2009年3月11日，今朝早左起身，因為要9點前落樓下食早餐，所有Super Hotel 都包埋西式自助早餐，唔食就唔抵啦！
依道就係大浴場嘞，不過得一間，所以要男女分段用，男係籃色，女係紅色！
出發前在酒店買定巴士一日券，￥500全日任搭市內巴士。
第一站係金閣寺，又係世界文化遺產。全個日本有35個世界文化遺產，單响京都就有17個，我又鐘意睇古蹟同影相，所以專去衣D地方囉！
因為一休和尚曾經响金閣寺出家(卡通片機靈小和尚有講)，所以繪馬板係用一休。
我地都有寫繪馬，希望一休保祐啦！
有求簽機喎，試吓先！係82簽，大吉簽，好嘢！
跟住搭巴士去北野天滿宮，京都D巴士站可以睇到D巴士大約幾時到站，好方便。
京都北野天滿宮，這裏最出名係每年2月25日的『梅花祭』，雖然啱啱過咗，但D梅花都仲好靚，一於嚟賞梅啦！
响北野天滿宮的繪馬奉納所內，掛滿祈求學業合格的祝願。
响北野天滿宮的梅苑內，有幾個畫家現場寫生，畫得幾靚嫁！
跟住搭巴士去京都市另一所世界文化遺產--銀閣寺，銀閣寺的風格是樸實無華、清幽淡雅，和金閣寺的金碧輝煌、氣勢攝人完全是兩種風格。單看這銀閣寺的大門便看出這簡樸、寂靜的風格。
現時銀閣正在維修，雖然令人有點遺憾，但同銀閣寺的意境，即是捨棄物質，追求心靈上的簡約、寂靜......又好像有點不謀而合之感。
在銀閣前有一些用沙石堆成的沙丘，這是『向月台』，下面是『銀沙灘』，都散發着一片清幽、淡然之味。
銀閣寺的遊客較少，可以慢慢行、細心欣賞日式庭園之美
行到銀閣寺的山坡上可以看到京都市的全景
銀閣寺外當然也有商店，我們吃抹茶泡芙，好味道！
過了銀閣寺橋便是『哲學之道』，因為以前有一位京都大學的哲學教授，愛在這條河邊小徑上一面散步，一面思索着哲學的問題，所以稱為哲學之道。
現時這小徑旁種滿櫻花，是拍拖的勝地。在櫻花盛開的季節，將會變成一條粉紅色的隧道，肯定浪漫得殺死人！
响途中有一棵櫻花開了少量花朵，都幾靚吖！
跟住等100號巴士落清水寺，响巴士站附近，估唔到有間雜貨鋪竟然仲有『沙籐』賣喎！唔通日本人仲用沙籐嚟教仔？
巴士响五条坂站落車，沿清水新道行上清水寺，沿途見到唔少着和服同藝伎服的遊客，响附近的攝影公司會有人同D着左靚衫嘅人一齊行去清水寺一帶。
約行5分鐘就到人氣最盛嘅清水寺嘞，又係其中一個世界文化遺產
我估衣個响寺前嘅和尚係『職業和尚』，日本D和尚點會通街化緣吖！
寺前又有一棵梅花開得好靚喎！
清水寺後面的地主神社，專門求姻緣，勁多遊客，由其係年青人！
响地主神社道有棵櫻花開得勁靚，影多幾張先！
响依個位影清水寺本堂最靚，不過好多人等位影，要排隊先有位影
行行吓，發覺有個位都唔差吖，仲有得影埋前面嘅國寶三重塔添！
排長龍的『音羽の滝』
我哋就响音羽の滝前面嘅茶亭飲杯茶、食個包！
我哋叫了一個抹茶配紅豆包&紅豆沙湯丸配綠茶
跟住行清水坂落三年坂，沿途好多商舖，我哋响依處買咗唔少嘅手信！
胃食媽咪又食牛肉蒸包，不過又真係好好食嘅！
跟住我哋行去三年坂睇京都古老建築群。
跟住再落二年坂。
响二年坂有間宮崎駿專門店，入面好多宮崎駿的卡通產品賣！
同一班扮藝伎的日本妹合照，佢哋D和服好靚嫁！
响高台寺前又有幾棵盛開嘅梅花。
穿上名貴藝伎服的遊客唔想行，可以坐人力車漫遊京都。
跟住行到去八坂神社
然後經過八坂神社嘅正門，行落衹園同花見小路！
依處就係花見小路，即係花街，有燈籠即係有藝伎在店內服務。仲將自己的名字貼在門口，打正招牌做生意！
花見小路除咗藝伎外，仲有好多餐廳，價錢又唔係好貴喎！
睇完花見小路後，行番落四条河原町，經過一座很古老的劇院，南座劇場。
傍晚時間的鴨川，很平靜、美麗，有京都市民坐在河邊休息，真寫意。
然後我哋行去先斗町食晚餐，依條街好多野食嫁。
我哋就响依間餐廳食柚子拉麵，好味道！
食完之後行返酒店經過牛奶妹店，胃食媽咪又買泡芙番酒店當宵夜！
番到酒店後媽咪去浸溫泉，我就去行後面街嘅錦天滿宮嘞！
錦天滿宮的神牛
留言列表
