18-10-21，琴晚影完星都差唔多天光，眼光光到6點幾起咗身，見8點先有早餐食，出去行吓先。出面氣溫大約1度，路邊D植物都結咗霜。
行去女神湖睇吓，女神湖位於海拔1530米嘅蓼科高原，係一個人工湖，儲水作為附近農田灌溉之用
湖邊嘅女神像
可能都係早，所以冇乜人
堤壩上D芒草金光閃閃
湖畔D紅葉好靚，影過不停
喺其中一角湖面，可能係附近嘅渡假酒店排放熱水，湖面泛起一片煙霧，好似仙境一樣
影到差唔多8點，就行返去白樺高原ロッジ食早餐
透過餐廳嘅窗望到附近樹林
食完早餐就行去蓼科牧場搭吊車山睇御泉水自然園
吊車由白樺高原総合観光遊客中心出發，係屬於白樺高原國際滑雪場，但依家未到滑雪季，所以開放比遊客坐上山頂嘅御泉水自然園，車費1000yen，包來回同御泉水自然園入園券
山頂嘅幸運の鐘
山頂有有展望台可以望到女神湖，仲有張吊床可以比人坐添
跟住就行入去御泉水自然園，但係個入口處唔知點解冇人看檔呢？
喺D樹上面有D鬍鬚咁嘅嘢
日文叫「猿尾枷」，原來中文叫「鬍鬚地衣」係地衣嘅一種，又識多樣嘢嘞
園內鋪有木棧道比人行
沿路都有D木牌介紹附近動植物
蓼仙の滝入口
原來行去蓼仙の滝嘅路有高有低，都幾難行
蓼仙の滝，依度D水最後會流入女神湖
行完御泉水自然園就搭返畢吊車落山，喺琴晚我哋浸溫泉嘅池の平白樺高原酒店食雪糕同飲牛奶
呢架微笑巴士即係琴日我哋由白樺湖搭上嚟嗰架， 收費只係200 yen好抵搭，不過啲車就好疏囉，每日得嗰兩三班，一定要捉準D時間
唔使十分鐘就去到長門牧場
呢個係一個觀光牧場，除咗佢有養牛養羊之外，仲有遊客可以玩嘅活動同體驗，例如騎馬、整乳製品之類
仲有養草泥馬，即係羊駝
我哋去咗玩「チーズ作り体験」，即係整芝士，首先將啲鮮奶倒落個煲度
然後加熱同溝D檸檬汁，再攪勻佢，攪到入面有啲一嚿嚿嘅嘢為止
倒返出嚟，嗰D一嚿嚿嘅嘢就係芝士嘞
整好之後個導師就畀塊麵包我哋，佢話將D芝士搽上去就食得，同我哋平時喺超市買嘅黃色一片片嘅芝士唔同，喱D基本上冇乜味
成個過程連講解(日文)約30分鐘，一組人(1-4人)2000yen，幾得意吖
玩完之後就去餐廳食嘢，現場仲有即整pizza食添
買咗支長門牧場產鮮奶飲，好香奶味，正！
食完嘢就走囉，本來想玩耐D同騎馬，不過冇時間吖，因為最後一班微笑巴士係開14:30，錯過咗就冇車
我哋搭返微笑巴士返去女神湖巴士站
落咗車之後就同芊芊、媽咪行去女神湖睇下
行吓湖邊嘅木橋遊步道
今日下畫時間多，可以慢慢繞湖行一圈，欣賞咁靚嘅風景
行完就返白樺高原ロッジ休息吓，等食晚餐
6點鐘食晚餐，今晚食陶板燒
食完之後就行上去池の平白樺高原酒店，等今晚八點鐘嘅觀星體驗，佢哋話今晚有獵戶座流星雨睇
原來呢個觀星團(連埋我哋大約十個人 )，只係喺個酒店個停車場度，聽個領隊(酒店職員兼職做埋)講解，同埋今晚係農曆十三，所以個月光都好光吓，流星就冇睇到，只係用個望遠鏡嚟睇吓個月球表面咁啦。
大約半個鐘頭，個觀星團就完咗。跟住我哋就又去浸吓溫泉，浸完溫泉出嚟我就試影吓個星空啦，不過都仲係好光，影到嘅星唔多
影咗陣就返白樺高原ロッジ瞓覺，瞓到半夜就再出嚟影吓，而家就好啲啦，因為個月光已經落咗，今次仲影到少少流星㖭
不過支鏡唔wide吖，影唔到銀河，下次再有機會就再嚟影吓，到時一定要揀農曆初一初二
google-site-verification: googledbffaa7dd19a267e.html
留言列表
