2017年7月10日，食完早餐就行去あおば通駅(青葉通站)搭JR去松島海岸
約半個鐘就去到松島海岸駅
出咗站約行10分鐘就到咗觀光遊船碼頭，松島被稱為日本三景之一，其餘兩景係廣島嘅嚴島同京都天橋立
去買咗9點嘅船飛先
未夠鐘搭船，行吓碼頭附近，不過原來自2011年311地震後，好多度都仲未復修得到
夠鐘上船
仁王丸巡遊松島灣，全程50分鐘，1500円
開船後好多海鷗跟住艘船飛，好似想D人餵咁
不過點追都係冇得食架啦，因以前太多人餵海鷗，令到D海鷗數量大增，而D海鷗屎會影響島上松樹生態，所以現時已經禁止餵海鷗了
艘船一路行一邊有廣播介紹松島灣嘅小島名稱，我就只係見到海上嘅小島有唔同嘅形狀，D島上面通常都幾棵松樹，好似D盆景咁。我有D懷疑係咪有人專登種上去架？
依個叫「在城島」
依個叫「鐘島」
仁王島
松島灣原來都好多養蠔戶，等我晏D試吓食先
碼頭旁嘅觀瀾亭，本來係豐臣秀吉桃山城一部分，秀吉將此亭送給依達政宗並搬去江戶，後來由政宗兒子忠宗再搬到這裏，係歷代仙台藩主納涼同賞月嘅地方，現時係松島博物館。
上岸之後就見到好多人搭10點班船，好彩搭早一班啫，如果唔係可能冇位影相
之後行去碼頭對面嘅瑞巖寺
瑞巖寺傳說中始建於平安時代(828年)，當時叫延福寺，到咗鎌倉時代(1259年)改名為円福寺，現時的瑞巌寺本堂建於1609年，由依達政宗監督下完成，並改名為瑞巖寺，已登錄為國寶
總門，現為宮城縣指定文化財
過咗總門後，參道兩旁圍起鐵絲網，原來2011年嘅311地震時，海嘯將這裏嘅樹木浸死，最後要斬去，現時仍在復修中，暫定2018年完工後才再重開
中門，係國指定文化財，仍在維修中
本堂，屬國寶，可內進參觀，但室內不能影相
本堂後面嘅走廊
庫裡，係以前瑞巖寺僧人起居嘅地方，現時亦係國寶
睇完瑞巖寺就行過隔離嘅円通院，依度係仙台藩第二代藩主伊達忠宗為咗安葬早死嘅兒子伊達光宗而興建嘅霊廟，現時喺國指定文化財
入山門後左手邊係「縁結び観音」，即係結緣觀音，好多人都嚟求姻緣架
500円買個公仔，寫上心願同名字就得架嘞
再向前行就會去到日式庭園
日式庭園
石庭，又稱「雲外天地の庭」，模擬松島灣嘅枯山水
睇完庭園就行入本堂
本堂旁邊有「数珠作り体験」，可以即場製作一串日式唸經用嘅珠鏈。
大悲亭(本堂)，供奉觀音菩薩，係町指定有形文化財
因應天氣太熱，喺本堂前面有條掛高嘅水管噴出水氣，令參拜者可以涼快D
大悲亭內供奉嘅一座木造觀音坐像（本尊）
穿過三慧殿禪林(瞑想の庭)
三慧殿，伊達光宗嘅霊屋，係國指定有形文化財
三慧殿內嘅神轎，中間係伊達光宗嘅騎馬像，旁邊有水仙花同玫瑰花圖像，據說玫瑰同洋水仙係支倉常長(伊達政宗家臣，日本最早被派往歐洲嘅使節)由羅馬帶回來的。
因紀念支倉常長喺歐洲把玫瑰(薔薇)帶回日本，円通院內有一座玫瑰花園，而円通院亦被稱為「薔薇寺」
行完円通院就出門口食番支枺茶雪糕
食用雪糕之後去五大堂，五大堂雖然屬於瑞巖寺嘅一部分，但其實係位於松島灣嘅幾個岩石小島上，由瑞巖寺行出嚟約10分鐘，再經過雨條木橋才可到達
第二段嘅木橋只得兩條木板，行落都覺得有D牙煙
由橋面望落去就係海
五大堂係一座唔大嘅建築物，由伊達政宗於1604年興建，係現存東北最古老嘅桃山式建築物。堂內供奉住五位不動明王，所以稱為五大堂，但只能在外參觀，堂內只係每33年才開放一次，下次開放係2039年。
