2016年5月23日，今朝喺Central Hotel食完早餐就去遊船河，我哋搭船嘅地方就係三重橋旁，皓怡背後有條樓梯，行落去就係碼頭。
我哋搭10:00am班船，8歐一位
依艘就係我哋搭嘅船，全透明，睇景好
連廁所都係透明
依班係今日第一班船，竟然只得我哋兩個人，變咗包船
艘船沿住盧布爾雅那河向左行，經過琴晚我哋食館嘅鞋匠橋，向市郊行駛
朝早嘅盧布爾雅那河岸有人踩單車、跑歩、推住BB車散歩，好悠閒
亦有人玩吓獨木舟
約行20分鐘就行返轉頭，駛回市中心
返到三重橋
三重橋嘅主橋上嘅拉丁文ARCHIDVCI. FRANCISCO. CAROLO. MDCCCXLII. CIVITAS，英文係To Archduke Franz Karl in 1842 by the Town，即係向奧地利嘅法蘭茲·卡爾大公致意(當時斯洛文尼亞仍屬奧地利領土)
三重橋旁嘅長廊，係斯洛文尼亞建築師尤利·普雷契尼克（Jože Plečnik)嘅作品，其實盧布爾雅那市好多建築物都係佢嘅作品架
再前行到龍橋艘船就行返轉頭
又返到三重橋就上岸嘞
上岸之後行去三重橋同普雷雪倫廣場
廣場上有班小學生喎
行去市會堂附近睇吓
跟住行埋去露天市場，前日我哋嚟嘅時候，差唔多收晒檔，今日就開晒咯
我哋買西瓜食
食完西瓜就去Kavarna Cocao食雪糕
食完雪糕跟住返酒店退房，然後去郵局寄明信片
寄用信就行嚟車站搭德鐵巴士去我哋嘅第三站：克羅地亞嘅薩格勒布
臨走前喺車站影返張相先
我哋就係搭依架德國國鐵嘅巴士去薩格勒布，網上訂飛，只係9歐一位咋，抵搭！
巴士上有得叉電，正！克羅地亞雖然屬歐盟成員國，但唔係神根公約國，所以係有邊境管制嘅，但好奇怪，我哋架車只係喺斯洛文尼亞邊境管制站Obrežje落車check passport同蓋出境印，但就唔知點解去到克羅地亞就冇邊境管制站，所以冇蓋入境印，我咪同皓怡講會唔會當我哋偷渡入境架？定係一地一檢當兩檢咁先進？
大約兩個鐘，就到咗薩格勒布嘅車途車站Autobusni Kolodvor Zagreb，一落車第一件事就係揾部ATM撳錢，因為克羅地亞唔屬歐元區，佢哋嘅貨幣叫庫勒(Kuna)，兌換率同人民幣差唔多，我鍾意叫佢做人仔
跟住行上車站樓上嘅售票處，買聽朝8:45去十六湖國家公園嘅車飛
買完飛就行去我哋嘅酒店，Hotel Central Zagreb
D房都唔錯吖
係差在冇浴缸啫，因為我鍾意玩完一日後，夜晚返到酒店浸一個暖水浴好舒服啫
攞完房後就行去對面嘅火車站買定去匈牙利嘅布達佩斯嘅火車飛
原來火車站廣場有個露天市集，都好多D農產品賣
又有大大粒嘅士多啤梨，13蚊人仔一盒咋
買飛嘞，估唔到國際列車嘅車飛竟然係手寫，唔係用電腦訂同印出嚟，唔怪之得之前上網訂唔到啦，我喺度諗：會唔會超賣架？
手寫火車飛，我見過，我真係見過
買完飛就行吓街，依個叫湯美史拉法廣場(Trg kralja Tomislava)，不過今日天氣唔係咁好，有D烏雲，仲有少少雨添
湯美史拉法廣場上嘅薩格勒布美術展覽館(Zagerb Art Pavilion)，美術展覽館成立於1898年，係東南歐歷史最悠久的美術館
美術展覽館後面就係克羅地亞科學與藝術學院(Croatian Academy of Arts and Sciences)
後面就係學院嘅圖書館(Library of Croatian Academy of Arts and Sciences)
唔知點解喺圖書館前面嘅草地竟然種咗罌粟花
喺廣場側邊有好多古老建築物，依間依薩格勒布市圖書館(Knjižnice grada Zagreba)，最可惜係今日天氣唔好吖
Esplanade Zagreb Hotel
Palace hotel Zagreb
行行吓就去到市公園，開始有陽光嘞
入口處棵大樹有個大樹窿
行完公園就行去捷拉斯嘉廣場(Trg bana Josipa Jelačića)，依度係薩格勒布舊城區嘅市中心，非常熱鬧
廣場上嘅捷拉斯嘉總督騎馬雕像
跟住行一小段斜路上洛斯卡克塔(Kula Lotrščak)同聖馬克教堂(St. Mark's Church)
洛斯卡克塔(Kula Lotrščak)，係一座建於13世紀嘅軍事瞭望塔，內有一支大炮，如發現南敵人入侵，就會發炮示警。現時每日中午12時都會發炮一次，有D似香港嘅怡和午炮。
洛斯卡克塔隔籬就係失戀博物館，這是一間專門收藏情侶分手後棄置的禮物的博物館。此博物館於2011年獲得歐洲年度博物館獎中的其中一個獎項，以表揚其創意，好多人嚟參觀
失戀博物館旁嘅Saint Catherine Church
失戀博物館前嘅Saint Cyril and Methodius church，係東正教教堂
聖馬克教堂(St. Mark's Church)，始建13世紀，最出名就係佢嘅馬賽克屋頂，被稱為克羅地亞最美麗教堂，我叫佢做馬賽克教堂
聖馬克教堂所在地叫聖馬克廣場(St. Mark's Square)，亦係克羅地亞的心臟，左邊紅色屋頂係政府總部，右手邊黃色建築物係國會大樓，後面就係憲法法院
圖中左手邊有警察駐守就係政府總部，中間橙色建築物就係憲法法院
聖馬克教堂嘅鐘樓係建於15世紀
石拱門(Kamenita vrata / Stone gate)，傳說18世紀全城大火後，在此拱門的一幅聖母畫像卻完好無缺，從此這裡便成為朝聖的聖地
又有人在朝聖
據說領呔係由克羅地亞人發明，所以薩格勒布市內好多領呔店，依間舖掛條大領呔同煲呔出門口吸引遊客
同歐洲其他城市一樣，好多路邊餐廳
聖母升天教堂，亦稱為薩格勒布主教座堂，始建於1094年，被戰爭和地震破壞多次，現時的建築係於19世紀後重建而成，兩邊的高塔高105米，是克羅地亞最高的建築物
教堂前面高柱上的聖母雕像
左右都有羅馬式城塔
教堂旁嘅城牆係16世紀時防範鄂圖曼軍隊入侵而建，同左右嘅羅馬式城樓連在一起，現時在城牆上鑲有一個大鐘，影起相嚟幾靚架
我哋喺依間Korčula餐廳食晚餐
吞拿魚扒
墨魚飯
返到酒店食大大粒嘅士多啤梨做飯後果
留言列表
