2013年2月27日,今朝起身就落樓下食早餐,依間東橫Inn提供嘅早餐都係以日式為主。
食完見未夠鐘搭車,就出去行吓街先。首先就行去酒店對面嘅網走駅睇吓先。
網走駅門口有個阿伊努人(北海道原住民)嘅銅像。
由網走駅望返過對面嘅東橫Inn
東橫Inn後面就係網走川,屬一級河川。
網走川D水好清,可以睇到D魚仔喺水中游來游去,,所以好多水鳥嚟搵食。
唔洗10分鐘就到碼頭咯。
我因為一早已經喺網上訂咗位,所以要攞個訂位emial去counte比錢r攞飛就得,媽咪就去搵嘢食同汲印仔。
攞咗飛就出去搭船出海睇流冰啦,依艘就係我哋今日坐嘅破冰船(日本稱為碎冰船)Aurora極光號。
碼頭嘅海邊都有好多水鳥搵食。
準備出發啦
樣好得意
嘅嘢,就係船上嘅救生筏上企咗幾隻海鷗喺度。D海鷗仲唔怕人,企喺度任影。
離開碼頭嘞,希望睇到流冰啦!
依間硝子館(即係玻璃館)D店員出嚟歡送我哋。
碼頭出口處嘅帽子岩。
行咗約20分鐘,開始見到有薄薄嘅冰啦。
D流冰越來越多同大塊啦。
D乘客都上晒甲板睇破冰,架船就開盡馬力撞碎D大塊嘅流冰,撞到嘭嘭聲,勁!
我哋都影吓相先。
約
玩咗大半個鐘,就回航咯。
凍咗成大半個鐘,落船艙食個熱辣辣嘅和牛肉包先!
船上有個水樽,養住D《流冰の天使》,即係海上浮游生物比人睇。
約一個鐘就返番去碼頭囉。
跟住喺碼頭搭巴士去網走監獄博物館。
網監獄博物館,明治時期係真正嘅監獄,因位於北海道嘅荒蕪、苦寒之地,專門扣押重犯或者一D逃獄嘅犯人。
博物館嘅展覧廳,以前係監獄嘅辦公室。
展覽廳上有D「甘酒」比人試飲,甜甜地,幾好飲吖。
日本嘅甘酒係日本傳統飲品,用白米釀製,酒精含量極低。
以前監獄嘅獄卒休息室。
獄卒嘅廚房
現代日本嘅監獄,環境好靚喎。
以前柙犯出街係咁樣,頂帽令佢哋只睇到少少前面同自已脚前。
以前嘅監倉
以前監獄嘅大澡堂
睇完之後就搭番巴士返網走站。
落車後行返東橫Inn攞行李、去吓厠所、飲番杯咖啡,等夠鐘就搭巴士去女滿別空港,離開玩咗7日白茫范嘅北海道啦,有D唔係好捨得添。
過網走駅等巴士去機場。
女滿別空港係一個小型機場,每日只有約十零班内陸機升降。
得幾個check-in counter,喺依度做嘢D人就舒服咯。
商舖得兩間
航班顯示牌顯示平均一個鐘一班機。
我哋就係搭依班機JL1188返東京嘞。
飛機升空時,停機坪嘅工作人員鞠躬送別!我都係第一次見咋。
拜拜啦,白茫茫嘅北海道。
約個半鐘就飛到東京嘅羽田機場,一出閘落電動樓梯就係電車站,非常方便。
我哋搭京急線電車去品川。
十零分鐘就到品川,比喺成田真係方便好多。
出咗品川駅行2分鐘就見到我哋今晚嘅酒店~品川高輪口東橫Inn。
酒店大門口
我哋間房望出去就係品川駅。
間房都好闊落喎。
放低行李後就搭番山手線去惠比壽再轉日比谷線電車去六本木。我哋去食
日高屋,不過依間同我哋以前喺新宿食嗰間有D唔同,D店員之間竟然係講普通話,清潔冇以前咁好,最慘連D嘢都冇咁好食。
我食中華叉燒拉麵。
媽咪食擔擔麵。
加煎餃子。
食完後就行去六本木Hills睇吓啦。
六本木Hills嘅地標《蜘蛛》,八隻腳代表人流由四面八方匯集一起。
我哋見到喺六本木Hills嘅平台係影相,原來圓圓嘅月亮啱啱就喺東京鐵塔側邊。
又會咁啱嘅,襯得幾靚喎。
影完就行吓個地下商場。
順手買埋宵夜,媽咪見到D咁靚嘅甜品就放唔到手啦。
留言列表