2018-09-06，今朝要離開石川啦，臨走前影吓我哋住咗兩晚嘅酒店
行去石川IC站等巴士去名護嘅海洋博公園
我哋搭高速巴士117號，巴士好準時10:20就到站
沿途經過海邊公路，睇到嘅風景都好靚
大約一個鐘就到咗海洋博公園
1975年沖繩舉辦國際海洋博覽會，之後將會場改為公園，就係現時嘅海洋博公園
入場之後首先去睇「美ら海水族館」
依度最出名係養咗鯨鯊，連館前嘅雕塑都係佢
今日天氣好好，可以望到對面嘅伊江島
入館之後首先係近距離接觸海星同海參等主物，但摸還摸不可將佢哋攞出水面
跟住就睇珊瑚區
睇完珊瑚礁區之後就睇皇牌項目「黒潮の海」，同鯨鯊Say Hello
我哋仲book埋水槽邊嘅「海の中の特別指定席」，同鯨鯊一齊食晏
食飽之後就行去睇海豚表演
然後去行「翡翠海灘」，一個被稱為全國唯一嘅礁湖內海灘
海灘上都有隻風獅爺，因為海灘本身係珊瑚礁，所以隨手執起都係D死去嘅珊瑚
今日天氣好正，藍天白雲，最適宜喺依度享受最後嘅一個平成夏天
海灘上嘅酒店
海灘嘅石邊見到D好靚嘅魚仔
行完海灘我哋就由備瀨門出去行備瀨並木同坐水牛車
我哋兩個人坐牛車遊「フクギ並木通り」(福林並木道)，包車2000円
出發啦，其實只係喺福林並木道入面行一個細圈，時間約15分鐘就玩完，如果4個人坐就抵D。我哋除咗坐水牛車外仲自己慢慢行咗陣
フクギ並木通り(福林並木道)係備瀨地區嘅原生樹林，大約300年前，當地人開始喺村内種植大量フクギ(福木)用嚟防風，就變成依家嘅福林並木道嘞
夏天行福林並木道唔晒，好舒服，不過就多蚊D
好多人仲租單車遊樹林添
並木道內都有好多舖頭同cafe
兩棵生埋一齊嘅「夫婦福木」
依間鋪頭專賣陶製風獅爺
行到備瀨崎就行完整段福林並木
備瀨崎海灘好多人玩浮潛，依度最好係水淺，腳到地，可以好安全咁睇珊瑚同魚仔
岸邊有得租浮水衣同浮潛用品，不過我哋冇帶泳衣嚟吖，冇得玩
睇完之後就行返去海洋博公園搭車去酒店，見未夠鐘買吓沖繩Blue Seal雪糕食先
坐車前先去locker度攞返D行李
就喺公園對面嘅巴士站等沖繩巴士70號去為又
一落車就見到我哋今晚住嘅Super Hotel，前面有嚿烏雲，好似落緊雨咁
入住Super Hotel通常我都會影低個早餐同大浴場時間
喺房個窗望出去竟然見到一抹雨後彩虹
依間Super Hotel除咗正常嘅女士5份小禮物外，仲有每人一份Blue Seal雪糕添
媽咪嘆住雪糕睇彩虹
依間餐廳幾出名，好多台灣同香港遊客嚟食(現場聽到好多廣東話同國語)，仲有好多名人簽名卡添
不過我哋食完又覺得唔係咁正啫，前兩晚芊芊帶我哋食嘅安安仲正啦
留言列表