由堂外望向松島灣
福浦橋，別名「出会い橋」
福浦橋係由松島灣岸邊接駁去福蒲島(県立自然公園)嘅紅色小橋，此橋曾於311地震受重創，後來由台灣日月潭觀光業者捐款重建，係台日友好嘅見證
睇完福蒲橋就行去對面嘅伊達政宗歷史館
伊達政宗歷史館其實係蠟像館，館內用蠟像介紹戰國猛將伊達政宗嘅一生
蠟像亦有講述伊達政宗家臣支倉常長到羅馬，會見教宗保羅五世一事
伊達政宗歷史館後面係松島さかな市場，即係松島海鮮市場
場內有新鮮海鮮賣，佢有得即買即煮添
我叫咗個「五大堂B餐」食，1600円有烤松島蠔、螺肉、帆立貝，蠔肉飯同蠔肉湯，好正
食飽之後就行去松島城
其實日本歷史上並冇松島城，只係1932年有商人在松島岸邊興建咗松島城酒店，而依個天守閣係洒店嘅一部分，自酒店2003年關門拆卸後，只淨下天守閣並改稱日本三景展望台
展望台上望向松島灣，左邊係福蒲橋，前面係五大堂
松島城後面係伊達政宗歷史館同松島海鮮市場
行返火車站時經過松島名物～阿部蒲鉾店
阿部蒲鉾店，係賣燒魚餅，用當地多種鮮魚肉攪成魚漿，再倒模成竹葉形，然後放在烤爐上烤成金黃色就可以食啦
有D似香港嘅魚片頭，好食！
松島半天遊之後就坐返JR返仙台
返到仙台就坐地鐵去「国際センター」駅，然後行去仙台城跡
仙台城又名青葉城，係伊達政宗於1601年興建，直到明治廢城令後主建築二の丸被拆毀，淨下的大手門、脇櫓、巽門等建築亦毀於二戰時的空襲，現存遺跡只淨下石垣、土壘、堀等少量建築
五色沼係以前仙台城護城河嘅一部分，1890年有外國人開始在此玩溜冰，1909年仙台第二高等學校(東北大學前身)德國教師開始在這裏教學生玩花式溜冰，因此五色沼被稱為日本花式溜冰發祥地
位於青葉城公園內嘅仙台市博物館
魯迅曾經喺仙台嘅仙台醫學專門學校學醫，所以公園內亦有一座魯迅雕塑
魯迅雕塑旁有江澤民嘅手植紅梅樹
跟住行上去仙台城本丸嘅遺跡睇吓，經過清水門跡嘅石垣
再上就見到二の丸嘅石垣，不過今日勁晒，行到滿頭大汗
仙台城二の丸拆毀後，改為宮城縣護國神社，紀念戰死軍人
僅餘嘅二の丸地基
仙台城位於青葉山，由依度可以望到仙台市全景
護國神社前嘅伊達政宗騎馬像，不過依家背光，影相唔靚。
昭忠塔，又係背光
護國神社嘅正殿，D色雖然好靚不過又係背光，依度真係不適宜下晝嚟，等我試吓聽朝嚟過再影吓先
睇咗陣就行去伊達政宗同佢家族嘅靈廟～瑞鳳殿
行上瑞鳳殿係一條長長嘅石階路，旁邊D紫陽花開得好靚
靈廟嘅入口
一代武將兼仙台藩初代藩主伊達政宗埋骨於此
瑞鳳殿旁就係政宗公殉死家臣嘅陪葬墓
前面係二代藩主伊達忠宗嘅霊屋「感仙殿」同後面係三代藩主伊達綱宗嘅霊屋「善應殿」
瑞鳳殿旁係瑞鳳寺
瑞鳳寺係由二代藩主伊達忠宗於1637年創建，寺內供奉釋迦牟尼佛、文殊同普賢菩薩，亦係作為伊達家嘅菩提寺，保祐伊達一家
睇完就行落巴士站，途中見到有間穴蔵稻荷神社，係一間細型神社
喺神社嘅參道上見到隻鍬形蟲，影吓先
搭完巴士就轉地鐵去七北田公園，依個公園係仙台市民休憩場所之一，冬奧花式溜冰冠軍羽主結弦(另一身份係仙台旅遊大使)童年都喺依度玩架，我都係睇羽生結弦介紹先嚟行吓
行到日落時刻就走咯
跟住搭返地鐵返仙台駅，影吓夜景
今晚食窮人恩物～sukiya
鰻魚牛丼定食，只係980円咋
留言列表
