2017年7月11日，今朝一早起身見天色好好，一於出去行吓影吓相先。首先搭巴士去大崎八幡宮，依個係一の鳥居，卽係大門口
依個係二の鳥居
八幡宮主祭神係日本第15代天皇～應神天皇，被視為日本嘅戰神亦係日本天皇的祖神
參道旁嘅大日如來堂
三の鳥居
手水舍
長床
長床內有好多當地球隊祈求勝利嘅巨型繪馬
仲有當地酒廠奉獻嘅酒
拜殿
啱啱係七夕祈願祭，拜殿前放咗兩棵大竹樹，掛滿咗祈願短冊，我都掛咗張
媽咪未起身冇嚟到，幫佢寫埋護摩木啦
神輿殿同繪馬所
神社內嘅攝末社
巫女
睇完大崎八幡宮後就搭巴士返去仙台一番町，依度係仙台市另一購物熱點，主要係時裝名店，不過我都只係嚟依度轉仙台地鐵啫，所以只係影咗兩張相
搭兩個站地鐵去国際センター駅
今朝嚟都係行番琴日下晝條路，上返去睇伊達政宗騎馬像啫，首先又係經過仙台城跡
然後係五色沼，今朝唔洗大背光，影相部靚D
宮城県護國神社鳥居
二の丸地基
伊達政宗騎馬像
依家係正光，背影係藍天，好過琴日好多吖
昭忠塔
護國神社正面鳥居
御本殿
落山時啱啱見到架巡遊巴士，不過同我唔啱路吖，如果玩一日仙台，依架巴士就啱晒
玩完後就返酒店攞行李，然後搭新幹線去東京
去到東京就轉車去熱海，東京駅依個便當屋幾得意喎
我哋搭13:00嘅スーパービュー踊り子7号
14:18就到咗伊豆熱海嘞
熱海駅前面有個免費足湯叫家康の湯，因為據說德川家康都浸過㗎
都好多人浸
足湯側邊有毛巾自動販賣機，100円一條，方便遊客
我哋今晚住東橫Inn熱海站前，喺車站行3分鐘就到
D房同平時嗰D差唔多啦
放低行李後就搭巴士去熱海後樂園
熱海後樂園其實係一間溫泉酒店，我哋只係嚟轉吊車上山玩熱海城啫，所以冇行入去睇
酒店前係一個小海灣，有D漁船泊咗喺度，可以租船出海釣魚㗎
來回票600円，買完飛就搭吊車
約3分半鐘就上到山頂站
站外面有一個展望台，可以掛繪馬同愛情鎖
展望台望D風景都好靚
跟住行去熱海城，熱海城同琴日我去嘅松島城一樣，唔係日本歷史上真正存在過嘅城樓，而係近代嘅旅遊觀光設施(即係假古董啦)
城內紀念品店前嘅金鯱可以比人影相
天守閣上可以望到整個熱海市
另一邊可以望到相模灣，對出就係太平洋
見D光都好靚，影多幾張先
睇完就搭巴士返熱海駅，駅前有條商店街叫熱海仲見世通
行完仲見世通就搭巴士去來宮神社
不過嚟到都天黑咁滯
神社前有個木架，上面仲有兩個木架仔，可以比遊客插部手機嚟自拍，然後仲教人up埋上ig添，真係與時並進呀！
我哋嘅自拍照
跟住地圖過咗鳥居同參道，就係本殿
芊芊喺熱海駅嘅遊客中心見到話來宮神社今晚有祭祀儀式，所以先喺夜晚嚟睇吓
原來係有D細路女嚟體驗祭禮，令我諗起「你的名字」入面嘅三葉同四葉，喺祖傳嘅神社做巫女嘅情節
我估可能係為7月14至16號嘅「例大祭」啟綵排，日本人嘅文化傳承做得真係好
跟住沿一條點咗燈嘅小徑行去神社後面嘅大楠
依棵就係境内嘅御神木「大楠」，係國指定天然記念物，推定樹齡2000年以上，據說繞大楠行一圈可延命一年
大楠側邊係「五色の杜」，係一個檜木搭建嘅多用途場地，可以做展覽或者結婚場所(依家D神社好多都要做埋結婚式嚟幫補收入)
行完來宮神社就搭巴士返酒店，我哋今晚喺酒店對面嘅餐廳「駒」食嘢
依間餐廳嘅餐牌全部都係日文，連漢字都冇乜，芊芊話依D餐廳D嘢先正喎
今晚嘢消夜係當地生產嘅丹那牛乳，我通常去日本旅行都鍾意買D當地生產嘅牛奶做消夜，買唔到先買明治或者lawson、family mart之類
留言列表
