hkt222976的部落格

2009年3月12日，今日一早起咗身，自己刷牙洗面換衫後，胃食媽咪仍未起身，可能尋晚太夜瞓啦(因為要執好行李準備今日回香港)，叫醒佢起身，話我落街影吓嘢先，一陣我返嚟再一齊落樓食早餐啦！跟住我就去咗行酒店後面嘅『錦小路』，諗住睇吓京都嘅街市係點樣先？點先原來早得滯，大部份店舖都未開門！冇乜野睇。

跟住返酒店同老婆食完早餐就check out走人，點知counter個妹話，super hotel係唔洗check out嫁，就咁走就得嫁嘞！好啦，咁就拜拜嘞！

然後搭巴士落JR京都站，寄存行李之後就搭JR落奈良。本來今次我冇諗住落奈良，不過依兩日睇書覺得响奈良喂麋鹿幾好玩，同埋今日又有JR West Pass，搭JR落奈良唔洗加錢喎，咁就落吓啦！

早上的京都塔又幾靚喎，天氣好睇乜都靚D！

奈良站正在裝修，可能預備出年紀念遷都1300年多遊客啦！

車站對面就係super hotel喎，沿住佢側邊條大路直行20分鐘就到奈良公園嘞！

响奈良公園前就係猿澤池，後面就係興福寺同五重塔(又係世界文化遺產)！

興福寺的國寶館和五重塔

五重塔前好多麋鹿，媽咪買鹿餅喂麋鹿，話咁快就比D鹿食晒啦！

現場有圖教喂完鹿後，要响D鹿面前show出兩隻手掌，D鹿就唔會追住人嘞！

然後再經奈良公園去東大寺，中途又有好多麋鹿。

約行10分鐘就到東大寺嘞，亦都係世界文化遺產。

往東大寺前必須經過的南大門，門前有好多麋鹿。

再向前行就係中門同鏡池

過咗中門買飛再入大佛殿，大佛殿是現存世上最大的木建築。

大佛殿內高15米的青銅大佛。

在大佛左右兩旁有木做的『如意輪觀音』同『虛空藏菩薩』各一。

大佛殿內有一條柱，柱內有一洞，據說和大佛的鼻孔大細一樣，如可穿過便可驅除疾病、帶來好運。我試穿過它，竟然真的可以穿過，連我都估唔到！

响紀念品店我發現有蠟筆小新的鹿仔(奈良的像徵)電話繩賣，好得意喎！

大佛殿旁的鐘樓！

跟住行去春日大社，亦是世界文化遺產，依間神社據說很靈驗，所以很多善信奉獻的石燈籠，同大量繪馬！

枱上是堆績如山的繪馬板。

春日大社的『巫女』著得好靚，頭上仲插埋花添！

春日大社有鹿仔簽，好得意呀！

中谷堂草餅，全部由人手以大木槌，一槌一槌打做出來，好好味嫁！

之後就坐JR返京都

然後就响京都用JR West Pass 坐Haruka Express 去關西機場返香港嘞！

我哋搭CX507返香港，但這個號稱日本第二大國際機場的關西空港很少旅客，睇嚟日本D經濟真係大鑊！