執好行李,咪同媽咪講我落街行吓先,等陣喺餐廳見啦。我就行咗遇酒店隔離嘅品川高山稻荷神社影吓先。
依間神社建成時間不詳,但有記載的已有五百多年。
神社前嘅石燈籠,係東京都港區文化財。
咁早都有善信參拜喎。
行完就行番去食早餐,品川駅高輪口東橫Inn提供嘅早餐有西式同日式兩款,比起其它東橫Inn選擇較多。
不過D枱就細咗D,我哋同一對日本母女一齊坐,緊緊夠咋。
食完就攞埋行李Check out,然後去品川駅搭電車去押上。
站口有架小販車仔賣便當。
由品川駅搭京浜急行(中途會變成都營淺草線)去押上駅390円。
我哋今日去睇Skytree,即係東京晴空塔(我鍾意叫佢做天空樹)。不過比佢依幅圖玩死,我哋拖住D行李行去A2出口,沿途又遠又多石級,最慘係搵唔到locker呀!
出咗嚟係見到天空樹呀,不過拖住D行李點玩呀!
惟有睇住頭先幅圖,行去搵第二個入口,入返站內搵locker先囉(媽咪話唔想再攞住D行李行原路D石級喎)。
路上見到個睇嚟啱啱送完個小朋友返幼稚園嘅OL,踩住單車去返工。
入返站入面,搵個locker擺好行李後,再去B3出口上天空樹囉。
出咗站就係天空樹個商場,搭電動樓梯上7F就係天空樹個入口啦。
真係好高呀,唔踎低都影唔到架。
好彩都唔係好多人啫,最初我仲驚會full添,大約排咗15分鐘就買咗飛咯。
買完飛就搭電梯上350M,
一分鐘就上到啦,一出電梯就成個東京在我脚下!
下面就係淺草。
前
面條河就係隅田川 。
本來諗住上450M,不過好多人排長龍,都係唔上咯。
都係行吓紀念品店囉,買番個公仔比芊芊先。
跟住行一層行玻璃,下面就係地面嘞,三百四十幾米高架。有D日本妹嚇到呱呱叫,但又要行喎。
依層有工作人員幫我哋喺大玻璃上面影担,但只跟影一張。其實係佢想客幫佢哋買佢哋影嘅相,不買都幫襯呀。
睇完就搭返電梯5F,依道有D天空樹嘅吉祥物同遊客影相,仲有間大紀念品店添。
行番出嚟見到多咗好多人排隊入場,好在我哋夠早啫!出到嚟都係11點幾,天氣好好,個天好藍,仲靚過今朝入場嘅時候。
行落地鐵站先見到原來商場都有間龍貓共和國添。
天滿宮內仲有梅嘅《和菓子》賣。
媽咪咁為食,梗係唔放過啦!
天滿宮係供奉日本「學問之神」菅原道真,所以大部份人都係嚟求學業嘅。
好多繪馬,9成都係合格祈願。
相傳菅原道真喜愛梅花,所以全國的天滿宮都係以梅花為標記,天滿宮亦種滿梅花,成為賞梅名所。
連雀仔都嚟賞梅呀!
天滿宮內有日本傳統藝能表演「猿まゆし」即係「舞馬騮」。
睇完馬騮戲就行入花園內賞梅囉,日本人賞梅時都愛吃章魚燒和喝甘酒
我哋都入鄉隨俗,一路賞梅一邊喝甘酒一邊食章魚燒。
賞完梅就搭番地鐵去押上攞行李,再轉京成線電車去成田空港,返香港咯。
臨走時喺成田機場嘅「空の駅」買番包日本米返香港食先!
留言列表