2024-4-7，今朝去咗行和靈神社，依個係神社嘅一の鳥居，參道穿過和靈公園。
公園內嘅櫻花都開咗啦。
穿過和靈公園之後就係二の鳥居，依個二の鳥居係全日本最大嘅石鳥居。
神幸橋下面係須賀川。
神幸橋喺二次世界大戰空襲中奇蹟地倖免於難，但燃燒彈痕跡依然清晰可見。
神幸橋側邊係森安橋，橋邊嘅櫻花開得好靚。
和靈神社嘅拜殿。
拜殿側邊有一塊超大繪馬，每年都會畫上當年嘅生肖。
和靈神社主祭神係山家公賴(清兵衛)，山家公賴本身係伊達政宗喺家臣，當時伊達政宗嘅長子伊達秀宗於1615年被移封宇和島藩時，山家公賴作為首席家臣亦須一齊調去宇和島。山家公賴主張減稅同振興當地工業取得了成效，但到咗1620年，公賴嘅政敵發起暴動(和靈騒動)，山家公賴同兒子們一齊被殺。後來參與暴動嘅人陸續因海難或雷擊而死，當地人認為係山家公賴嘅怨靈報復，於是喺宇和島城北部建立神社，供奉山家一族嘅靈魂，就係和靈神社嘅起源。
當地神物「牛鬼」。
跟住去睇龍光院。 山門前巧遇紅葉同櫻花同框。
沿住櫻花樹下嘅石級行上去本堂。
龍光院係由伊達秀宗於1615年下令興建，宗派屬高野山真言宗。現時係四國八十八箇所第40番奥院，亦係四國別格二十霊場第6番。
龍光院山號係臨海山。
本堂供奉十一面観世音菩薩。
本堂隔籬係弘法大師堂。
弘法大師(法號空海)，公元774年生於讚岐國多度郡屏風浦（現時香川縣善通寺市），於804年渡海至大唐學習佛法，返日後創立真言宗。
彩色嘅御朱印，開創大師既係弘法大師。
弘法大師石像，前面嘅地磚叫御砂踏み，由來自四國 108 個聖地嘅沙組成。據說，如果企喺地磚上祈禱，願望就會實現。
睇完龍光院就行去宇和島城，途經市內嘅辰野川，河邊啲櫻花開得好靚。
路上好多渠蓋可以影吓，神物「牛鬼」。
宇和島獨有活動「鬪牛」。
彩色嘅「牛鬼」。
宇和島城北入口。
入門口後，行上天守閣係條大斜路，可以攞支行山杖行上去。
中途嘅兒童公園又有好多櫻花。
見到天守閣啦。
宇和島城始建於公元941年，喺1662年由宇和島藩弟2代藩主依達宗利將城堡改建成現時模樣。宇和島城係現存12天守之一。
天守加櫻花，正！
天守內展出有關依達家嘅文物。
天守閣上可以望到宇和島市海港。
天赦園建於1866年，係由宇和島藩第七代藩主伊達宗紀作為隱居處所而建造嘅庭園。
庭園名稱取自伊達政宗退隱後吟誦嘅詩句「馬上少年過，世平白髪多，殘軀天所赦，不樂是如何」。
天赦園係賞花勝地，由其係以拱橋造型棚架，稱為「上攀藤」嘅白玉藤最出名。過常每年四月櫻花開完之後就睇白玉藤，依家啱啱開始開花，應該個零禮拜後就最靚。
天赦園嘅春雨亭(書屋)。
路程有少少遠，坐巴士大約半個鐘。
落車後沿南樂園嘅外堀(護城河)大約行5分鐘就到。
好多人鋪塊布坐喺外堀野餐同賞櫻。南樂園每年櫻花祭期間，夜晚都有點燈活動，方便賞夜櫻。
南樂園大門口。
南樂園佔地153,322平方米，係四國最大規模嘅日本庭園。
去園內嘅和日輔別邸食午餐。
食完就去行一圈。
茶室
東菖蒲園有小橋流水，每年5月菖蒲開花時好多人嚟賞花。
行行吓見到有介紹去隔籬嘅山本いちごファーム，玩即採士多啤梨。
60分鐘任摘、任食只係2000円，抵玩吖，啱晒媽咪依個士多啤梨控。
入園後會教我哋點樣摘，同埋派一個紙杯俾我哋裝食完個「椗」。
啲士多啤梨好正。
摘到攰可以坐低唞吓。
食完唔唔夠喉，可以拎走100gram只係200円。
摘完士多啤梨就搭巴士返宇和島駅，車站廣場有隻鬪牛銅像。宇和島以獨有嘅傳統鬪牛(其實係兩隻牛鬥大力)出名，但每年只舉辦四場公開比賽，好難撞啱時間。
我哋今晚喺依間かどや本店食嘢。
宇和島特產宇和島鯛。
留言列表
