2018-10-23，今朝喺近鉄名古屋駅搭9:10近鐵「特急伊勢志摩ライナー」 號去伊勢市
依架車D座位好靚，全車指定席，車費連特急券2770yen
約個半鐘就到咗伊勢市駅
伊勢市嘅水渠蓋
車站前面就係伊勢神宮參道
時間都係早，參道上D舖頭好多都未開
見到依間山村乳業D鮮奶好正咁，買支嚟試吓先
伊勢神宮(外宮)嘅門口，伊勢神宮分為外宮同內宮，兩者相差約10分鐘車程。内宮主祭神係日本皇室始祖～天照大神，外宮主祭神係天照大神嘅助手～豐受大神
神宮鳥居
手水舍
外宮神樂殿
外宮嘅正宮‧唔係好起眼
喺正宮隔籬嘅正宮古殿地，伊勢神宮每20年會做一次式年遷宮大典，即係神殿每20年就每搬一次屋。依度係2013年前嘅正宮地方，2033年將會又搬返嚟嘞
伊勢神宮係天下神社嘅本宗，連攝末社都好多，連同外宮、內宮兩座正宮，總共有125座，俗稱神宮125社
睇完之後就搭三重巴士去內宮
大約十分鐘就去到內宮，落車後向前行就見到宇治橋大鳥居
宇治橋下就係神聖之河～五十鈴川
神苑
伊勢神宮内宮嘅一の鳥居
手水舍
五十鈴川
內宮神樂殿
喺參道上有棵好巨形嘅檜木，唔知點解人人行過都摸吓，我哋都摸吓啦
內宮嘅正宮，不過入面唔可以影相
神宮内嘅攝末社
前面條橋行去真中一間別宮～風日祈宮
「風日祈宮」係供奉風神，原名「風神宮」，為紀念1274年同1281年元日戰爭時，風神助日本吹散蒙古軍艦隊，致使日本免於遭受侵略，天皇下旨改名為「風日祈宮」
呢間「赤福」D紅豆餅好出名，不過依家媽咪唔鍾意食甜嘢吖，所以冇買到
媽咪喺「布遊舎」買咗條風呂敷布嚟做手袋喺
行過喱間「まるごと果汁店」，見佢啲橙汁好得意買嚟試吓，又真係幾好味架喎
行到去「おかげ横丁」，即係「托福橫丁」，主要係食店，我哋本來想搵間有海鮮丼、伊勢海老同松阪牛嘅舖頭，但最後都係行返到參道食
最後我哋嚟咗呢間岩戶屋～參宮亭度食嘢
終於可以一次過滿足晒三個願望
最正係喱個松阪牛陶板燒
食完行出門口竟然出太陽喎
趁有太陽即刻行返去宇治橋度影返張相先
跟住搭三重巴士去夫婦岩
不過D車班次好疏，一個鐘先得嗰一、兩班
巴士中途有班學生上車，但係唔知點解全部都戴著頭盔？
巴士到咗二見站後就行去對面巴士站，睇定D回程班次
跟住就行入去二見浦
佢話只要將身體唔舒服嘅地方同姓名年齡寫喺人形衣紙度，吹佢一口氣，再放入奉納箱，就可以祈求健康，媽咪部試吓啦
再向前行就見到夫婦岩嘞，其實係兩嚿海中岩石，用一條大注連繩連在一起
二見興玉神社側邊就係夫婦岩，可以喺神社祈求夫妻和順、子孫繁盛
二見興玉神社嘅手水舍水龍頭竟然係三隻青蛙
睇完夫婦岩就搭返巴士走，途中經過一個叫做安土桃山文化村嘅地方，竟然複製咗織田信長嘅安土城嚟出嚟。
我哋喺五十鈴川駅嘅地方落車，跟住就喺嗰度轉近鐵返去名古屋
返到名古屋駅，諗住又走去cafe Gentiane買小雞蛋糕(ぴよりん)比媽咪食，不過依家改咗去新舖trazione nagoya賣，媽咪每次嚟都要食架
買咗之後就攞返酒店雪起佢先，等今晚宵夜先食
然後去揾芊芊，今晚一齊去新瑞橋Aeon Mall食Pepper Lunch
食完晚飯，就去芊芊屋企幫佢執吓間屋D嘢，然後就返酒店食宵夜
留言列表
